ಎಲ್ಲೆಲ್ಲೂ ಬೆಳಕಿನ ಹಬ್ಬದ ಸಂಭ್ರಮ. ಇದೀಗ ಬಿಗ್ ಬಾಸ್ ಮನೆಯಲ್ಲಿಯೂ ಕೂಡ ದೀಪಾವಳಿಯ ಸಂಭ್ರಮ ಜರುಗುತ್ತಿದೆ. ಬೆಳಗ್ಗೆ ಏಳುತ್ತಲೇ “ದೀಪದಿಂದ ದೀಪವ ಹಚ್ಚಬೇಕು ಮಾನವ” ಎಂಬ ಹಾಡಿನ ಮೂಲಕ ಬಿಗ್ ಬಾಸ್ ಎಲ್ಲರನ್ನೂ ಎಬ್ಬಿಸಿದ್ದಾರೆ. ಇದಾದ ನಂತರ ಪ್ರತಿಯೊಬ್ಬರೂ ಎಣ್ಣೆ ಹಚ್ಚಿಕೊಂಡು, ತಲೆಗೆಲ್ಲ ಸಖತ್ತಾಗಿ ಮಸಾಜ್ ಮಾಡಿದ್ದಾರೆ. ಗುರೂಜಿಯಂತೂ ನಾಟಿ ಶೈಲಿಯಲ್ಲಿ ಅರುಣ್ ಸಾಗರ್ ಮತ್ತು ವಿನೋದ್ ಗೆ ಎಣ್ಣೆ ಮಸಾಜ್ ಮಾಡಿದ್ದಾರೆ. ಇವೆಲ್ಲಾ ಆದ ನಂತರದಲ್ಲಿ ಪ್ರತಿಯೊಬ್ಬರೂ ಸಾಂಪ್ರದಾಯಿಕವಾಗಿ ಸಿದ್ಧರಾಗಿ, ದೇವರಿಗೆ ಪೂಜೆ- ಪುನಸ್ಕಾರಗಳನ್ನೂ ಮಾಡಿದ್ದಾರೆ. ಮನೆಮಂದಿಗೆಲ್ಲಾ ಲಿವಿಸ್ಟಾ ವತಿಯಿಂದ ನಾನಾ ರೀತಿಯ ಕಾಫಿ ಪುಡಿಯನ್ನು ಉಡುಗರೆಯನ್ನು ನೀಡಿದ್ದು ಎಲ್ಲರಿಗೂ ಖುಷಿ ಆಗಿದೆ.
ಇವೆಲ್ಲದರ ನಡುವೆ ಟಾಸ್ಕ್ ಕೂಡ ಇತ್ತು. ಗೆದ್ದ ತಂಡಕ್ಕೆ ಮನೆಯವರ ವತಿಯಿಂದ ಕಳಿಸಿಕೊಟ್ಟ ಗಿಫ್ಟ್ ನೀಡುವುದರಾಗಿ ಇತ್ತು. ಇದಕ್ಕಾಗಿ ಮೊದಲ ಟಾಸ್ಕ್ ನಡೆದಿದ್ದು ದಿವ್ಯಾ ಉರುಡುಗ ಮತ್ತು ದೀಪಿಕಾ ದಾಸ್ ನಡುವಲ್ಲಿ.
ಸಾಲಲ್ಲಿ ಇಟ್ಟ ಬಾಟಲಿಗಳನ್ನು ಗನ್ ಶಾಟ್ಸ್ಗಳ ಮೂಲಕ ಹೊಡೆದು ಉರುಳಿಸಬೇಕು. ಆದರೆ ಈ ಗೇಮ್ನಲ್ಲಿ ದೀಪಿಕಾ ದಾಸ್ ಹಾಗೂ ದಿವ್ಯಾ ಉರುಡಾ ಸೋಲುತ್ತಾರೆ. ದಿವ್ಯಾ ಈ ಸೋಲಿನಿಂದ ನೊಂದು, ಸೋತೆ ಎಂಬ ನೋವಿಗಿಂತ ನನ್ನಿಂದ ನನ್ನ ತಂಡದವರಿಗೆ ಗಿಫ್ಟ್ ಮಿಸ್ ಆಯ್ತು ಎಂಬ ಗಿಲ್ಟ್ ಫೀಲ್ ಕಾಡಿ ಅಳುತ್ತಾಳೆ.
ಇನ್ನು ಅಮೂಲ್ಯ ಗೌಡ ಕೂಡ ಪೌಡರ್ ರೂಮ್ಗೆ ಹೋಗಿ ” ಬಿಗ್ ಬಾಸ್ ಪ್ಲೀಸ್ ನಮಗೆ ಆ ಗಿಫ್ಟ್ ಬೇಡ. ಆದರೆ ಮನೆಯವರು ಏನು ಕಳಿಸಿದ್ದಾರೆ ಅಂತ ಒಂದು ಸಲ ನೋಡ್ತೀನಿ ಬಿಗ್ ಬಾಸ್ ಪ್ಲೀಸ್” ಅಂತ ಬೇಡಿಕೊಳ್ಳುತ್ತಾ ತುಂಬಾ ಹೊತ್ತು ಅಳುತ್ತಾಳೆ.
