ಟಿವಿ ಚಂದಾದಾರರಿಗೆ ವಿಶೇಷ ಓವರ್-ದಿ-ಟಾಪ್ (OTT) ಸೇವೆಯನ್ನು ಆರಂಭಿಸಿ ವೀಕ್ಷಕರ ಗಮನ ಸೆಳೆದಿದ್ದ ಟಾಟಾ ಪ್ಲೇ (ಹಿಂದೆ ಟಾಟಾ ಸ್ಕೈ) ಇದೀಗ ಮತ್ತೊಂದು ಭರ್ಜರಿ ಸುದ್ದಿ ತಂದಿದೆ.
ಟಾಟಾ ಪ್ಲೇ ಬಿಂಜ್ ಹೆಸರಿನಲ್ಲಿ ಓವರ್-ದಿ-ಟಾಪ್ (OTT) ಸೇವೆಯನ್ನು ಆರಂಭಿಸಿದ ಟಾಟಾ ಪ್ಲೇ ಸಂಸ್ಥೆ ಮೊದಲು ತನ್ನ ಡಿಶ್ ಅಥವಾ ಟಿವಿ ಚಂದಾದಾರರಿಗಷ್ಟೇ ಈ ಸೇವೆಯನ್ನು ಒದಗಿಸಿತ್ತು. ಆದರೆ, ಇದೀಗ ಇತರೆ ಬಳಕೆದಾರರಿಗೂ ಸಹ ಈ ಸೇವೆಯನ್ನು ವಿಸ್ತರಿಸಲು ಸಂಸ್ಥೆ ಮುಂದಾಗಿದೆ.
Disney+Hotstar, ZEE5, Voot, SonyLIV, MX Player, Planet Marathi, Sun NXT, Hoichoi, Eros Now ಸೇರಿದಂತೆ ಹಲವು ಓಟಿಟಿ ಚಾನಲ್‌ಗಳ ಸೇವೆಗಳು ಹೊಂದಿದ್ದ ಈ ಸೇವೆಯು ಈ ಎರಡು ವರ್ಷಗಳ ಕಾಲ ಟಾಟಾ ಪ್ಲೇ ಟಿವಿ ಚಂದಾದಾರರಿಗಷ್ಟೇ ಲಭ್ಯವಿತ್ತು ಆದರೆ, ಇದೀಗ ದೇಶದಲ್ಲೇ ಮೊಟ್ಟ ಮೊದಲ ಬಾರಿಗೆ ಇತರೆ ಬಳಕೆದಾರರಿಗೂ ಸಹ ಈ ಸೇವೆಯನ್ನು ವಿಸ್ತರಿಸಲು ಸಂಸ್ಥೆ ಮುಂದಾಗಿದೆ.
ಟಾಟಾ ಪ್ಲೇ ಚಂದಾದಾರರು ಸೇರಿದಂತೆ ಇತರೆ ಎಲ್ಲ ಬಳಕೆದಾರರಿಗೂ ‘ಬಿಂಜ್ ಆಪ್’ನಲ್ಲಿ ಓವರ್-ದಿ-ಟಾಪ್ (OTT) ಸೇವೆಯನ್ನು ಪಡೆಯಬಹುದಾಗಿದೆ.
ಇದರಿಂದ ಎಲ್ಲಾ ಸ್ಮಾರ್ಟ್‌ಫೋನ್ ಬಳಕೆದಾರರು ಟಾಟಾ ಪ್ಲೇ ಆಪ್ ಮೂಲಕ ಕಡಿಮೆ ಬೆಲೆಯಲ್ಲಿ ಓಟಿಟಿ ಸೇವೆಗಳಾದ Disney+Hotstar, ZEE5, Voot, SonyLIV, MX Player, Planet Marathi, Sun NXT, Hoichoi, Eros Now ಸೇರಿದಂತೆ ಹಲವು ಸೇವೆಗಳನ್ನು ಪಡೆಯಬಹುದಾಗಿದೆ.
ಪ್ರಸ್ತುತ ಟಾಟಾ ಪ್ಲೇ ನಲ್ಲಿ ಒದಗಿಸಲಾಗುತ್ತಿರುವ ಬಿಂಜ್ ಪ್ಯಾಕೇಜ್‌ಗಳು 59 ರೂ, 99 ರೂ, 175 ರೂ ಮತ್ತು 299 ರೂ. ಗಳ ಬೆಲೆಯಲ್ಲಿ ಲಭ್ಯವಿದೆ. ಇವುಗಳಲ್ಲಿ 199 ರೂ ಮತ್ತು 299 ರೂ ಮಾಸಿಕ ಸಂಪರ್ಕಿತ ಡಿವೈಸ್‌ಗಳಲ್ಲಿ ಪ್ರವೇಶಿಸಬಹುದಾಗಿದೆ.
ಆದರೆ, ಇನ್ನುಳಿದ ಪ್ಯಾಕ್‌ಗಳು ಮೊಬೈಲ್ ಡಿವೈಸ್‌ಗೆ ಮಾತ್ರ ಕೆಲವೇ ಕೆಲವು ಓಟಿಟಿ ಸಂಪರ್ಕಗಳನ್ನು ಹೊಂದಿವೆ.
ಉದಾಹರಣೆಗೆ- 59 ರೂ. ಪ್ಯಾಕ್ ಮೂರು ಆಯ್ಕೆಗಳನ್ನು ಹೊಂದಿದ್ದು, MX ಸ್ಟಾರ್ಟರ್, ಜೀ5 ಸ್ಟಾರ್ಟರ್ ಮತ್ತು ವೂಟ್ ಸ್ಟಾರ್ಟರ್ ಚಾನಲ್‌ಗಳಿಗೆ ಚಂದಾದಾರಿಕೆ ನೀಡುತ್ತದೆ.
ಬಳಕೆದಾರರು ಯಾವ ಚಾನಲ್ ಹೆಚ್ಚಾಗಿ ವೀಕ್ಷಿಸುತ್ತಾರೆ ಎಂಬುದರ ಮೇಲೆ 59 ರೂ, 99 ರೂ, 175 ರೂ ಮತ್ತು 299 ರೂ. ಗಳ ಪ್ಯಾಕೇಜ್‌ಗಳಲ್ಲಿ ಒಂದನ್ನು ಆಯ್ದುಕೊಳ್ಳಬಹುದಾಗಿದೆ.
ವಿಷಯ ಅನ್ವೇಷಣೆಯನ್ನು ಸುಲಭಗೊಳಿಸುವುದು ಈ ಕ್ರಮದ ಹಿಂದಿನ ಪ್ರಮುಖ ಉದ್ದೇಶವಾಗಿದೆ ಎಂದು ಕಂಪನಿ ಹೇಳಿದ್ದು, ಇದೀಗ ಟಾಟಾ ಪ್ಲೇ ಒದಗಿಸುತ್ತಿರುವ ಬೆಲೆಯಲ್ಲಿಯೇ ಹೊಸ ಚಂದಾದಾರರು ಕೂಡ ವಿಶೇಷ ಓವರ್-ದಿ-ಟಾಪ್ (OTT) ಸೇವೆಯನ್ನು ಪಡೆಯಬಹುದು. ಇದರಿಂದ ಹಲವು ಓಟಿಟಿ ಚಾನಲ್‌ಗಳಿಗೆ ಪಾವತಿಸಬೇಕಾದ ಬಣ ಕೂಡ ಉಳಿತಾಯವಾಗಲಿದೆ.
2020 ರಲ್ಲಿ ಟಾಟಾ ಪ್ಲೇ ಪ್ರಾರಂಭವಾದಾಗಿನಿಂದ ಇಲ್ಲಿಯವರೆಗೆ, ಟಾಟಾ ಪ್ಲೇ ಅಪ್ಲಿಕೇಶನ್ ಮೂಲಕ ಸುಮಾರು 1 ಮಿಲಿಯನ್ ಪಾವತಿಸಿದ ಚಂದಾದಾರರನ್ನು ಹೊಂದಿರುವ ಟಾಟಾ ಪ್ಲೇ ಇದೀಗ ಅಂತಿಮವಾಗಿ ಇತರೆ ಬಳಕೆದಾರರಿಗೂ ನೆರವಾಗಲು ಮುಂದಾಗಿದೆ.
