ರೈತರಿಗೋಸ್ಕರ ರಾಜ್ಯ ಸರ್ಕಾರ ಜಾರಿಗೆ ತಂದಿದೆ ‘ಸೂರ್ಯ ರೈತ ಯೋಜನೆ’ !!| ಈ ಯೋಜನೆಯ ಪ್ರಯೋಜನಗಳ ಕುರಿತು ಇಲ್ಲಿದೆ ಮಾಹಿತಿ
ರೈತರಿಗೋಸ್ಕರ ರಾಜ್ಯ ಸರ್ಕಾರ ಹಲವು ರೀತಿಯ ಯೋಜನೆಗಳನ್ನು ಜಾರಿಗೆ ತಂದಿದೆ. ಹಾಗೆಯೇ ಇದೀಗ ರೈತರ ಪಂಪ್‌ಸೆಟ್‌ಗಳಿಗೆ ವಿದ್ಯುತ್ ಅಭಾವವನ್ನು ತಪ್ಪಿಸಲು ಕರ್ನಾಟಕ ಸರ್ಕಾರ ‘ಸೂರ್ಯ ರೈತ ಯೋಜನೆ’ ಜಾರಿಗೆ ತಂದಿದೆ. ರೈತರಿಗೆ ಸೋಲಾರ್ ಪಂಪ್‌ಸೆಟ್‌ ಅಳವಡಿಸುವ ಯೋಜನೆ ಇದಾಗಿದ್ದು, ಪಂಪ್‌ಸೆಟ್‌ಗೆ ಆಗಿ ಉಳಿದ ವಿದ್ಯುತ್ ಅನ್ನು ಗ್ರಿಡ್‌ಗೆ ವರ್ಗಾಯಿಸುವ ಮೂಲಕ ಆದಾಯವನ್ನೂ ಗಳಿಸಬಹುದು.
ಈ ಯೋಜನೆಯಡಿ ಹೆಚ್ಚುವರಿ ವಿದ್ಯುತ್ ಉತ್ಪಾದಿಸುವ ಗುರಿಯೊಂದಿಗೆ ಅಸ್ತಿತ್ವದಲ್ಲಿರುವ ನೀರಾವರಿ ಪಂಪ್ ಸೆಟ್‌ಗಳನ್ನು ಸೋಲಾರ್ ಪಂಪ್‌ಸೆಟ್‌ಗಳೊಂದಿಗೆ ಬದಲಾಯಿಸುತ್ತದೆ. 2019ರ ಜನವರಿ 19 ರಂದು ಈ ಯೋಜನೆಯನ್ನು ಕನಕಪುರದಲ್ಲಿ ಪ್ರಾಯೋಗಿಕವಾಗಿ ಆರಂಭಿಸಲಾಯಿತು.
ಆರಂಭಿಕ ಹಂತದಲ್ಲಿ ಕರ್ನಾಟಕ ಸರ್ಕಾರ 310 ಐಪಿ ಸೆಟ್‌ಗಳನ್ನು ಸೋಲಾರ್ ವಾಟರ್ ಪಂಪ್ ಸೆಟ್‌ಗಳೊಂದಿಗೆ ಬದಲಾಯಿಸುವ ಯೋಜನೆ ಹೊಂದಿತ್ತು. ಈ ಸೋಲಾರ್ ಪಂಪ್‌ಗಳು ಅಸ್ತಿತ್ವದಲ್ಲಿರುವ ಐಪಿ ಪಂಪ್ ಸೆಟ್‌ಗಳಿಗಿಂತ 1.5 ಪಟ್ಟು ಹೆಚ್ಚು ನೀರನ್ನು ಪಂಪ್ ಮಾಡುವ ಸಾಮರ್ಥ್ಯ ಹೊಂದಿವೆ. ಇದಲ್ಲದೆ, ಈ ಪಂಪ್‌ಗಳು ಒಟ್ಟು ಶಕ್ತಿಯ 1/3ರಷ್ಟನ್ನು ಭಾಗವನ್ನು ಮಾತ್ರವೇ ಬಳಕೆ ಮಾಡಿಕೊಳ್ಳುತ್ತವೆ. ಉಳಿದ ವಿದ್ಯುತ್ ಅನ್ನು ವಿದ್ಯುತ್ ಗ್ರಿಡ್‌ಗೆ ಪೂರೈಸಲಾಗುತ್ತದೆ
ಕರ್ನಾಟಕ ಸೂರ್ಯ ರೈತ ಯೋಜನೆಯು ರೈತರಿಗೆ ಕೃಷಿ ನೀರಾವರಿಗೆ ಸಹಕಾರಿಯಾಗಲಿದೆ. ಏಕೆಂದರೆ ಸಾಮಾನ್ಯ ಪಂಪ್‌ಸೆಟ್‌ಗಳಾದರೆ, ರಾತ್ರಿ ವೇಳೆಯಲ್ಲಿ ವಿದ್ಯುತ್ ನೀಡಿದಾಗ ಆನ್‌ ಮಾಡಬೇಕಾಗುತ್ತದೆ. ಆದರೆ, ಸೋಲಾರ್ ಪಂಪ್ ಸೆಟ್‌ ಆದರೆ ಹಗಲು ಹೊತ್ತಿನಲ್ಲಿ ಪೂರ್ಣವಾಗಿ ನೀರಾವರಿ ವ್ಯವಸ್ಥೆ ಇರುತ್ತದೆ. ಅಲ್ಲದೆ ವಿದ್ಯುತ್ ಮತ್ತು ನೀರಿನ ವ್ಯರ್ಥವನ್ನು ಕಡಿಮೆ ಮಾಡುತ್ತದೆ. ಕರ್ನಾಟಕ ಸರ್ಕಾರ ರೈತರ ಹೂಡಿಕೆ, ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ ಜಂಟಿ ಸಹಯೋಗದಲ್ಲಿ ಈ ಯೋಜನೆಯನ್ನು ಆರಂಭಿಸಲಾಗಿದೆ. ಬೆಂಗಳೂರು ವಿದ್ಯುತ್ ಸರಬರಾಜು ಕಂಪನಿಯು ಈ ಯೋಜನೆಗೆ ಸಬ್ಸಿಡಿ ನೀಡುತ್ತದಲ್ಲದೆ, ಈ ಯೋಜನೆ ಅನುಷ್ಠಾನಕ್ಕೆ ಸಾಲವೂ ಸಿಗಲಿದೆ.
ಗ್ರಿಡ್‌ನಲ್ಲಿ ರಫ್ತು ಮಾಡಲಾದ ಹೆಚ್ಚುವರಿ ಶಕ್ತಿಯ ವೆಚ್ಚದ ಮೂಲಕ ಬೆಸ್ಕಾಂ ಸಾಲದ ಮೊತ್ತವನ್ನು ವಸೂಲಿ ಮಾಡುತ್ತದೆ. ಸಾಲ ವಸೂಲಾತಿ ನಂತರ ಬೆಸ್ಕಾಂ ಹೆಚ್ಚುವರಿ ಮೊತ್ತವನ್ನು ರೈತರ ಬ್ಯಾಂಕ್ ಖಾತೆಗೆ ಜಮೆ ಮಾಡುತ್ತದೆ. ಅಂತೆಯೇ, ಮರುಪಾವತಿ ಅವಧಿಯು ಸುಮಾರು 12 ರಿಂದ 14 ವರ್ಷಗಳವರೆಗೆ ಇರುತ್ತದೆ, ಏಕೆಂದರೆ ಉತ್ಪಾದಿಸುವ ವಿದ್ಯುತ್ ಪ್ರಮಾಣ ಮತ್ತು ಅದರ ಬಳಕೆಯು ಇಷ್ಟು ಸಮಯ ತೆಗೆದುಕೊಳ್ಳುತ್ತದೆ.
ಬೆಸ್ಕಾಂ ಕಾರ್ಯಗಳು
*ರೈತ ಸಹಕಾರ ಸಂಘಗಳ ರಚನೆ.
*ಬೆಸ್ಕಾಂ ಚಾನಲ್ ಸಬ್ಸಿಡಿಗಳನ್ನೂ ಸಹ ನೀಡುತ್ತದೆ.
*ರೈತರಿಗೆ ಮೃದು ಸಾಲ ನೀಡುವುದು.
*25 ವರ್ಷಗಳ ಅವಧಿಗೆ ವಿದ್ಯುತ್ ಖರೀದಿ ಒಪ್ಪಂದಕ್ಕೆ ಸಹಿ.
*ಪಂಪ್ ಸೆಟ್‌ಗಳಿಗೆ ಸರಿಯಾದ ವಿದ್ಯುತ್ ಪೂರೈಕೆಯನ್ನು ಖಚಿತಪಡಿಸಿಕೊಳ್ಳುವುದು.
*ಇದಲ್ಲದೆ, ಇಂತಹ ವ್ಯವಸ್ಥೆಗಳನ್ನು ಯಶಸ್ವಿಯಾಗಿ ಸ್ಥಾಪಿಸಲು ರೈತರು ನೆರಳು ಮುಕ್ತ ಭೂಮಿ ನೀಡಬೇಕಾಗುತ್ತದೆ. ಇದರ ಜೊತೆಗೆ, ರೈತರು ಅಳವಡಿಸಲಾಗುವ ಸೋಲಾರ್ ಫೋಟೋ-ವೋಲ್ಟಾಯಿಕ್ ವ್ಯವಸ್ಥೆಯನ್ನು ರಕ್ಷಿಸಬೇಕಾಗುತ್ತದೆ.
ಸೂರ್ಯ ರೈತ ಯೋಜನೆಯ ಪ್ರಯೋಜನಗಳು
*ಕೃಷಿ ಉತ್ಪಾದನೆಯಲ್ಲಿ ಹೆಚ್ಚಳ.
*ಹಗಲು ವೇಳೆಯಲ್ಲಿ ಸ್ಥಿರ ಮತ್ತು ಸಾಕಷ್ಟು ವಿದ್ಯುತ್ ಪೂರೈಕೆ.
*ಪ್ರತಿಕೂಲ ಹವಾಮಾನ ಪರಿಸ್ಥಿತಿಗಳಲ್ಲಿಯೂ ರೈತರಿಗೆ ಸ್ಥಿರ ಆದಾಯದ ಮೂಲ.
*ಈ ಯೋಜನೆಯು ರೈತರಿಗೆ ಇಂಧನ ಸಬ್ಸಿಡಿ ನೀಡುವ ಅಗತ್ಯವನ್ನು ನಿವಾರಿಸುತ್ತದೆ.
*ಇದಲ್ಲದೆ, ಸೌರ ನೀರಿನ ಪಂಪ್ ಯೋಜನೆಯು ಬೆಸ್ಕಾಂನ ಮೂಲಸೌಕರ್ಯ ವೆಚ್ಚವನ್ನು ಕಡಿಮೆ ಮಾಡುತ್ತದೆ ಮತ್ತು ಅವರ ಬೇಡಿಕೆ ಮತ್ತು ತಾಂತ್ರಿಕ ನಷ್ಟವನ್ನು ಕಡಿಮೆ ಮಾಡುತ್ತದೆ.
