ಲಾಕ್ ಡೌನೇ ಅಸಂವಿಧಾನಿಕ, ಅದರಿಂದ ನಂಗೆ ಲಾಸ್ ಆಯ್ತು ಅಂತ ಕೋರ್ಟ್ ಗೆ ಹೋದ ವ್ಯಕ್ತಿ | ಬರೋಬ್ಬರಿ 1.5 ಲಕ್ಷ ದಂಡ ಜಡಿದು ಮನೆಗೆ ಕಳಿಸಿದ ಕೋರ್ಟು !
ಮಧುರೈ: ಸರ್ಕಾರ ಕೋವಿಡ್ ಲಾಕ್ಡೌನ್ನಿಂದ ತನ್ನ ಮೂಲಭೂತ ಹಕ್ಕನ್ನು ಕಸಿದುಕೊಂಡಿದೆ. ಲಾಕ್ ಡೌನ್ ಅಸಂವಿಧಾನಿಕ ಎಂದು ಘೋಷಣೆ ಮಾಡಬೇಕು ಎಂದು ವ್ಯಕ್ತಿಯೊಬ್ಬರು ಸಲ್ಲಿಸಿದ್ದ ಅರ್ಜಿಯೊಂದನ್ನು ಮದ್ರಾಸ್ ಹೈಕೋರ್ಟ್ ತಳ್ಳಿ ಹಾಕಿದ್ದು, ಅಲ್ಲದೆ ಅರ್ಜಿದಾರರಿಗೆ ಕೋರ್ಟು ಬರಾಬ್ಬರಿ 1.5 ಲಕ್ಷ ರೂ ದಂಡ ಜಡಿದು ವಾಪಸ್ಸು ಕಳಿಸಿದೆ.
ಸಾಂಕ್ರಾಮಿಕ ಸಮಯದಲ್ಲಿ ನಿರ್ಬಂಧಗಳನ್ನು ವಿಧಿಸಿದ್ದಕ್ಕಾಗಿ ಸರ್ಕಾರದಿಂದ 5 ಲಕ್ಷ ರೂ ಪರಿಹಾರವನ್ನು ಕೋರಿ ಎಂ ತವಮಣಿ ಎಂಬವರು ಹೇಬಿಯಸ್ ಕಾರ್ಪಸ್ ಅರ್ಜಿಯ ಮೂಲಕ ನ್ಯಾಯಾಲಯವನ್ನು ಸಂಪರ್ಕಿಸಿದ ಅರ್ಜಿದಾರರಿಗೆ ಮದ್ರಾಸ್ ಹೈಕೋರ್ಟ್ನ ಮಧುರೈ ಪೀಠವು 1.50 ಲಕ್ಷ ರೂ ದಂಡ ವಿಧಿಸಿದೆ.
ಅರ್ಜಿದಾರರು ತನ್ನ ದೂರಿನಲ್ಲಿ, e ಲಾಕ್ ಡೌನ್ ತನ್ನ ಆದಾಯವನ್ನೂ ಕುಂಠಿತಗೊಳಿಸಿದೆ ಎಂದಿದ್ದು, ಕೋವಿಡ್ ನಿರ್ಬಂಧಗಳನ್ನು ಕಾನೂನುಬಾಹಿರ ಎಂದು ಯೋಚಿಸಬೇಕು ಎಂದು ಕೋರ್ಟನ್ನು ಕೇಳಿಕೊಂಡಿದ್ದರು.
‘ಕೋವಿಡ್ -19 ವೈರಸ್ ಮತ್ತು ಅದರ ರೂಪಾಂತರಗಳು ಮಾರಣಾಂತಿಕ ಕಾಯಿಲೆಯಲ್ಲ, ಆದರೆ ಆರೋಗ್ಯ ಇಲಾಖೆ ಜಾಗರೂಕರಾಗಿದ್ದರೆ ಮತ್ತು ಸಾರ್ವಜನಿಕರಿಗೆ ಸರಿಯಾದ ಆರೋಗ್ಯ ಸೇವೆ ನೀಡಿದರೆ ಸಾಮಾನ್ಯ ಕೋರ್ಸ್ನಲ್ಲಿ ಗುಣಪಡಿಸಬಹುದು’ಎಂಬ ಅವರ ವಾದವನ್ನು ತಿರಸ್ಕರಿಸಿದ ನ್ಯಾಯಾಧೀಶರು, ಅವರ ಅರ್ಜಿಯನ್ನು ವಜಾಗೊಳಿಸಿತು. ಅಲ್ಲದೆ ಮಧುರೈನ ಸರ್ಕಾರಿ ರಾಜಾಜಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಕೋವಿಡ್ -19 ವಾರ್ಡ್ನ ಕ್ರೆಡಿಟ್ಗೆ ಹದಿನೈದು ದಿನಗಳಲ್ಲಿ 1.50 ಲಕ್ಷ ಪಾವತಿಸಬೇಕು ನ್ಯಾಯಪೀಠ ಆದೇಶಿಸಿದೆ. ಅಲ್ಲದೆ ಅರ್ಜಿದಾರರು ನೀಡಿದ ಸಮಯದೊಳಗೆ ವೆಚ್ಚವನ್ನು ಪಾವತಿಸಲು ವಿಫಲವಾದರೆ, ಮಧುರೈನ ಜಿಲ್ಲಾಧಿಕಾರಿಯವರು ಕಂದಾಯ ವಸೂಲಾತಿ ಕಾಯಿದೆ,
ಅಡಿಯಲ್ಲಿ ಅದನ್ನು ಪಡೆಯಲು ಅಧಿಕಾರ ಹೊಂದಿರುತ್ತಾರೆ ಎಂದೂ ಹೇಳಿದೆ.
ಅರ್ಜಿದಾರರಂತಹ ವ್ಯಕ್ತಿಗಳ ಇಂತಹಾ ವರ್ತನೆಯು ಕೋವಿಡ್ ರೋಗಿಗಳಿಗೆ ಚಿಕಿತ್ಸೆ ನೀಡುವಾಗ ಪ್ರಾಣ ಕಳೆದುಕೊಂಡ ವೈದ್ಯರು, ಆರೋಗ್ಯ ಕಾರ್ಯಕರ್ತರು ಮತ್ತು ಇತರೆ ಕೋವಿಡ್ ಯೋಧರು ಸಲ್ಲಿಸಿದ ನಿಸ್ವಾರ್ಥ ಸೇವೆಗೆ ಮಾಡಿದ ಅಪಮಾನವಾಗುತ್ತದೆ ಎಂದು ನ್ಯಾಯಾಲಯ ಅಭಿಪ್ರಾಯಪಟ್ಟಿದೆ. ಅಲ್ಲದೇ ಇದು ಪ್ರಚಾರದ ಉದ್ದೇಶ ಕೂಡ ಹೊಂದಿದೆ ಎಂದವರು ತಿಳಿಸಿದ್ದಾರೆ. ಈ ಅರ್ಜಿಯ ವಿಚಾರಣೆಯನ್ನು ನ್ಯಾಯಮೂರ್ತಿಗಳಾದ ಎಸ್.ವೈದ್ಯನಾಥನ್ ಮತ್ತು ಡಾ.ಜಿ.ಜಯಚಂದ್ರನ್ ಅವರಿದ್ದ ವಿಭಾಗೀಯ ಪೀಠ ನಡೆಸಿತು.