ಸಾಮಾನ್ಯವಾಗಿ ನಾವು ಎಟಿಎಂಗಳಿಂದ ಹಣವನ್ನು ವಿತ್ ಡ್ರಾ ಮಾಡಿಕೊಳ್ಳಲು ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್‌ಗಳನ್ನು ಬಳಸುತ್ತೇವೆ. ಆದರೆ ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ಇಲ್ಲದೆಯೂ ಎಟಿಎಂನಿಂದ ಹಣವನ್ನು ವಿತ್ ಡ್ರಾ ಮಾಡಬಹುದು ಎಂದು ನಿಮಗೆ ತಿಳಿದಿದೆಯೇ?
ಹೌದು, ಈ ಸುದ್ದಿ ಖಂಡಿತವಾಗಿಯೂ ನಿಮ್ಮನ್ನು ಆಶ್ಚರ್ಯಗೊಳಿಸುತ್ತದೆಯಾದರೂ, ಇದು ನಿಜ. ಡಿಜಿಟಲ್ ಯುಗದಲ್ಲಿ ನೀವು ಕಾರ್ಡ್ ಇಲ್ಲದೆ ಎಟಿಎಂನಿಂದ ಹಣವನ್ನು ಪಡೆಯಬಹುದು. ಮತ್ತೊಂದು ಮುಖ್ಯ ವಿಷಯವೆಂದರೆ ಇದರಲ್ಲಿ ನೀವು ಸುರಕ್ಷತೆಯ ಬಗ್ಗೆ ಚಿಂತಿಸಬೇಕಾಗಿಲ್ಲ.
ಎನ್‌ಸಿಆರ್ ಕಾರ್ಪೊರೇಷನ್ ಯುಪಿಐ ಎನೇಬಲ್ಡ್ ಇಂಟ್ರೋಪೆರೆಬಲ್ ಕಾರ್ಡ್‌ಲೆಸ್ ವಿತ್ ಡ್ರಾಯಿಂಗ್ ವ್ಯವಸ್ಥೆಯನ್ನು ಭಾರತದಲ್ಲಿ ಪ್ರಾರಂಭಿಸಿದೆ. ಎನ್‌ಸಿಆರ್ ಕಾರ್ಪೊರೇಷನ್ ಎನ್‌ಪಿಸಿಐ ಮತ್ತು ಸಿಟಿ ಯೂನಿಯನ್ ಬ್ಯಾಂಕ್ ಸಹಭಾಗಿತ್ವದಲ್ಲಿ ಈ ಸೌಲಭ್ಯವನ್ನು ಪ್ರಾರಂಭಿಸಿದೆ. ಈ ತಂತ್ರಜ್ಞಾನದಿಂದ, ನೀವು BHIM, PayTm, GPay, PhonePe ಬಳಸಿ ಎಟಿಎಂಗಳಿಂದ ಹಣವನ್ನು ಹಿಂಪಡೆಯಲು ಸಾಧ್ಯವಾಗುತ್ತದೆ.
ಭಾರತದಲ್ಲಿನ ಎರಡು ಬ್ಯಾಂಕುಗಳು ಈ ತಂತ್ರಜ್ಞಾನವನ್ನು ಬೆಂಬಲಿಸುತ್ತದೆ. ಮೊದಲ ಬ್ಯಾಂಕ್ ಎಸ್‌ಬಿಐ, ಇದು ಯೋನೊ (YONO) ಅಪ್ಲಿಕೇಶನ್ ಬಳಸುತ್ತದೆ. ಇನ್ನೊಂದು ಯುಪಿಐ ಆಧಾರಿತ ನಗದು ಹಿಂಪಡೆಯುವ ಆಯ್ಕೆಯನ್ನು ಬೆಂಬಲಿಸುವ ಯೂನಿಯನ್ ಬ್ಯಾಂಕ್.
ಯುಪಿಐ ಅಪ್ಲಿಕೇಶನ್‌ನೊಂದಿಗೆ ಎಟಿಎಂನಿಂದ ಹಣವನ್ನು ಹಿಂಪಡೆಯುವುದು ಹೇಗೆ?
*ಮೊದಲು ನೀವು ಕಾರ್ಡ್‌ಲೆಸ್ ವಾಪಸಾತಿ ಸೌಲಭ್ಯವನ್ನು ಬೆಂಬಲಿಸುವ ಎಟಿಎಂಗೆ ಹೋಗಿ.
*ದೇಶಾದ್ಯಂತ ಈ ತಂತ್ರಜ್ಞಾನವನ್ನು ಬೆಂಬಲಿಸುವ ಸುಮಾರು 1500 ಎಟಿಎಂಗಳಿವೆ.
*ಎಟಿಎಂ ಯಂತ್ರದಿಂದ ಹಣವನ್ನು ಪಡೆಯಲು, ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ನೀವು ಯಾವುದೇ ಯುಪಿಐ ಅಪ್ಲಿಕೇಶನ್ ತೆರೆಯಬೇಕು.
*ಬಳಿಕ ಯಂತ್ರದಲ್ಲಿ ನೀಡಲಾದ ಕ್ಯೂಆರ್ ಕೋಡ್ ಅನ್ನು ಯುಪಿಐ ಅಪ್ಲಿಕೇಶನ್‌ನಿಂದ ಸ್ಕ್ಯಾನ್ ಮಾಡಬೇಕಾಗುತ್ತದೆ.
*ನೀವು ವಿತ್ ಡ್ರಾ ಮಾಡಲು ಬಯಸುವ ಮೊತ್ತವನ್ನು ನಮೂದಿಸಬೇಕು.
*ವಹಿವಾಟು ಪೂರ್ಣಗೊಂಡ ನಂತರ ನೀವು ಎಟಿಎಂನಿಂದ ಹಣವನ್ನು ಹಿಂಪಡೆಯಬಹುದು.
YONO ಅಪ್ಲಿಕೇಶನ್‌ನಿಂದ ಹಣವನ್ನು ಹಿಂಪಡೆಯುವುದು ಹೇಗೆ?
*ನೀವು ಎಸ್‌ಬಿಐ ಬ್ಯಾಂಕಿನಲ್ಲಿ ಖಾತೆಯನ್ನು ಹೊಂದಿದ್ದರೆ, ನೀವು ಸ್ಮಾರ್ಟ್‌ಫೋನ್‌ನಲ್ಲಿ ಪ್ಲೇ ಸ್ಟೋರ್‌ನಿಂದ ಎಸ್‌ಬಿಐ ಯೋನೊ (SBI YONO) ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಿಕೊಳ್ಳಬೇಕು.
*ನಂತರ ID ಮತ್ತು ಪಾಸ್ವರ್ಡ್ ಅಥವಾ PIN ಬಳಸಿ ಲಾಗಿನ್ ಮಾಡಿ.
*ನಂತರ ನೀವು ಸುಧಾರಿತ ಎಸ್‌ಬಿಐ ಎಟಿಎಂಗೆ (SBI ATM) ಹೋಗಿ ಕ್ಯೂಆರ್ ಕೋಡ್ ಆಧಾರಿತ ನಗದು ತೆಗೆದುಕೊಳ್ಳುವ ಆಯ್ಕೆಯನ್ನು ಕ್ಲಿಕ್ ಮಾಡಿ.
*ಪಡೆಯಬೇಕಾದ ಹಣವನ್ನು ನಮೂದಿಸಿದ ನಂತರ, ಕ್ಯೂಆರ್ ಕೋಡ್ ಕಾಣಿಸುತ್ತದೆ.
*ಯೋನೊ ಅಪ್ಲಿಕೇಶನ್‌ನ ಮುಖಪುಟದಲ್ಲಿ ವಿತ್ ಕ್ಯೂಆರ್ ಕೋಡ್ ವಿತ್ ಡ್ರಾ (With QR Code Withdraw) ಆಯ್ಕೆಯನ್ನು ಆರಿಸಿ.
*ಅಲ್ಲಿಂದ ಎಟಿಎಂ ಯಂತ್ರದಲ್ಲಿ ನೀಡಿರುವ ಕ್ಯೂಆರ್ ಕೋಡ್ ಅನ್ನು ಸ್ಕ್ಯಾನ್ ಮಾಡಿ.
*ಸ್ಕ್ಯಾನ್ ಮಾಡಿದ ನಂತರ ಪಾಪ್ ಅಪ್ ಸಂದೇಶ ಬರುತ್ತದೆ, ಅಲ್ಲಿ ಮುಂದುವರಿಕೆ ಬಟನ್ ಒತ್ತಿರಿ. ಅದರ ನಂತರ ನೀವು ಹಣ ವಿತ್ ಡ್ರಾ ಮಾಡಬಹುದಾಗಿದೆ.
ಡಿಜಿಟಲ್ ಯುಗದಲ್ಲಿ ನೀವು ಕಾರ್ಡ್ ಇಲ್ಲದೆ ಈ ರೀತಿಯಾಗಿ ಎಟಿಎಂನಿಂದ ಹಣವನ್ನು ಪಡೆದುಕೊಳ್ಳಬಹುದು.
