39
Viral Video: ಅಂತರ್ಜಲ ಮಟ್ಟ ಕುಸಿಯುತ್ತಿರುವ ಕಾರಣ ಇಂದು ಬೋರ್ವೆಲ್ ಕೊರೆಸುವಾಗ ಸಾವಿರ ಅಡಿ ಬೋರ್ ಹೊಡೆಸಿದರೂ ಕೂಡ ಹೆಚ್ಚಿನವರಿಗೆ ನೀರೇ ಸಿಗುವುದಿಲ್ಲ. ಆದರೆ ಛತ್ತೀಸ್ಗಢದಲ್ಲಿ ಒಂದು ಅಪರೂಪದ ಘಟನೆ ನಡೆದಿದ್ದು ಬೋರ್ವೆಲ್ ಕೊರೆಸುವಾಗ ಪಕ್ಕದ ಮನೆಯ ನೆಲವನ್ನು ಸೀಳಿ ನೀರು ಉಕ್ಕಿದೆ.
ಹೌದು, ಛತ್ತೀಸ್ಗಢದ ಬಿಲಾಸ್ಪುರದಲ್ಲಿ ಶನಿವಾರ (ಜನವರಿ 31) ಮನೆಯ ನೆಲದೊಳಗಿನ ನೀರಿನ ಪೈಪ್ ಒಡೆದು, ನೆಲಕ್ಕೆ ಹಾಕಿದ್ದ ಟೈಲ್ಸನ್ನು ಪುಡಿಗಟ್ಟಿ ನೀರು ಮೇಲೆ ಹಾರಿದೆ. ಆಶ್ಚರ್ಯವೇನೆಂದರೆ ಇದು ಸಾಮಾನ್ಯ ರೀತಿಯಲ್ಲಿ ಪೈಪ್ ಒಡೆದು ನೀರು ಚಿಮ್ಮಿದ್ದಲ್ಲ. ನೆರೆಹೊರೆಯಲ್ಲಿ ಬೋರ್ವೆಲ್ ಕೆಲಸ ನಡೆಯುತ್ತಿದ್ದುದರಿಂದ ಅದರ ಒತ್ತಡದಿಂದ ಈ ಮನೆಯೊಳಗೆ ನೀರಿನ ಪೈಪ್ ಒಡೆದಿದೆ.
ಈ ವೇಳೆ ಅಲ್ಲೇ ಇದ್ದ ವ್ಯಕ್ತಿಯೊಬ್ಬ ಕೂದಲೆಳೆ ಅಂತರದಲ್ಲಿ ಪಾರಾಗಿದ್ದಾನೆ. ಈ ಘಟನೆ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸೋಶಿಯಲ್ ಮೀಡಿಯಾಗಳಲ್ಲ ವೈರಲ್ ಆಗಿದೆ.