Recharge Price : ಭಾರತದ ಮೊಬೈಲ್ ಬಳಕೆದಾರರಿಗೆ ದೊಡ್ಡ ಶಾಕಿಂಗ್ ಸುದ್ದಿ ಒಂದು ಎದುರಾಗಿದ್ದು, ಸದ್ಯದಲ್ಲೇ ಟೆಲಿಕಾಂ ಕಂಪನಿಗಳು ರಿಚಾರ್ಜ್ ದರವನ್ನು ಸುಮಾರು 10 ರಿಂದ 12% ಏರಿಸಲು ಮುಂದಾಗಿವೆ ಎಂಬ ಸುದ್ದಿ ತಿಳಿದು ಬಂದಿದೆ.
ಹೌದು, ಕಳೆದ ವರ್ಷ ರಿಚಾರ್ಜ್ ದರವನ್ನು ಏರಿಕೆ ಮಾಡಿದ ಟೆಲಿಕಾಂ ಕಂಪನಿಗಳು ಇದೀಗ ಮತ್ತೆ ರಿಚಾರ್ಜ್ ದರವನ್ನು ದುಬಾರಿ ಮಾಡಲು ಸಿದ್ಧತೆ ನಡೆಸಿವೆ. ವರದಿಯ ಪ್ರಕಾರ, ಸತತ ಐದನೇ ತಿಂಗಳು ನಿವ್ವಳ ಬಳಕೆದಾರರ ಸಂಖ್ಯೆಯಲ್ಲಿನ ಹೆಚ್ಚಳದ ನಂತರ, ಕಂಪನಿಗಳು ಸುಂಕವನ್ನು ಹೆಚ್ಚಿಸಲು ಯೋಜಿಸುತ್ತಿವೆ. ಅಲ್ಲದೆ ವರ್ಷದ ಅಂತ್ಯದ ವೇಳೆಗೆ ಮೊಬೈಲ್ ರೀಚಾರ್ಜ್ ದರಗಳು ಶೇಕಡಾ 10 ರಿಂದ 12 ರಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ.
ಅಂದಹಾಗೆ ಕಳೆದ ವರ್ಷ ಜುಲೈ 2024 ರ ಆರಂಭದಲ್ಲಿ, ಟೆಲಿಕಾಂ ಕಂಪನಿಗಳು ಮೂಲ ಯೋಜನೆಗಳನ್ನು ಶೇಕಡಾ 11 ರಿಂದ 23 ರಷ್ಟು ಹೆಚ್ಚಿಸಿದ್ದವು. ಈ ಬಾರಿ ಕಂಪನಿಗಳು ಶ್ರೇಣಿ ಆಧಾರಿತ ಯೋಜನೆಗಳನ್ನು ತರಬಹುದು ಎಂದು ತಜ್ಞರು ನಂಬುತ್ತಾರೆ, ಇದರಲ್ಲಿ ಡೇಟಾ ಮಿತಿಯನ್ನು ಕಡಿಮೆ ಮಾಡಲಾಗುತ್ತದೆ ಇದರಿಂದ ಬಳಕೆದಾರರು ಹೆಚ್ಚುವರಿ ಡೇಟಾ ಪ್ಯಾಕ್ಗಳನ್ನು ಖರೀದಿಸಬೇಕಾಗುತ್ತದೆ.