ವಿವಾಹದ ಮಹಿಳೆಗೆ ಸಾಮಾನ್ಯವಾಗಿ ಕೆಲವೊಂದು ದಾಖಲೆಗಳನ್ನು ಬದಲಾಯಿಸುವ ಅಗತ್ಯತೆ ಬಂದೇ ಬರುತ್ತದೆ. ತಮ್ಮ ಆಧಾರ್ ವಿಳಾಸ, ಪಡಿತರ ವಿಳಾಸ ಮುಂತಾದವು ಅದಲ್ಲದೆ ವಿವಾಹದ ಬಳಿಕ ಮಹಿಳೆಯರ ಉಪನಾಮ ಸಹ ಬದಲಾಗುತ್ತದೆ. ಆದರೆ, ಉಪನಾಮ ಬದಲಾದ ನಂತರ ಮಹಿಳೆ ಸರ್ಕಾರಿ ದಾಖಲೆಗಳಲ್ಲಿ ಉಪನಾಮ ಬದಲಾಯಿಸದೆ ಹೋದಲ್ಲಿ, ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಮದುವೆಯ ನಂತರ ಮಹಿಳೆಯರು ತಮ್ಮ ಹೆಸರನ್ನು ಬದಲಾಯಿಸಿದರೆ, ಅವರು ತಮ್ಮ ಹೆಸರನ್ನು ಸರ್ಕಾರಿ ದಾಖಲೆಗಳಲ್ಲಿಯೂ ಬದಲಾಯಿಸಬೇಕಾಗುತ್ತದೆ.
ವಿವಾಹದ ಬಳಿಕ ಮಹಿಳೆಯರ ಉಪನಾಮ ಬದಲಾಗುತ್ತದೆ. ಮದುವೆಯ ನಂತರ, ಮಹಿಳೆಯರು ಗಂಡನ ಕುಟುಂಬದ ಉಪನಾಮವನ್ನು ಅಳವಡಿಸಿಕೊಳ್ಳಬೇಕು ಮತ್ತು ಮಹಿಳೆ ಮುಂದೆ ಅದೇ ಹೆಸರಿನಿಂದ ಗುರುತಿಸಲ್ಪಡುತ್ತಾರೆ.
ಮುಖ್ಯವಾಗಿ ಪ್ಯಾನ್ ಕಾರ್ಡ್ನಲ್ಲಿ ಸರಿಯಾದ ಹೆಸರನ್ನು ಹೊಂದಿರುವುದು ಬಹಳ ಮುಖ್ಯವಾಗುತ್ತದೆ. ಪ್ಯಾನ್ ಕಾರ್ಡ್ನಲ್ಲಿ ಹೆಸರನ್ನು ಬದಲಾಯಿಸುವಲ್ಲಿ ನಿರ್ಲಕ್ಷ ತೋರಿದರೆ, ನೀವು ವ್ಯವಹಾರಕ್ಕೆ ಸಂಬಂಧಿಸಿದ ಸಮಸ್ಯೆಯನ್ನು ಸಹ ಎದುರಿಸಬೇಕಾಗಬಹುದು. ಇಂತಹ ಪರಿಸ್ಥಿತಿಯಲ್ಲಿ, ಮಹಿಳೆಯರಿಗೆ ಯಾವುದೇ ಹಾನಿಯಾಗದಂತೆ, ಮದುವೆಯ ನಂತರ ಪ್ಯಾನ್ ಕಾರ್ಡ್ನಲ್ಲಿ ಹೆಸರನ್ನು ಬದಲಾಯಿಸಬೇಕು.
ವಿವಾಹಿತ ಮಹಿಳೆ ಪ್ಯಾನ್ ಕಾರ್ಡ್ನಲ್ಲಿ ಹೆಸರನ್ನು ಬದಲಾಯಿಸಲು ಬೇಕಾಗುವ ದಾಖಲೆಗಳು :
- ಮಹಿಳೆಯರು ಮದುವೆ ಪ್ರಮಾಣಪತ್ರ ಅಥವಾ ಮದುವೆಯ ಆಮಂತ್ರಣ ಪತ್ರವನ್ನು ಸಲ್ಲಿಸಬೇಕು.
- ಗೆಜೆಟೆಡ್ ಅಧಿಕಾರಿಯಿಂದ ಪ್ರಮಾಣಪತ್ರ ಅಥವಾ ಅಧಿಕೃತ ಗೆಜೆಟ್ನಲ್ಲಿ ಹೆಸರನ್ನು ಪ್ರಕಟಿಸುವುದು ಅಥವಾ ಪತಿಯ ಹೆಸರನ್ನು ಹೊಂದಿರುವ ಪಾಸ್ಪೋರ್ಟ್ನ ನಕಲು ಸಹ ಸಲ್ಲಿಸಬಹುದು.
ವಿವಾಹಿತ ಮಹಿಳೆಯರನ್ನು ಹೊರತುಪಡಿಸಿ ಇತರ ವ್ಯಕ್ತಿಗಳಿಗೆ ಪ್ಯಾನ್ ಕಾರ್ಡ್ ಹೆಸರು ಬದಲಾಯಿಸಲು ಬೇಕಾಗುವ ದಾಖಲೆಗಳು :
- ಪ್ಯಾನ್ ಕಾರ್ಡ್ ಹೆಸರು ತಿದ್ದುಪಡಿ ದಾಖಲೆಗಾಗಿ ಗೆಜೆಟೆಡ್ ಅಧಿಕಾರಿಯಿಂದ ಪ್ರಮಾಣಪತ್ರ ಅಥವಾ ಅಧಿಕೃತ ಗೆಜೆಟ್ನಲ್ಲಿ ಹೆಸರಿನ ಪ್ರಕಟಣೆಯನ್ನು ತೋರಿಸುವ ಪೋಷಕ ಡೇಟಾ ಅಗತ್ಯವಿದೆ.
ಒಂದು ವೇಳೆ ವಿವಾಹಿತ ಮಹಿಳೆ ಉಪನಾಮ ಬದಲಾಯಿಸುವುದಿದ್ದಲ್ಲಿ ಈ ಮೇಲಿನ ದಾಖಲೆ ಸಲ್ಲಿಸುವ ಮೂಲಕ ಉಪನಾಮ ಬದಲಾಯಿಸಿಕೊಳ್ಳಬಹುದಾಗಿದೆ.
