ದೇಶದ ಎಲ್ಪಿಜಿ ಗ್ರಾಹಕರಿಗೆ ಮಹತ್ವದ ಬದಲಾವಣೆಗಳನ್ನು ಭಾರತ್ ಪೆಟ್ರೋಲಿಯಂ ಕಾರ್ಪೋರೇಷನ್ ಲಿಮಿಟೆಡ್ ಘೋಷಣೆ ಮಾಡಿದೆ. ಸಿಲಿಂಡರ್ ಬುಕ್ಕಿಂಗ್ ಮತ್ತು ವಿತರಣೆ ಕುರಿತು ಹೊಸ ನಿಯಮಗಳನ್ನು ಜಾರಿಗೆ ತರಲಾಗಿದ್ದು ಈ ಕ್ರಮದಿಂದ ವಿತರಣೆಯಲ್ಲಿ ನಿಯಮಬದ್ಧತೆ ತರಲು ಹಾಗೂ ದುರಪಯೋಗವನ್ನು ತಡೆಯುವ ಉದ್ದೇಶ ಒಳಗೊಂಡಿದೆ.
ಹೊಸ ನಿಯಮಗಳ ಪ್ರಕಾರ, ಒಬ್ಬ ಎಲ್ಪಿಜಿ ಗ್ರಾಹಕರು ತಿಂಗಳಿಗೆ ಎರಡು ಸಿಲಿಂಡರ್ಗಳನ್ನು ಮಾತ್ರ ಬುಕ್ ಮಾಡಬಹುದು. ಇದರಿಂಗ ಅನಗತ್ಯ ಹೆಚ್ಚುವರಿ ಬುಕ್ಕಿಂಗ್ಗಳನ್ನು ನಿಯಂತ್ರಿಸುವ ಪ್ರಯತ್ನ ಮಾಡಲಾಗಿದೆ.
ಇನ್ನು ಗ್ಯಾಸ್ ಸಿಲಿಂಡರ್ ಬುಕ್ಕಿಂಗ್ ಮಾಡಲು ಗ್ರಾಹಕರು ತಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನು ಮಾತ್ರ ಬಳಸಬೇಕು. ಗ್ರಾಹಕರು ತಮ್ಮ ಮೊಬೈಲ್ ಸಂಖ್ಯೆಯನ್ನು ಬದಲಾಯಿಸಿದ್ದರೆ, ಅದನ್ನು ತಕ್ಷಣವೇ ಗ್ಯಾಸ್ ಏಜೆನ್ಸಿಯಲ್ಲಿ ಅಥವಾ ಅಧಿಕೃತ ಮೊಬೈಲ್ ಆಪ್ ಮೂಲಕ ನವೀಕರಿಸಬೇಕು.
ಗ್ರಾಹಕರ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಒಟಿಪಿ ಬರುತ್ತದೆ. ಅದನ್ನು ನೀಡಿದ ಬಳಿಕವೇ ಸಿಲಿಂಡರ್ ವಿತರಣೆ ಮಾಡಬೇಕು
ಗ್ರಾಹಕರು ಹೆಚ್ಚುವರಿ ಸಿಲಿಂಡರ್ ಬೇಕಾದರೆ, Hello BPCL ಮೊಬೈಲ್ ಅಪ್ಲಿಕೇಶನ್ ಮೂಲಕ ವಿನಂತಿ ಮಾಡಬೇಕು. ಅತಿಥಿಗಳ ಸಂಖ್ಯೆ, ಕುಟುಂಬ ಕಾರ್ಯಕ್ರಮ, ಮದುವೆ ಅಥವಾ ವಿಶೇಷ ಸಂದರ್ಭಗಳ ಮಾಹಿತಿಯನ್ನು ನಮೂದು ಮಾಡಬೇಕು.
14.2 ಕೆಜಿ ಸಿಲಿಂಡರ್ ಬುಕ್ಕಿಂಗ್ಗಾಗಿ ಒಂದು ಬುಕ್ಕಿಂಗ್ ಮತ್ತು ಮುಂದಿನ ಬುಕ್ಕಿಂಗ್ ನಡುವೆ ಕನಿಷ್ಠ 35 ದಿನಗಳ ಅಂತರ ಇರಬೇಕು. ಮೊದಲು 25 ದಿನವಿದ್ದು, ಈಗ ಹೆಚ್ಚು ಮಾಡಲಾಗಿದೆ. ಹಳ್ಳಿಗಳು ಮತ್ತು ದೂರದ ಪ್ರದೇಶಗಳಲ್ಲಿ 45 ದಿನಗಳ ಲಾಕ್ ಇನ್ ಅವಧಿ ಕಡ್ಡಾಯ.
ಪ್ರಧಾನ ಮಂತ್ರಿ ಉಜ್ವಲ ಯೋಜನೆ ಫಲಾನುಭವಿಗಳಿಗೂ 45 ದಿನಗಳ ಅವಧಿ ಅನ್ವಯವಾಗಲಿದೆ.
5 ಕೆಜಿ ಸಿಲಿಂಡರ್: 9 ರಿಂದ 16 ದಿನಗಳ ಅಂತರ
10 ಕೆಜಿ ಸಿಲಿಂಡರ್: 18 ರಿಂದ 32 ದಿನಗಳ ಅಂತರ
ಈ ಹೊಸ ನಿಯಮಗಳಿಂದ ಗ್ಯಾಸ್ ವಿತರಣೆ ವ್ಯವಸ್ಥೆಯಲ್ಲಿ ಪಾರದರ್ಶಕತೆ ಮತ್ತು ನಿಯಂತ್ರಣ ಹೆಚ್ಚುವ ನಿರೀಕ್ಷೆ ಇದೆ.