Stepney : ಇದುವರೆಗೂ ಖರೀದಿಸಿದ ಕಾರುಗಳಲ್ಲಿ ಮುಂಜಾಗ್ರತೆಯ ಕ್ರಮವಾಗಿ ಕಂಪನಿಗಳು ಅಂದರೆ ಎಕ್ಸ್ಟ್ರಾ ವೀಲ್ ಅನ್ನು ಕಾರಿನಲ್ಲಿ ಇರಿಸುತ್ತಿದ್ದವು. ಆದರೆ ಇನ್ನು ಮುಂದೆ ಹೊಸ ಕಾರುಗಳಲ್ಲಿ ‘ಸ್ಟೆಪ್ನಿ’ ಮಾಯವಾಗಲಿದೆ.
ಹೌದು, ಮುಂದಿನ ದಿನಗಳಲ್ಲಿ ವಾಹನಗಳನ್ನು ಖರೀದಿಸುವಾಗ ಮಹತ್ವದ ಬದಲಾವಣೆಯಾಗಲಿದ್ದು, ವಾಹನ ತಯಾರಕ ಕಂಪನಿಗಳು ಸ್ಟೆಪ್ನಿಯ ಬದಲು ಟ್ಯೂಬ್ಲೆಸ್ ಟೈರ್ ಮತ್ತು ಟೈರ್ ರಿಪೇರಿ ಕಿಟ್ಗಳನ್ನೇ ಅಳವಡಿಸಲು ಮುಂದಾಗಿವೆ. ತೂಕ ಕಡಿಮೆ ಮಾಡುವುದು, ಇಂಧನ ದಕ್ಷತೆ ಹೆಚ್ಚಿಸುವುದು ಮತ್ತು ಬೂಟ್ ಸ್ಪೇಸ್ ಹೆಚ್ಚಿಸುವ ಉದ್ದೇಶದಿಂದ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.
ಇನ್ನೂ ಕೇಂದ್ರ ಸರ್ಕಾರದ ಹೊಸ ನಿಯಮಗಳ ಪರಿಣಾಮ, ಹೊಸ ಕಾರುಗಳಲ್ಲೀಗ ಸ್ಟೆಪ್ಪಿ (ಹೆಚ್ಚುವರಿ ಚಕ್ರ) ಅವಶ್ಯಕತೆ ಇಲ್ಲ. 2020ರ ಮೋಟಾರು ವಾಹನ ನಿಯಮಗಳಲ್ಲಿ ಬದಲಾವಣೆ ಮಾಡಿದೆ. ಈ ನಿಯಮದ ಅನ್ವಯ 9 ಪ್ರಯಾಣಿಕರನ್ನು ಹೊತ್ತು ಸಾಗಬಲ್ಲ ಕಾರುಗಳು, ಎಸ್ಯುವಿಗಳು ಮತ್ತು ಹಗುರ ವಾಣಿಜ್ಯ ವಾಹನಗಳಿಗೆ ಸ್ಟೆಪ್ಪಿ ಅಗತ್ಯವಿಲ್ಲ. ಆದರೆ ಈ ನಿಯಮ ಟ್ಯೂಬ್ಲೆಸ್ ಟಯರ್, ಟೈರ್ನ ಒತ್ತಡದ ಮೇಲೆ ನಿಗಾ ವಹಿಸುವ ಸಾಧನವಿರುವ ಮತ್ತು ರಿಪೇರಿ ಕಿಟ್ ಕಡ್ಡಾಯವಾಗಿದೆ.
ಇದಲ್ಲದೆ, ಹೊಸ ಕಾರುಗಳಲ್ಲಿ ಟೈರ್ ಇನ್ಫ್ಲೇಟರ್, ಸೀಲಂಟ್ ಕಿಟ್ ಹಾಗೂ ರನ್-ಫ್ಲಾಟ್ ತಂತ್ರಜ್ಞಾನ ಬಳಕೆಯೂ ಹೆಚ್ಚಾಗುತ್ತಿದೆ. ಇದರಿಂದ ಸ್ಟೆಪ್ನಿ ಅಗತ್ಯವೇ ಇಲ್ಲ ಎಂಬ ಸಂದೇಶವನ್ನು ಆಟೋಮೊಬೈಲ್ ಕಂಪನಿಗಳು ನೀಡುತ್ತಿವೆ. ಆದರೆ ಈ ಬದಲಾವಣೆಗೆ ಗ್ರಾಹಕರಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
