ಜನಸಾಮಾನ್ಯರ ಆರ್ಥಿಕ ಸಮಸ್ಯೆಗಳನ್ನು ಗಮನಿಸಿ, ಈಗಾಗಲೇ ಸರ್ಕಾರವು ಹಲವಾರು ಯೋಜನೆಗಳನ್ನು ಜಾರಿಗೆ ತಂದಿದೆ. ಅದರಲ್ಲಿ
ಪ್ರಧಾನ ಮಂತ್ರಿ ಕುಸುಮ್ ಯೋಜನೆಯು ಒಂದಾಗಿದೆ. ಈ ಯೋಜನೆ ಅಡಿಯಲ್ಲಿ ಸರ್ಕಾರವು 3CR ಪಂಪ್ಗಳನ್ನು ಸ್ವಂತ ಶಕ್ತಿಯಿಂದ ಚಲಾಯಿಸಲು ಯೋಜಿಸುತ್ತಿದ್ದು, ಸರ್ಕಾರವು ಸೌರಶಕ್ತಿಯನ್ನು ಉತ್ಪಾದಿಸಲು ಬಂಜರು ಭೂಮಿಯನ್ನು ಬಳಸುತ್ತದೆ. ಇದರಿಂದ ರೈತರ ಬೆಳೆಗಳಿಗೆ ನೀರಿನ ಸೌಲಭ್ಯ ಲಭ್ಯವಾಗುತ್ತದೆ. ಹಾಗೂ ಅತಿಯಾದ ವಿದ್ಯುತ್ ಮಾರಾಟ ಮಾಡುವುದರಿಂದ ಹಣವನ್ನು ಗಳಿಸಲು ಸಾಧ್ಯವಾಗುತ್ತದೆ. ಈ ಯೋಜನೆಯಿಂದ ರೈತರು ವರ್ಷಕ್ಕೆ 80 ಸಾವಿರ ರೂಪಾಯಿ ಗಳಿಸಬಹುದಾಗಿದೆ.
ಈ ಯೋಜನೆಯ ಮುಖ್ಯ ಉದ್ದೇಶ ಏನೆಂದರೆ, ದೇಶದಲ್ಲಿ ವಿದ್ಯುತ್ ಸಮಸ್ಯೆ ಇರುವವರು ಸಾಕಷ್ಟು ಜನರಿದ್ದಾರೆ. ಹಾಗಾಗಿ ಈ ಯೋಜನೆಯ ಮೂಲಕ ದೇಶದಲ್ಲಿನ ರೈತರು ಎದುರಿಸುತ್ತಿರುವ ವಿದ್ಯುತ್ ಸಮಸ್ಯೆಯನ್ನು ಹೋಗಲಾಡಿಸುವುದು. ಮತ್ತು ಅವರ ಆದಾಯಕ್ಕೆ ಹೆಚ್ಚುವರಿ ಆಯ್ಕೆಯನ್ನು ಒದಗಿಸುವುದು. ಈ ಯೋಜನೆ ದೇಶದ ಮತ್ತು ರೈತರ ಆದಾಯ ದ್ವಿಗುಣಗೊಳ್ಳಲು ಸಹಕಾರಿ.
ಪ್ರಧಾನ ಮಂತ್ರಿ ಕುಸುಮ್ ಯೋಜನೆಯ ಪ್ರಯೋಜನಗಳೇನು?
- ರೈತರಿಗೆ ಸೌರ ನೀರಾವರಿ ಪಂಪ್ಗಳು ಲಭ್ಯವಾಗುತ್ತದೆ. ಹಾಗೂ ಇದರಿಂದ ಪೆಟ್ರೋಲಿಯಂ ಇಂಧನದ ವೆಚ್ಚ ಕಡಿಮೆಯಾಗುತ್ತದೆ.
- ರೈತರು ತಾವು ಬಳಕೆ ಮಾಡಿ ಉಳಿದ ವಿದ್ಯುತ್ ಅನ್ನು ನೇರವಾಗಿ ಸರ್ಕಾರಕ್ಕೆ ಮಾರಾಟ ಮಾಡಬಹುದು.
- ಈ ಯೋಜನೆಯಿಂದ ತಮ್ಮ ಭೂಮಿಯಲ್ಲಿ ಸೌರ ವಿದ್ಯುತ್ ಸ್ಥಾವರಗಳನ್ನು ಸ್ಥಾಪಿಸುವ ರೈತರು ಹೆಚ್ಚುವರಿ ಆದಾಯವನ್ನು ಪಡೆಯಬಹುದು.
- ಹಾಗೇ ತಿಂಗಳಿಗೆ ₹ 6000 ವರೆಗೆ ವರ್ಗಾವಣೆ ಮಾಡಲಾಗುತ್ತದೆ.
- ಇದಿಷ್ಟೇ ಅಲ್ಲದೆ, ರೈತರು ಸೋಲಾರ್ ಪ್ಲಾಂಟ್ ಅಡಿಯಲ್ಲಿ ಸುಲಭವಾಗಿ ತರಕಾರಿ, ಹಣ್ಣು ಇತ್ಯಾದಿಗಳನ್ನು ಬೆಳೆಯಬಹುದು.
ಪ್ರಧಾನ ಮಂತ್ರಿ ಕುಸುಮ್ ಯೋಜನೆಗೆ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸೋದು ಹೇಗೆ ?
• ಕುಸುಮ್ ಸೋಲಾರ್ ಪಂಪ್ ಸ್ಕೀಮ್ನ ಅಧಿಕೃತ ವೆಬ್ಸೈಟ್ https://www.kusum.online/ ಗೆ ಭೇಟಿ ನೀಡಿ.
• ಪೋರ್ಟಲ್ನಲ್ಲಿ ನೀಡಲಾದ ಉಲ್ಲೇಖ ಸಂಖ್ಯೆಯ ಸಹಾಯದಿಂದ ಪೋರ್ಟಲ್ನಲ್ಲಿ ಲಾಗಿನ್ ಆಗಬೇಕು.
• ಬಳಿಕ ಅರ್ಜಿದಾರರು ಆನ್ಲೈನ್ನಲ್ಲಿ ಅನ್ವಯಿಸುವ ಆಯ್ಕೆಯನ್ನು ಕ್ಲಿಕ್ ಮಾಡಬೇಕು.
• ಆಗ ಕುಸುಮ್ ಯೋಜನಾ ನೋಂದಣಿ ಪುಟವನ್ನು ನೀವು ನೋಡಬಹುದು. ಇದರಲ್ಲಿ ಅರ್ಜಿದಾರರು ಎಲ್ಲಾ ಮಾಹಿತಿಯನ್ನು ಭರ್ತಿ ಮಾಡಿ, ಅರ್ಜಿ ನಮೂನೆಯನ್ನು ಸಲ್ಲಿಸಬೇಕು.
• ನಂತರ ಅರ್ಜಿದಾರರ ಮೊಬೈಲ್ ಸಂಖ್ಯೆಯಲ್ಲಿ ಬಳಕೆದಾರ ID ಮತ್ತು ಪಾಸ್ ವರ್ಡ್ ನೋಡಬಹುದು.
- ಅಲ್ಲಿ ಲಾಗ್ ಇನ್ ಆಗಿ, ಅರ್ಜಿ ನಮೂನೆಯಲ್ಲಿ ಇತರ ಮಾಹಿತಿಗಳನ್ನು ನವೀಕರಿಸಬಹುದು. ಇಲ್ಲಿಗೆ ಅರ್ಜಿ ಪ್ರಕ್ರಿಯೆ ಪೂರ್ಣಗೊಳ್ಳುತ್ತದೆ.
ಬೇಕಾಗುವ ದಾಖಲೆಗಳು : ಅರ್ಜಿ ಸಲ್ಲಿಸಬೇಕಾದರೆ ನಿಮ್ಮ ಆಧಾರ್ ಕಾರ್ಡ್ ,ನಿವಾಸ ಪ್ರಮಾಣಪತ್ರ ಆದಾಯದ ಪುರಾವೆ ಪತ್ರ , ಬ್ಯಾಂಕ್ ಖಾತೆಯ ಪಾಸ್ಬುಕ್ , ಜಮೀನು ಪತ್ರ , ನಿಮ್ಮ ಪಾಸ್ಪೋರ್ಟ್ ಸೈಜ್ ಪೋಟೋ, ಮೊಬೈಲ್ ನಂಬರ್ ಈ ಎಲ್ಲಾ ದಾಖಲೆಗಳನ್ನು ಇರಬೇಕು.
