ಅಕ್ಟೋಬರ್ 1 ರಿಂದ ದೇಶದಲ್ಲಿ ಹಣಕಾಸಿನ ವಹಿವಾಟು ಮತ್ತು ಷೇರು ಮಾರುಕಟ್ಟೆಗೆ ಸಂಬಂಧಿಸಿದಂತೆ ಕೆಲವು ಪ್ರಮುಖ ಬದಲಾವಣೆಗಳಾಗಲಿವೆ. ಯಾವ ರೀತಿಯ ಬದಲಾವಣೆಗಳಾಗಲಿವೆ ಎಂಬುದನ್ನು ತಿಳಿದುಕೊಳ್ಳೋಣ.
*ಡೆಬಿಟ್/ಕ್ರೆಡಿಟ್ ಕಾರ್ಡ್ ಆಟೋ ಡೆಬಿಟ್ ನಿಯಮ
ಅಕ್ಟೋಬರ್ 1 ರಿಂದ, ನಿಮ್ಮ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ಗಳಲ್ಲಿ ಆಟೋ ಡೆಬಿಟ್ ನಿಯಮವು ಬದಲಾಗಲಿದೆ. ಆರ್ಬಿಐನ ಹೊಸ ನಿಯಮವು ಅಕ್ಟೋಬರ್ 1 ರಿಂದ ಜಾರಿಗೆ ಬರಲಿದೆ. ಬ್ಯಾಂಕುಗಳು ಅಥವಾ ಇತರ ಹಣಕಾಸು ಸಂಸ್ಥೆಗಳು ಡೆಬಿಟ್-ಕ್ರೆಡಿಟ್ ಕಾರ್ಡ್ ಅಥವಾ ಮೊಬೈಲ್ ವ್ಯಾಲೆಟ್ ಮೂಲಕ ರೂ. 5000 ಕ್ಕಿಂತ ಹೆಚ್ಚಿನ ವಹಿವಾಟುಗಳಿಗೆ ಹೆಚ್ಚುವರಿ ಅಂಶ ದೃಡೀಕರಣವನ್ನು ಕೋರಬೇಕೆಂದು RBI ನಿಯಮ ಹೇಳುತ್ತದೆ. ಅಂದರೆ, ಇದೀಗ ಗ್ರಾಹಕರ ಅನುಮೋದನೆಯಿಲ್ಲದೆ ಬ್ಯಾಂಕ್ ನಿಮ್ಮ ಕಾರ್ಡ್ನಿಂದ ಹಣವನ್ನು ಡೆಬಿಟ್ ಮಾಡಲು ಸಾಧ್ಯವಿಲ್ಲ.
*ಈ ಮೂರು ಬ್ಯಾಂಕ್ ಗಳ ಚೆಕ್ ಬುಕ್ ಗಳು ನಿಷ್ಕ್ರಿಯ
3 ಬ್ಯಾಂಕ್ಗಳ ಚೆಕ್ ಬುಕ್ ಮತ್ತು MICR ಕೋಡ್ ನಿಷ್ಕ್ರೀಯಗೊಳ್ಳಲಿವೆ. ಈ ಬ್ಯಾಂಕುಗಳಲ್ಲಿ ಅಲಹಾಬಾದ್ ಬ್ಯಾಂಕ್, ಓರಿಯಂಟಲ್ ಬ್ಯಾಂಕ್ ಆಫ್ ಕಾಮರ್ಸ್ ಮತ್ತು ಯುನೈಟೆಡ್ ಬ್ಯಾಂಕ್ ಆಫ್ ಇಂಡಿಯಾ ಶಾಮೀಲಾಗಿವೆ. ಈ 3 ಬ್ಯಾಂಕುಗಳ ಗ್ರಾಹಕರಿಗೆ ಹೊಸ ಚೆಕ್ ಬುಕ್ ಗಳನ್ನು ಸೆಪ್ಟೆಂಬರ್ 30 ರೊಳಗೆ ನೀಡುವಂತೆ ಕೋರಲಾಗಿದೆ.
*ಜೀವನ ಪ್ರಮಾಣಪತ್ರ ಜಮಾ
ಅಕ್ಟೋಬರ್ 1 ರಿಂದ ನವೆಂಬರ್ 30, 2021 ರವರೆಗೆ, 80 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಪಿಂಚಣಿದಾರರು ತಮ್ಮ ಡಿಜಿಟಲ್ ಜೀವನ ಪ್ರಮಾಣಪತ್ರಗಳನ್ನು ದೇಶದ ಅಂಚೆ ಕಚೇರಿಗಳ ಜೀವನ್ ಪ್ರಮಾಣ ಕೇಂದ್ರಗಳಲ್ಲಿ ಸಲ್ಲಿಸಬಹುದು. ಜೀವನ್ ಪ್ರಮಾಣವು ಪಿಂಚಣಿದಾರರು ಜೀವಂತವಾಗಿದ್ದಾರೆ ಎಂಬುದಕ್ಕೆ ಪುರಾವೆಯಾಗಿದೆ. ಪಿಂಚಣಿ ಪಡೆಯಲು, ಪಿಂಚಣಿದಾರರು ಪ್ರತಿ ವರ್ಷ ಬ್ಯಾಂಕ್ ಅಥವಾ ಹಣಕಾಸು ಸಂಸ್ಥೆಗೆ ಈ ಪ್ರಮಾಣಪತ್ರವನ್ನು ಸಲ್ಲಿಸಬೇಕು.
*ಡಿಮ್ಯಾಟ್ ಹಾಗೂ ಟ್ರೇಡಿಂಗ್ ಅಕೌಂಟ್ KYC ಅಪ್ಡೇಟ್ ಗಡುವು
ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಗಳನ್ನು ಹೊಂದಿರುವ ಜನರು 30 ಸೆಪ್ಟೆಂಬರ್ 2021 ರ ಮೊದಲು ಕೆವೈಸಿ ವಿವರಗಳನ್ನು ಅಪ್ಡೇಟ್ ಮಾಡುವಂತೆ ಸೆಬಿ ಹೇಳಿದೆ. ಸೆಪ್ಟೆಂಬರ್ 30 ರ ಮೊದಲು ನೀವು ನಿಮ್ಮ ಖಾತೆಯಲ್ಲಿ KYC ಅನ್ನು ಅಪ್ಡೇಟ್ ಮಾಡದಿದ್ದರೆ, ಡಿಮ್ಯಾಟ್ ಖಾತೆಯನ್ನು ನಿಷ್ಕ್ರಿಯಗೊಳಿಸಲಾಗುತ್ತದೆ ಮತ್ತು ಖಾತೆದಾರರಿಗೆ ಮಾರುಕಟ್ಟೆಯಲ್ಲಿ ವಹಿವಾಟು ನಡೆಸಲು ಸಾಧ್ಯವಾಗುವುದಿಲ್ಲ.
*ಡಿಮ್ಯಾಟ್ ಹಾಗೂ ಟ್ರೇಡಿಂಗ್ ಅಕೌಂಟ್ ಗಳಿಗೆ ನಾಮಿನೆಶನ್
ಡಿಮ್ಯಾಟ್ ಮತ್ತು ಟ್ರೇಡಿಂಗ್ ಖಾತೆಯನ್ನು ತೆರೆಯಲು, ಇದೀಗ ಹೂಡಿಕೆದಾರರಿಗೆ ನಾಮಿನೇಷನ್ ಮಾಹಿತಿಯನ್ನು ನೀಡುವುದು ಅನಿವಾರ್ಯಗೊಳಿಸಲಾಗಿದೆ. ಒಂದು ವೇಳೆ ಹೂಡಿಕೆದಾರರು ನಾಮನಿರ್ದೇಶನವನ್ನು ನೀಡಲು ಬಯಸದಿದ್ದರೆ, ಅವರು ಅದರ ಬಗ್ಗೆ ಘೋಷಣಾ ನಮೂನೆಯನ್ನು ಭರ್ತಿ ಮಾಡಬೇಕಾಗುತ್ತದೆ. ಹೂಡಿಕೆದಾರರು ಇದನ್ನು ಮಾಡದಿದ್ದರೆ, ಅವರ ಟ್ರೇಡಿಂಗ್ ಮತ್ತು ಡಿಮ್ಯಾಟ್ ಖಾತೆಯನ್ನು ಸ್ಥಗಿತಗೊಳಿಸಲಾಗುತ್ತದೆ.
*ಫುಡ್ ಬುಸಿನೆಸ್ ನಲ್ಲಿರುವವರಿಗೆ ಈ ನಿಯಮ ಅನಿವಾರ್ಯ
ಆಹಾರ ಸುರಕ್ಷತಾ ನಿಯಂತ್ರಕ FSSAI ಫುಡ್ ಬಿಸಿನೆಸ್ ಆಪರೇಟರ್ ಗಳಿಗೆ FSSAI License ಸಂಖ್ಯೆ (FSSAI License Rule) ಅಥವಾ ನೋಂದಣಿ ಸಂಖ್ಯೆಯನ್ನು ನಗದು ರಸೀದಿ ಅಥವಾ ಖರೀದಿ ಚಲನ್ಗಳಲ್ಲಿ ನಮೂದಿಸುವುದನ್ನು ಕಡ್ಡಾಯಗೊಳಿಸಿದೆ. FSSAIನ ಈ ನಿಯಮವನ್ನು ಅನುಸರಿಸದಿದ್ದರೆ ಅದು ಆಹಾರ ವ್ಯವಹಾರದ ಕಡೆಯಿಂದ ಅನುಸರಿಸದಿರುವುದು ಮತ್ತು ಪರವಾನಗಿ ಅಥವಾ ನೋಂದಣಿಯ ರದ್ದತಿಯನ್ನು ಸೂಚಿಸುತ್ತದೆ ಎನ್ನಲಾಗಿದೆ.
