ಮಂಗಳೂರು: ಟ್ರಾಫಿಕ್ ಪೊಲೀಸರಿಗೆ ನಗರದಲ್ಲಿ ಟಿಂಟ್ ಕಾರ್ಯಾಚರಣೆಗೆ ‘ವಿಂಡೋ ಟಿಂಟ್ ರೀಡರ್’ ಸಾಧನವೊಂದನ್ನು ಬಳಸಲಾಗುತ್ತಿದೆ. ಇದರಿಂದ ವಾಹನದ ಟಿಂಟ್ ಪಾರದರ್ಶಕತೆಯನ್ನು ಸುಲಭವಾಗಿ ಪತ್ತೆಹಚ್ಚಬಹುದಾಗಿದೆ.
ಮಂಗಳೂರು ನಗರ ಪೊಲೀಸ್ ಕಮಿಷನರ್ ಮಾಹಿತಿ ನೀಡಿ, ವಾಹನದಲ್ಲಿ ಯಾರಾದರೂ ಟಿಂಟ್ ಹಾಕಿದರೆ ಈ ಸಾಧನದಿಂದ ಅದರ ಟಿಂಟ್ ಪ್ರಮಾಣವನ್ನು ತಪಾಸಣೆ ನಡೆಸಲಾಗುತ್ತಿದೆ. ಒಂದು ವೇಳೆ ನಿಗದಿತ ಪ್ರಮಾಣಕ್ಕಿಂತ ಹೆಚ್ಚು ಟಿಂಟ್ ಇದ್ದರೆ ವಾಹನ ಮಾಲೀಕರ ಮೇಲೆ ನಿರ್ದಾಕ್ಷಿಣ್ಯ ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದ್ದಾರೆ.
ಯಾವುದೇ ವಾಹನದ ಎದುರು ಮತ್ತು ಹಿಂದಿನ ಗ್ಲಾಸ್ ಶೇ.70ರಷ್ಟು ಪಾರದರ್ಶಕವಾಗಿರಬೇಕು. ಬದಿಯ ಗ್ಲಾಸ್ಗಳು ಶೇ.40ರಷ್ಟು ಪಾರದರ್ಶಕವಾಗಿರಬೇಕು. ಇದಕ್ಕಿಂತ ಜಾಸ್ತಿ ಇರುವಂತಿಲ್ಲ. ಒಂದು ವೇಳೆ ಯಾವುದೇ ವಾಹನ ಸವಾರರು ನಿಯಮ ಮೀರಿದರೆ ಮೋಟಾರು ಕಾಯಿದೆ ಉಲ್ಲಂಘನೆ ಆರೋಪದಲ್ಲಿ ಪ್ರಕರಣ ದಾಖಲಿಸಿ, ದಂಡ ವಿಧಿಸಲಾಗುವುದು ಎಂದು ಕಮಿಷನರ್ ತಿಳಿಸಿದ್ದಾರೆ.
ನ್ಯಾಯಾಲಯದ ಸೂಚನೆ ಪ್ರಕಾರ ಯಾವುದೇ ವಾಹನದ ಎದುರು ಮತ್ತು ಹಿಂದಿನ ಗ್ಲಾಸ್ ಶೇ.70ರಷ್ಟು ಪಾರದರ್ಶಕವಾಗಿರಬೇಕು. ಬದಿಯ ಗ್ಲಾಸ್ಗಳು ಶೇ.40ರಷ್ಟು ಪಾರದರ್ಶಕವಾಗಿರಬೇಕು. ಇದಕ್ಕಿಂತ ಜಾಸ್ತಿ ಇರುವಂತಿಲ್ಲ. ಒಂದು ವೇಳೆ ಯಾವುದೇ ವಾಹನ ಸವಾರರು ನಿಯಮ ಮೀರಿದರೆ ಮೋಟಾರು ಕಾಯಿದೆ ಉಲ್ಲಂಘನೆ ಆರೋಪದಲ್ಲಿ ಪ್ರಕರಣ ದಾಖಲಿಸಿ, ದಂಡ ವಿಧಿಸಲಾಗುವುದು ಎಂದು ಕಮಿಷನರ್ ತಿಳಿಸಿದ್ದಾರೆ.
ಮಂಗಳೂರು ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಯಲ್ಲಿ ಸೆ.27ರಿಂದ ಅ.2ರವರೆಗೆ ವಿಶೇಷ ವಾಹನ ತಪಾಸಣೆ ನಡೆಯಲಿದೆ ಎಂದು ಪೊಲೀಸ್ ಕಮಿಷನರ್ ತಿಳಿಸಿದ್ದಾರೆ.
ಕಾರ್ಯಾಚರಣೆ ವೇಳೆ ವಾಹನಗಳಿಗೆ ಗಾಜುಗಳಿಗೆ ನಿಷೇಧಿತ ಕಪ್ಪು ಪಟ್ಟಿ ಅಳವಡಿಸಿರುವುದು, ನಂಬರ್ ಪ್ಲೇಟ್ ಸರಿಯಾಗಿ ಅಳವಡಿಸದಿರುವುದು, ಹೆಲ್ಮೆಟ್ ಧರಿಸದಿರುವುದು, ವಿಮೆ ನವೀಕರಿಸದಿರುವುದು, ಹಳೆಯ ಪ್ರಕರಣಗಳನ್ನು ಬಾಕಿಯಿಟ್ಟಿರುವುದು, ಹೊಗೆ ತಪಾಸಣೆ ಮಾಡದಿರುವ ಬಗ್ಗೆ ವಿಶೇಷ ತಪಾಸಣೆ ಮಾಡಲು ಸೂಚಿಸಲಾಗಿದೆ.
ಇನ್ಮುಂದೆ ಬೇಕಾಬಿಟ್ಟಿ ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡೋ ಹಾಗಿಲ್ಲ! ಇಲ್ಲಿದೆ ಕಟ್ಟುನಿಟ್ಟಿನ ಸಂಚಾರಿ ನಿಯಮ
ಪ್ರತಿಯೊಂದು ದಿನ ಒಂದೊಂದು ವಿಷಯದ ಮೇಲೆ ಕೇಂದ್ರೀಕರಿಸಿ ತಪಾಸಣೆ ನಡೆಸಿ ವರದಿ ನೀಡಲು ಪೊಲೀಸ್ ಕಮಿಷನರ್ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.