3
ಹಾಸನ: ಹೋಟೆಲ್ವೊಂದಕ್ಕೆ ತಿಂಡಿ ಖರೀದಿ ಮಾಡಲು ಬಂದಿದ್ದ ಮುಸ್ಲಿಂ ಮಹಿಳೆಯರೊಬ್ಬರಿಗೆ ಅಲ್ಲಿನ ಸಿಬ್ಬಂದಿ ಅವಮಾನ ಮಾಡಿರುವ ಕುರಿತು ಗಂಭೀರ ಆರೋಪ ಕೇಳಿ ಬಂದಿದೆ. ಹಾಸನದ ಕೆ.ಆರ್.ಪುರಂನಲ್ಲಿರುವ ಗೊಮ್ಮಟಾದ್ರಿ ಹೋಟೆಲ್ನಲ್ಲಿ ಈ ಘಟನೆ ನಡೆದಿದೆ. ಈ ಕುರಿತ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ.
ತಿಂಡಿ ಪಾರ್ಸೆಲ್ ಕೇಳಿದ ಮಹಿಳೆಗೆ ಅಲ್ಲಿದ್ದ ಕ್ಯಾಶ್ ಕೌಂಟರ್ನಲ್ಲಿ ಕುಳಿತಿದ್ದ ವ್ಯಕ್ತಿ ಗೇಲಿ ಮಾಡಿ ನಿಂದಿಸಿದ್ದಾರೆ ಎಂದು ಹೇಳಲಾಗಿದೆ. ನೀವು ಇಪ್ಪತ್ತು ಮದುವೆ ಆಗುತ್ತೀರಿ. ನಲವತ್ತು ಮಕ್ಕಳನ್ನು ಹೆರುತ್ತೀರಿ. ನಿಮ್ಮಿಂದಲೇ ಯುದ್ಧಗಳು ನಡೆಯುತ್ತಿದೆ ಎಂದು ವ್ಯಕ್ತಿ ಆ ಮಹಿಳೆಯನ್ನು ಉದ್ದೇಶಿಸಿ ಅವಮಾನಕಾರಿ ಮಾತುಗಳನ್ನು ಆಡಿದ್ದಾರೆ ಎಂದು ಮಹಿಳೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.