ಅದೆಷ್ಟೋ ಜನರಿಗೆ ತಮಗೆ ದಪ್ಪವಾದ ಮತ್ತು ಕಪ್ಪಾದ ಹುಬ್ಬು ಬೇಕು ಅಂತ ಆಸೆ ಇರುತ್ತೆ. ಹಾಗೆ ಏನೇ ಮಾಡಿದ್ರೂ ದಪ್ಪ ಹುಬ್ಬು ಇಲ್ಲ ಅಂತ ಬೇಸರ ಮಾಡಿಕೊಳ್ತಾ ಇದ್ದೀರಾ? ನಿಮಗಾಗಿ ಇಲ್ಲಿದೆ ಸಿಂಪಲ್ ಹೋಮ್ ರೆಮಿಡೀಸ್ ಫಾರ್ ಡಾರ್ಕ್ ಐ ಬ್ರೋ.
ಯೆಸ್, ಇದಕ್ಕಾಗಿ ನೀವು ಸಾವಿರಾರು ರುಪಾಯಿ ಕೊಟ್ಟು ಯಾವುದೇ ಟ್ರೀಟ್ಮೆಂಟ್ ಮಾಡಿಸಿಕೊಳ್ಳುವ ಅಗತ್ಯವಿಲ್ಲ. ಈ ಸಿಂಪಲ್ ಮನೆ ಮದ್ದುಗಳನ್ನು ಫಾಲೋ ಮಾಡಿ.
ದಪ್ಪ ಹುಬ್ಬಿಗಾಗಿ ನೀವು ಈರುಳ್ಳಿ ರಸವನ್ನು ನೀವು ನಾಲ್ಕರಿಂದ, ಆರು ವಾರಗಳ ವರೆಗೆ ಪ್ರತಿ ದಿನ 2 ಬಾರಿ ಹುಬ್ಬಿಗೆ ಮಸಾಜ್ ಮಾಡಿಕೊಳ್ಳಿ.
ಮೊಟ್ಟೆಯ ಹಳದಿ: ಇದು ಸಾಕಷ್ಟು ಪ್ರಮಾಣದ ವಿಟಮಿನ್ ಡಿ ಅನ್ನು ಹೊಂದಿರುತ್ತದೆ. ಇದು ಕೂದಲಿನ ಪೋಷಣೆಗೂ ಅವಶ್ಯಕವಾಗಿದೆ. ಅದಕ್ಕಾಗಿಯೇ ತಲೆಗೂದಲಿಗೂ ಮೊಟ್ಟೆಯ ಹಳದಿಯನ್ನು ಹಚ್ಚಿ ಎಂದು ಹೇಳಲಾಗುತ್ತದೆ.
ಮೆಂತ್ಯೆ ಬೀಜ: ಈ ಬೀಜವನ್ನು ಸ್ವಲ್ಪ ಕಾಲದ ತನಕ ನೆನೆಸಿ, ಪೇಸ್ಟ್ ಮಾಡಿ ಇದರ ಜೊತೆಗೆ ತೆಂಗಿನ ಎಣ್ಣೆ ಅಥವಾ ಬಾದಾಮಿ ಎಣ್ಣೆಯನ್ನು ಸೇರಿಸಿ. ಮಲಗುವ ಮುನ್ನ ಇದನ್ನು ಹುಬ್ಬಿಗೆ ಹಚ್ಚಿ ಮಲಗಿ.
ಹಾಲು: ಹತ್ತಿಯ ಉಂಡೆಯನ್ನು ಹಾಲಿಗೆ ಅದ್ದಿ ನಿಮ್ಮ ಹುಬ್ಬಿನ ಮೇಲೆ ಸ್ವಲ್ಪ ಕಾಲದ ತನಕ ಚೆನ್ನಾಗಿ ಮಸಾಜ್ ಮಾಡಿಕೊಳ್ಳಿ. ತನ್ನಷ್ಟಕ್ಕೆ ತಾನೇ ಉಣಗಲು ಬಿಡಿ ಮತ್ತೆ ಉಗುರು ಬೆಚ್ಚಗಿನ ನೀರಿನಲ್ಲಿ ಹುಬ್ಬನ್ನು ತೊಳೆದುಕೊಳ್ಳಿ.
ಅಲೋವೇರಾ: ಇದರ ಜೆಲ್ ಅನ್ನು ನಿಮ್ಮ ಹುಬ್ಬುಗಳ ಮೇಲೆ ಲೇಪಿಸಿ. ಇದರಿಂದ ನಿಮ್ಗೆ ತಣ್ಣನೆಯ ಭಾವನೆ ಆಗುತ್ತೆ. ಇದರ ಜೊತೆಗೆ ದಟ್ಟವಾಗಿ ಹುಬ್ಬು ಬೆಳೆಯುತ್ತೆ. 30 ನಿಮಿಷಗಳ ನಂತರ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ತಲೆ ಕೂದಲಿಗೂ ಈ ಜಲ್ ಅನ್ನು ಹಚ್ಚಿ.
ನಿಂಬೆಹಣ್ಣು: ಈ ಹಣ್ಣಿನ ರಸದಿಂದ ನಿಮ್ಮ ಹುಬ್ಬು ಶೈನ್ ಆಗಿ ಕಾಣುತ್ತೆ. ಹಾಗಾಗಿ ವಾರಕ್ಕೆ ಒಮ್ಮೆ ಆದ್ರೂ ಹಚ್ಚಿ.
ಆಲೀವ್ ಎಣ್ಣೆ: ನಿಮ್ಮ ಹುಬ್ಬಿಗೆ ಕಾಜಲ್ ಹಚ್ಚಿ ಅದಕ್ಕೆ ಆಲೀವ್ ಎಣ್ಣೆ ಅಥವಾ ಬಾದಾಮಿ ಎಣ್ಣೆಯನ್ನು ಹಚ್ಚಿ ಮಲಗಿ. ಇದನ್ನು ಪ್ರತಿ ದಿನ ಮಾಡುವುದರಿಂದ ನಿಮ್ಮ ಹುಬ್ಬು ದಟ್ಟವಾಗಿ ಬೆಳೆಯುತ್ತದೆ.
ತೆಂಗಿನ ಎಣ್ಣೆ: ಉಗುರು ಬೆಚ್ಚಗೆ ಮಾಡಿ ತೆಂಗಿನ ಎಣ್ಣೆಯನ್ನು ಹಚ್ಚಬೇಕು. ಇದರಿಂದ ಉದುರುತ್ತಿರು ಕೂದಲಿಗೆ ಶಕ್ತಿ ನೀಡಿದಂತೆ ಆಗುತ್ತದೆ. ಹೀಗಾಗಿ ಕೊಂಚ ಬಿಸಿ ಮಾಡಿ ಕೂದಲಿಗೆ ಹಚ್ಚಿ.
