ಕೇಂದ್ರ ಸರ್ಕಾರಿ ನೌಕರರಿಗೆ ಸಂತಸದ ಸುದ್ದಿ. ತುಟ್ಟಿಭತ್ಯೆ ಹೆಚ್ಚಳದ ನಂತರ ಸರ್ಕಾರವು ನೌಕರರಿಗೆ ಮತ್ತೊಂದು ಸಂತಸದ ಸುದ್ದಿ ನೀಡಲು ಮುಂದಾಗಿದೆ. ಡಿಎ ಹೆಚ್ಚಳದ ನಂತರ ಸರ್ಕಾರವು ಏಕಕಾಲಕ್ಕೆ 4 ಭತ್ಯೆಗಳನ್ನು ಹೆಚ್ಚಿಸಲು ಯೋಜಿಸುತ್ತಿದೆ, ಹೆಚ್ಚಳವಾದರೆ ನೌಕರರ ವೇತನದಲ್ಲಿ ಭಾರಿ ಹೆಚ್ಚಳವಾಗಲಿದೆ.
ಏಕಕಾಲಕ್ಕೆ ಒಟ್ಟಿಗೆ ಈ 4 ಭತ್ಯೆಗಳ ಹೆಚ್ಚಳ ಮಾಡಲು ಸರಕಾರ ಯೋಜಿಸುತ್ತದೆ. ಇತ್ತೀಚೆಗೆ, ಸರ್ಕಾರವು ನೌಕರರ ಭತ್ಯೆಯನ್ನು ಶೇ. 4 ರಷ್ಟು ಹೆಚ್ಚಿಸಿದೆ, ನಂತರ ಈ ಜನರಿಗೆ ಶೇ. 34 ರ ಬದಲಿಗೆ ಶೇ.38 ಡಿಎ ಲಾಭವನ್ನು ಪಡೆಯಲಿದ್ದಾರೆ.
ಏಳನೇ ವೇತನ ಆಯೋಗದ ಪ್ರಕಾರ ಕೇಂದ್ರ ನೌಕರರ ಪ್ರಯಾಣ ಭತ್ಯೆ, ನಗರ ಭತ್ಯೆ ಕೂಡ ಹೆಚ್ಚಾಗಲಿದೆ. ಇದರೊಂದಿಗೆ ಭವಿಷ್ಯ ನಿಧಿ ಮತ್ತು ಗ್ರಾಚ್ಯುಟಿ ಕೂಡ ಹೆಚ್ಚಾಗಲಿದೆ. ಕೇಂದ್ರ ನೌಕರರ ಪಿಎಫ್ ಮತ್ತು ಗ್ರಾಚ್ಯುಟಿಯ ಲೆಕ್ಕಾಚಾರವನ್ನು ಮೂಲ ವೇತನ ಮತ್ತು ಡಿಎ ಆಧಾರದ ಮೇಲೆ ಮಾಡಲಾಗುತ್ತದೆ. ಆದ್ದರಿಂದ ಈ ಪರಿಸ್ಥಿತಿಯಲ್ಲಿ, ಡಿಎ ಹೆಚ್ಚಳದಿಂದಾಗಿ, ಪಿಎಫ್ ಮತ್ತು ಗ್ರಾಚ್ಯುಟಿ ಕೂಡ ಹೆಚ್ಚಾಗುತ್ತದೆ. ಈ ಹೆಚ್ಚಳವು 3 ಪ್ರತಿಶತದವರೆಗೆ ಇರಬಹುದು ಎಂದು ನಂಬಲಾಗಿದೆ.
ತುಟ್ಟಿಭತ್ಯೆಯ ಪರಿಷ್ಕೃತ ದರಗಳನ್ನು ಜುಲೈ 1, 2023 ರಿಂದ ಜಾರಿಗೆ ತರಲಾಗುವುದು ಎಂದು ಮಾಹಿತಿಯಲ್ಲಿ ತಿಳಿಸಲಾಗಿದೆ. ಶೀಘ್ರದಲ್ಲಿಯೇ ನೌಕರರ ಖಾತೆಗೆ ಈ ಹಣ ಬರಲಿದೆ. ತುಟ್ಟಿಭತ್ಯೆ ಹೆಚ್ಚಿಸುವ ಸರ್ಕಾರದ ನಿರ್ಧಾರದಿಂದ 50 ಲಕ್ಷ ಕೇಂದ್ರ ನೌಕರರು ಮತ್ತು 62 ಲಕ್ಷ ಪಿಂಚಣಿದಾರರಿಗೆ ದೊಡ್ಡ ಪರಿಹಾರ ಸಿಗಲಿದೆ. ಈ ಹಿಂದೆ ಮಾರ್ಚಲ್ಲಿ ಕೇಂದ್ರ ಸಚಿವ ಸಂಪುಟವು 3 ಪ್ರತಿಶತ ತುಟ್ಟಿಭತ್ಯೆಯನ್ನು ಹೆಚ್ಚಿಸಿತ್ತು. ಆಗ ಡಿಎ ಶೇ.31ರಿಂದ ಶೇ. 34ಕ್ಕೆ ಏರಿಕೆಯಾಗಿತ್ತು. 28 ಸೆಪ್ಟೆಂಬರ್ 2022 ರಂದು, ಸರ್ಕಾರವು ಡಿಎ ಹೆಚ್ಚಳವನ್ನು ಘೋಷಿಸಿತು. ಇದಾದ ಬಳಿಕ ಈ ಕುರಿತು ಅಧಿಸೂಚನೆ ಹೊರಡಿಸಿ ಮಾಹಿತಿ ನೀಡಲಾಗಿದೆ.
