ತಂತ್ರಜ್ಞಾನ ಬೆಳೆದಂತೆ ಎಲ್ಲವೂ ಡಿಜಿಟಲ್ ಮಯವಾಗಿದೆ. ಡಿಜಿಟಲ್ ಪಾವತಿಗಳನ್ನು ಉತ್ತೇಜಿಸಲು ಸರ್ಕಾರವು ಯುಪಿಐ(ಯುನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ ) ಅನ್ನು ಪರಿಚಯಿಸಿದ್ದೂ, ಇದು ಅತ್ಯಂತ ವೇಗವಾಗಿ ಮತ್ತು ಸುಲಭವಾಗಿ ಪಾವತಿಸಬಹುದಾದ ವಿಧಾನವಾಗಿದೆ. ಯುಪಿಐ ಮೂಲಕ ಮೊಬೈಲ್ ಬಿಲ್, ಕರೆಂಟ್ ಬಿಲ್, ಮನೆ ತೆರಿಗೆ,ಟಿವಿ ಬಿಲ್, ಹೀಗೆ ಅನೇಕ ಪಾವತಿಗಳನ್ನು ನಾವು ಮನೆಯಲ್ಲೇ ಕುಳಿತು ಪಾವತಿಸಬಹುದಾದ ಸೇವೆಯನ್ನು ಒದಗಿಸಿರುವ ಯುಪಿಐ ಶೀಘ್ರದಲ್ಲೇ ತನ್ನ ಮತ್ತಷ್ಟು ಸೇವೆಗಳನ್ನು ವಿಸ್ತರಿಸಲಾಗುವುದು ಎಂದು ಆರ್ಬಿಐ ತಿಳಿಸಿದೆ.
ಈ ಸೌಲಭ್ಯದ ಮೂಲಕ ಗ್ರಾಹಕರು ಭದ್ರತೆಯಲ್ಲಿ ಹೂಡಿಕೆ ಮಾಡಬಹುದು. ಇ- ಕಾಮರ್ಸ್ ಪ್ಲಾಟ್ಫಾರ್ಮ್ನಲ್ಲಿ ಶಾಪಿಂಗ್ ಅಥವಾ ಹೋಟೆಲ್ ಬುಕಿಂಗ್ ಹೊರತುಪಡಿಸಿ ಸರಕು ಅಥವಾ ಸೇವೆಗಳ ವಿತರಣೆಗಾಗಿ ಬೇಡಿಕೆಯ ಪಾವತಿಗಳನ್ನು ಮಾಡಬಹುದು. ಈ ವ್ಯವಸ್ಥೆಯ ಮೂಲಕ ಗ್ರಾಹಕರು ತಮ್ಮ ಖಾತೆಗಳಲ್ಲಿ ನಿರ್ದಿಷ್ಟ ಉದ್ದೇಶಗಳಿಗೆ ಹಣವನ್ನು ಬ್ಲಾಕ್ (ಕಾಯ್ದಿರಿಸಬಹುದು) ಹಾಗೂ ಅಗತ್ಯವಿದ್ದಾಗ ಅದನ್ನು ಪಾವತಿ ಮಾಡಬಹುದಾಗಿದೆ.
ಯುಪಿಐನಲ್ಲಿ ಸಿಂಗಲ್-ಬ್ಲಾಕ್ ಮತ್ತು ಮಲ್ಟಿಪಲ್ ಡೆಬಿಟ್ ಸಾಮರ್ಥ್ಯವನ್ನು ಪರಿಚಯಿಸಲು ನಿರ್ಧರಿಸಲಾಗಿದೆ. ಇ-ಕಾಮರ್ಸ್ ಜಾಗದಲ್ಲಿ ಪಾವತಿಗಳನ್ನು ಸುಲಭಗೊಳಿಸುವುದಲ್ಲದೇ ಇದು ಸೆಕ್ಯೂರಿಟಿಗಳಲ್ಲಿ ಹೂಡಿಕೆ ಮಾಡಲು ಸುಲಭವಾಗುತ್ತದೆ.
UPI ನಲ್ಲಿ ಬರುವ ಹೊಸ ವೈಶಿಷ್ಟ್ಯದ ಅಡಿಯಲ್ಲಿ, ಗ್ರಾಹಕರು ಬ್ಯಾಂಕ್ ಖಾತೆಯಲ್ಲಿರುವ ತಮ್ಮಹಣವನ್ನು ನಿರ್ಬಂಧಿಸುವ ಅವಕಾಶವಿದೆ. ಯಾವುದೇ ವ್ಯಾಪಾರಿಗೆ ಪಾವತಿ ಆದೇಶಗಳನ್ನು ನಿಗದಿಪಡಿಸಲು ಸಾಧ್ಯವಾಗುತ್ತದೆ. ಅಗತ್ಯವಿರುವಾಗ ಡೆಬಿಟ್ ಮಾಡಬಹುದು. ಈ ಮೂಲಕ ಸೌಲಭ್ಯವು ವಹಿವಾಟಿನ ವಿಶ್ವಾಸಾರ್ಹತೆಯನ್ನು ಹೆಚ್ಚಿಸುತ್ತದೆ.
ಆರ್ಬಿಐನ ಚಿಲ್ಲರೆ ನೇರ ಯೋಜನೆಯನ್ನು ಬಳಸಿಕೊಂಡು ಸರ್ಕಾರಿ ಷೇರು ಖಾತೆಗಳನ್ನು ತೆರೆಯುವ ಮೂಲಕ ಸರ್ಕಾರಿ ಭದ್ರತೆಗಳನ್ನು ಖರೀದಿಸಲು ಈ ಸೌಲಭ್ಯವು ಸಹಕಾರಿಯಾಗಲಿದೆ. ಈ ವ್ಯವಸ್ಥೆಯನ್ನು ಜಾರಿಗೆ ತರಲು ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮಕ್ಕೆ (ಎನ್ಪಿಸಿಐ) ಪ್ರತ್ಯೇಕ ನಿರ್ದೇಶನವನ್ನು ನೀಡಲಾಗುವುದು. ಭಾರತದ ಬಿಲ್ ಪಾವತಿ ವ್ಯವಸ್ಥೆಯ ಎಲ್ಲಾ ಪಾವತಿಗಳು ಮತ್ತು ಸಂಗ್ರಹಣೆಗಳನ್ನು ಒಟ್ಟಿಗೆ ಸೇರಿಸಲು ಭಾರತ್ ಬಿಲ್ ಪಾವತಿ ವ್ಯವಸ್ಥೆಯ (BBPS) ವ್ಯಾಪ್ತಿಯ ವಿಸ್ತರಣೆಯ ಬಗ್ಗೆ ದಾಸ್ ಘೋಷಿಸಿದರು.
