ED ದಾಳಿ ಮಾಡಿ ವಶಪಡಿಸಿಕೊಂಡ ಹಣ ಎಲ್ಲಿ ಹೋಗುತ್ತದೆ? ಇದುವರೆಗೂ ಖಜಾನೆಯಲ್ಲಿ ಎಷ್ಟು ಹಣವಿದೆ?

ED: ಇತ್ತೀಚಿನ ದಿನಗಳಲ್ಲಿ ಭ್ರಷ್ಟಾಚಾರ ಹಾಗೂ ಹೆಚ್ಚಿನ ಆಸ್ತಿಗಳಿಗೆ ವಿಚಾರವಾಗಿ ಜಾರಿ ನಿರ್ದೇಶನಾಲಯವು ಹಲವಾರು ಕಡೆ ದಾಳಿ ನಡೆಸುತ್ತಿದೆ. ದಾಳಿ ನಡೆಸಿ ಕೋಟ್ಯಂತರ ಮೌಲ್ಯದ ಸಂಪತ್ತನ್ನು ವಶಪಡಿಸಿಕೊಳ್ಳುತ್ತಿದೆ. ಹಾಗಿದ್ದರೆ  ಇಡಿ ವಶಪಡಿಸಿಕೊಳ್ಳುವ ಹಣ ಅಥವಾ ಸಂಪತ್ತು ಏನಾಗುತ್ತದೆ? ಇದುವರೆಗೂ ಎಷ್ಟು ಸ್ಟೋರ್ ಮಾಡಲಾಗಿದೆ? ಇಲ್ಲಿದೆ ನೋಡಿ ಡೀಟೇಲ್ಸ್.

ಇಡಿ ವಶಪಡಿಸಿಕೊಳ್ಳುವ ಹಣ ತಕ್ಷಣ ಸರ್ಕಾರ ಖಜಾನೆ ಸೇರುತ್ತದೆ ಎಂಬುದು ಹಲವರ ಅಭಿಪ್ರಾಯ. ಆದರೆ ಈ ಹಣವು ತಕ್ಷಣವೇ ಸರ್ಕಾರದ ಖಜಾನೆಗೆ ಸೇರುವುದಿಲ್ಲ. ಇದು ಸುದೀರ್ಘ ಕಾನೂನು ಪ್ರಕ್ರಿಯೆಗೆ ಒಳಪಡುತ್ತದೆ. ಹೌದು, ವಶಪಡಿಸಿಕೊಂಡ ನಗದನ್ನು ED ತಕ್ಷಣವೇ ತನ್ನ ಕಚೇರಿಯಲ್ಲಿ ಇಟ್ಟುಕೊಳ್ಳುವುದಿಲ್ಲ. ಅದರ ಬದಲಿಗೆ, ಆ ಹಣವನ್ನು ಭಾರತೀಯ ರಿಸರ್ವ್ ಬ್ಯಾಂಕ್ (RBI) ನಲ್ಲಿರುವ ವಿಶೇಷ ಖಾತೆಯಲ್ಲಿ ಜಮೆ ಮಾಡಲಾಗುತ್ತದೆ. ವಶಪಡಿಸಿಕೊಂಡ ಹಣವು ಅಕ್ರಮ ಮಾರ್ಗದಿಂದ ಬಂದಿದೆ ಎಂದು ಕೋರ್ಟ್ ತೀರ್ಪು ನೀಡಿದ ನಂತರವೇ ಆ ಹಣವನ್ನು ಸರ್ಕಾರ ಮುಟ್ಟುಗೋಲು ಹಾಕಿಕೊಳ್ಳುತ್ತದೆ. 

ಒಂದು ವೇಳೆ ಆರೋಪಿಯು ಕೋರ್ಟ್‌ನಲ್ಲಿ ತನ್ನ ನಿರಪರಾಧಿತ್ವವನ್ನು ಸಾಬೀತುಪಡಿಸಿದರೆ, ಆ ಹಣವನ್ನು ವಾಪಸ್ ನೀಡಬೇಕಾಗುತ್ತದೆ. ಕಾನೂನು ಪ್ರಕ್ರಿಯೆ ಮುಗಿದು, ಹಣವು ಸರ್ಕಾರದ ವಶಕ್ಕೆ ಬಂದ ನಂತರ, ಅದನ್ನು ‘ಕನ್ಸಾಲಿಡೇಟೆಡ್ ಫಂಡ್ ಆಫ್ ಇಂಡಿಯಾ’ಕ್ಕೆ ವರ್ಗಾಯಿಸಲಾಗುತ್ತದೆ. ಅಲ್ಲಿಂದ ಆ ಹಣವನ್ನು ದೇಶದ ಅಭಿವೃದ್ಧಿ ಕಾರ್ಯಗಳಿಗೆ ಬಳಸಲಾಗುತ್ತದೆ.

ED ಖಜಾನೆಯಲ್ಲಿ ಎಷ್ಟು ಹಣವಿದೆ?

ED ಬಳಿ ಯಾವುದೇ ಖಾಸಗಿ ಖಜಾನೆ ಇರುವುದಿಲ್ಲ. ಅದು ವಶಪಡಿಸಿಕೊಂಡ ಹಣದ ಅಂಕಿಅಂಶಗಳನ್ನು ಮಾತ್ರ ನಿರ್ವಹಿಸುತ್ತದೆ. ಕಳೆದ ಕೆಲವು ವರ್ಷಗಳಲ್ಲಿ, ED ಸಾವಿರಾರು ಕೋಟಿ ರೂಪಾಯಿಗಳ ಆಸ್ತಿಯನ್ನು ಜಪ್ತಿ ಮಾಡಿದೆ. ಕೇವಲ ಹಣ ಮಾತ್ರವಲ್ಲದೆ, ಸ್ಥಿರ ಆಸ್ತಿಗಳು, ಚಿನ್ನಾಭರಣ ಮತ್ತು ಐಷಾರಾಮಿ ವಾಹನಗಳನ್ನು ಕೂಡ ವಶಪಡಿಸಿಕೊಳ್ಳಲಾಗುತ್ತದೆ. ಹೀಗೆ ವಶಪಡಿಸಿಕೊಂಡ ಸಂಪತ್ತು ಇದೀಗ ಲಕ್ಷಾಂತರ ಕೋಟಿಯನ್ನು ದಾಟಿರಬಹುದು.