UPSC: ಕೇಂದ್ರ ಲೋಕಸೇವಾ ಆಯೋಗದ (UPSC) ನಾಗರಿಕ ಸೇವಾ ಪರೀಕ್ಷೆಯ ಫಲಿತಾಂಶ ಪ್ರಕಟವಾಗುತ್ತಿದ್ದಂತೆ ದೇಶಾದ್ಯಂತ ಸಂಭ್ರಮ ಮನೆ ಮಾಡಿದೆ. ಆದರೆ, ಈ ಸಂಭ್ರಮದ ನಡುವೆಯೇ 301ನೇ ರ್ಯಾಂಕ್ ಗೆ ಸಂಬಂಧಿಸಿದಂತೆ ದೊಡ್ಡ ವಿವಾದವೊಂದು ಸೃಷ್ಟಿಯಾಗಿ, ಎಲ್ಲರನ್ನು ಆಶ್ಚರ್ಯ ಚಿಕಿತಗೊಳಿಸಿದೆ.
ಏನಿದು ವಿವಾದ?
UPSC ಬಿಡುಗಡೆ ಮಾಡಿದ ಮೆರಿಟ್ ಪಟ್ಟಿಯಲ್ಲಿ 301ನೇ ಱಂಕ್ನಲ್ಲಿ ‘ಆಕಾಂಕ್ಷಾ ಸಿಂಗ್’ ಎಂಬ ಹೆಸರಿದೆ. ಇದೀಗ ಇಬ್ಬರು ಯುವತಿಯರು ತಾವೇ ಆ ಱಂಕ್ ಪಡೆದ ಅಸಲಿ ಅಭ್ಯರ್ಥಿ ಎಂದು ಹಕ್ಕು ಸಾಧಿಸುತ್ತಿದ್ದಾರೆ. ವಿಶೇಷವೆಂದರೆ, ಇಬ್ಬರ ಹೆಸರೂ ಒಂದೇ ಆಗಿರುವುದಲ್ಲದೆ, ಇಬ್ಬರೂ ಒಂದೇ ರೋಲ್ ನಂಬರ್ (0856794) ತೋರಿಸುತ್ತಿದ್ದಾರೆ!
ಸಧ್ಯ ಯುಪಿಎಸ್ಸಿ ಫಲಿತಾಂಶ ಘೋಷಣೆಯ ಬಳಿಕ ಎರಡು ವಿಭಿನ್ನ ರಾಜ್ಯಗಳ ಇಬ್ಬರು ಮಹಿಳೆಯರು ಒಂದೇ ಶ್ರೇಯಾಂಕದ ಮೇಲೆ ಹಕ್ಕು ಮಂಡಿಸಿದ್ದಾರೆ. 301ನೇ ರ್ಯಾಂಕ್ ವಿವಾದದ ಕೇಂದ್ರಬಿಂದುವಾಗಿದ್ದು,ಆಕಾಂಕ್ಷಾ ಸಿಂಗ್ ಹೆಸರಿನ ಇಬ್ಬರು ಅಭ್ಯರ್ಥಿಗಳು ರ್ಯಾಂಕ್ ತನಗೇ ಬಂದಿದೆ ಎಂದು ಪ್ರತಿಪಾದಿಸಿದ್ದಾರೆ. ಒಂದೇ ಹೆಸರು ಮತ್ತು ರೋಲ್ ನಂಬರ್ ಇರುವ ಪ್ರವೇಶ ಪತ್ರಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡಿದ ಬಳಿಕ ವಿವಾದವು ತೀವ್ರಗೊಂಡಿದ್ದು, ವಿಷಯವು ಇನ್ನಷ್ಟು ಜಟಿಲಗೊಂಡಿದೆ.
ಈಗ ಎಲ್ಲರ ಗಮನ ಯುಪಿಎಸ್ಸಿಯ ಅಧಿಕೃತ ಸ್ಪಷ್ಟನೆಯ ಮೇಲಿದೆ. ಪರೀಕ್ಷಾ ಮಂಡಳಿಯು ಈ ದಾಖಲೆಗಳನ್ನು ಮರುಪರಿಶೀಲಿಸಿದ ನಂತರವೇ ಸತ್ಯ ಹೊರಬರಬೇಕಿದೆ.