ಯುವತಿಯರಿಬ್ಬರು ಬೀದಿಯಲ್ಲೇ ಕಿತ್ತಾಡಿಕೊಂಡ ಘಟನೆಯೊಂದು ನಡೆದಿದೆ. ಹೌದು ಇದು ನಗ್ನ ಫೋಟೋಗೆ ಸಂಬಂಧಪಟ್ಟ ನಡೆದ ಬೀದಿ ಕಾಳಗ.
ನಗ್ನ ಫೋಟೋ ವೈರಲ್ ಮಾಡಿದ ವಿಚಾರವಾಗಿ ಬೀದಿಯಲ್ಲೇ ಯುವತಿಯರಿಬ್ಬರು ಕಿತ್ತಾಟ ಮಾಡಿದ್ದಾರೆ. ಈ ವೀಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಈಗ ವೈರಲ್ ಆಗಿದೆ. ಈ ಇಬ್ಬರು ಯುವತಿಯರು ಮಾಡಿದ ಜಗಳವನ್ನು ಕಂಡ ಪ್ರತ್ಯಕ್ಷದರ್ಶಿಗಳು ಮೊಬೈಲ್ನಲ್ಲಿ ಸೆರೆ ಹಿಡಿದು ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದಾರೆ.
ಇಬ್ಬರು ಯುವತಿಯರಲ್ಲಿ ಒಬ್ಬರಿಗೆ, ಅವರು ಏಕೆ ಜಗಳವಾಡುತ್ತಿದ್ದರು ಎಂದು ಕ್ಯಾಮೆರಾದ ಹಿಂದಿನ ವ್ಯಕ್ತಿ ಕೇಳುವುದರೊಂದಿಗೆ ಕ್ಲಿಪ್ ಪ್ರಾರಂಭವಾಗುತ್ತದೆ. ಈ ವೀಡಿಯೊ ಆರಂಭ ಆಗುವ ಮೊದಲೇ ಇವರಿಬ್ಬರ ಮಧ್ಯೆ ಮಾರಾಮಾರಿ ನಡೆದಿದೆ. ಒಬ್ಬಾಕೆ ಮಾಸ್ಕ್ ಹಾಕಿಕೊಂಡ ಕಾರಣಕ್ಕೆ ಆಕೆಯ ಮುಖ ಸ್ಪಷ್ಟವಾಗಿ ಗೋಚರವಾಗುವುದಿಲ್ಲ. ಆಕೆ ತನ್ನ ನಗ್ನ ಚಿತ್ರಗಳನ್ನು ಬೇರೊಬ್ಬ ವ್ಯಕ್ತಿಗೆ ಕಳುಹಿಸಿದ್ದಾಳೆ ಎಂದು ಇನ್ನೊಬ್ಬಾಕೆ ಆರೋಪಿಸಿದ್ದಾಳೆ. ಆರೋಪ ಹೊತ್ತುಕೊಂಡ ಮಾಸ್ಕ್ಧಾರಿ ಯುವತಿ ಇದರ ವಿರುದ್ಧ ಧ್ವನಿ ಎತ್ತಿದಾಗ, ತಾನು ಕೆಲವು ಆಡಿಯೋವನ್ನು ಲೀಕ್ ಮಾಡೋದಾಗಿ ಹೇಳುತ್ತಾಳೆ.
ಇದರ ನಂತರ ಇಬ್ಬರ ನಡುವೆ ಮಾತಿಗೆ ಮಾತು ಬೆಳೆಯುತ್ತದೆ. ಅನಂತರ ಇಬ್ಬರೂ ಒಬ್ಬರನ್ನೊಬ್ಬರು ತಳ್ಳಾಡಿಕೊಂಡು ಹೊಡೆದುಕೊಳ್ಳುತ್ತಾರೆ. ಮಾಸ್ಕ್ ಧರಿಸಿದ್ದ ಯುವತಿ ಆಟೋ ರಿಕ್ಷಾದಲ್ಲಿ ಹೊರಡಲು ಪ್ರಯತ್ನಿಸುತ್ತಿದ್ದಂತೆ, ಆಕೆಯನ್ನು ಹೊರಗೆಳೆದು ಮತ್ತೊಬ್ಬಾಕೆ ಹೊಡೆದಿದ್ದಾಳೆ. ಮನೆಗೆ ಹೋಗುವಂತೆ ಬೆದರಿಕೆಯನ್ನೂ ಹಾಕುತ್ತಾಳೆ. ಅಲ್ಲಿಗೆ ಈ ವೀಡಿಯೋ ಕೊನೆಗೊಳ್ಳುತ್ತದೆ.
