ಪ್ರಾಣಿಗಳು ಅದರದ್ದೇ ರೂಪ ಹೋಲುವಂತಹ ಮರಿಗಳಿಗೆ ಜನ್ಮ ನೀಡುವುದು ಸಹಜ. ಆದರೆ ಇಲ್ಲಿ ಮೇಕೆಯೊಂದು ಮನುಷ್ಯನನ್ನು ಹೋಲುವ ಮರಿಗೆ ಜನ್ಮ ನೀಡಿರುವ ವಿಲಕ್ಷಣವಾದ ಘಟನೆ ಅಸ್ಸಾಂನ ಕ್ಯಾಚಾರ್ ಜಿಲ್ಲೆಯಲ್ಲಿ ನಡೆದಿದೆ.
ಅಸ್ಸಾಂನ ಧೋಲೈ ವಿಧಾನಸಭಾ ಕ್ಷೇತ್ರದ ಗಂಗಾಪುರ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, ಮೇಕೆ ಮರಿ ಇನ್ನೂ ಬದುಕಿದೆ. ಮನುಷ್ಯನ ಹೋಲಿಕೆ ಹೊಂದಿರುವ ಮೇಕೆಯನ್ನು ಕಂಡು ಜನ ಅಚ್ಚರಿಗೊಂಡಿದ್ದಾರೆ. ಆ
ಮೇಕೆ ಮರಿಯ ಕಣ್ಣು, ಮೂಗು ಮತ್ತು ಬಾಯಿ ಮನುಷ್ಯನಂತೆ ಇದ್ದು, ಅದರ ಕಿವಿಗಳು ಮಾತ್ರ ಮೇಕೆಯಂತಿದೆ. ಇನ್ನೂ ಈ ವಿಚಾರ ಎಲ್ಲೆಡೆ ಹಬ್ಬುತ್ತಿದ್ದಂತೆಯೇ ಇಡೀ ಗ್ರಾಮದ ಜನರು ಅಪರೂಪದ ಮೇಕೆ ಮರಿಯನ್ನು ನೋಡಲು ಜಮಾಯಿಸಿದ್ದಾರೆ.
ಈ ಹಿಂದೆ ಗುಜರಾತ್ನ ಸಾಂಗ್ದ್ ತಾಲೂಕಿನ ಟ್ಯಾಪಿ ನದಿಸಮೀಪದ ಸೆಲ್ಟಿಪಾಡಾ ಗ್ರಾಮದಲ್ಲಿ ಇದೇ ರೀತಿ ಮನುಷ್ಯನ ಹೋಲಿಕೆ ಹೊಂದಿದ್ದ ಮರಿಗೆ ಮೇಕೆಯೊಂದು ಜನ್ಮ ನೀಡಿತ್ತು. ವಿಚಿತ್ರ ಎಂದರೆ ಈ ಮೇಕೆ ಮರಿಗೆ ನಾಲ್ಕು ಕಾಲು ಹಾಗೂ ಕಿವಿಗಳಿತ್ತು ಮತ್ತು ಹಣೆ, ಕಣ್ಣು, ಬಾಯಿ ಮತ್ತು ಗಲ್ಲ ಸೇರಿದಂತೆ ಕೆಲವು ಭಾಗಗಳು ಮನುಷ್ಯನಂತ್ತಿತ್ತು. ಆದರೆ ಆ ಮೇಕೆ ಮರಿ ಜನಿಸಿದ ಹತ್ತು ನಿಮಿಷದ ನಂತರ ಸಾವನ್ನಪ್ಪಿತ್ತು.
