ನಾಯಿಗಳು ಅಂದ ಮೇಲೆ ಅವುಗಳು ಯಾವುದಾದರು ಆಹಾರವನ್ನು ಕಚ್ಚಿಕೊಂಡು ಹೋಗೋದು ಕಾಮನ್. ಅದ್ರಲ್ಲೂ ಪೇಟೆಗಳಲ್ಲಿ ಕಸದ ತೊಟ್ಟಿ ಬಳಿ ಎಸೆದಿರೋ ಆಹಾರವನ್ನು ನಾಯಿಗಳು ತಿನ್ನುವುದನ್ನು ಹೆಚ್ಚಾಗಿ ನೋಡಬಹುದು. ಆದ್ರೆ, ಇಲ್ಲೊಂದು ಕಡೆ ನಾಯಿಯನ್ನು ನೋಡಿದ ಜನಗಳೇ ತಬ್ಬಿಬ್ಬಾಗಿ ಹೋಗಿದ್ದಾರೆ. ಅಷ್ಟಕ್ಕೂ ಆ ನಾಯಿ ಮಾಡಿದ್ದಾದರೂ ಏನೂ ಎಂದು ನೀವೇ ನೋಡಿ..
ಹೌದು. ನಾಯಿಯೊಂದು ಶಿರಚ್ಛೇದಿತ ಮಾನವ ತಲೆಯನ್ನು ತನ್ನ ಬಾಯಿಯಲ್ಲಿ ಕಚ್ಚಿಕೊಂಡು ಬೀದಿಯಲ್ಲೇ ಓಡುತ್ತಿದೆ. ಆ ನಾಯಿಗೆ ಎಲ್ಲೋ ಆ ಮಾನವನ ತಲೆ ದೊರಕಿದ್ದು, ಒಳ್ಳೆಯ ಆಹಾರ ಸೇಫ್ ಜಾಗಕ್ಕೆ ಹಿಡಿದುಕೊಂಡು ಹೋಗಿ ತಿನ್ನಬೇಕು ಎಂದು ಅದರ ಮನಸ್ಥಿತಿ ಇರಬಹುದು. ಆದ್ರೆ, ಆ ನಾಯಿಯ ಬಾಯಿಯಲ್ಲಿದ್ದ ರುಂಡವನ್ನು ನೋಡಿದ ಜನ ಮಾತ್ರ ಬೆಚ್ಚಿ ಬಿದ್ದಿರೋದಂತೂ ನಿಜ.
ಈ ಘಟನೆ ಮೆಕ್ಸಿಕೋದ ಝಕಾಟೆಕಾಸ್ ನಲ್ಲಿ ನಡೆದಿದ್ದು, ಈ ದೃಶ್ಯಾವಳಿಯ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಮಾಧ್ಯಮಗಳ ಪ್ರಕಾರ, ಈ ಘಟನೆ ಕಳೆದ ವಾರ ನಡೆದಿದೆ. ರಾತ್ರಿಯಲ್ಲಿ ಕತ್ತಲೆಯಾದ ಬೀದಿಯಲ್ಲಿ ಮಾನವನ ತಲೆಯನ್ನು ಕಚ್ಚಿಕೊಂಡು ಓಡುವುದನ್ನು ನೋಡಿದ ನಿವಾಸಿಗಳು ಗಾಬರಿಗೊಂಡಿದ್ದಾರೆ.
