ಅಯ್ಯೋ… ಇಂದು ಇನ್ಸ್ಟಾಗ್ರಾಮ್ ರೀಲ್ಸ್ ಹುಚ್ಚು ಇರದವರು ಸಿಗೋದೇ ಕಮ್ಮಿ. ಹೆಚ್ಚಿನವರು ರೀಲ್ಸ್ ಮಾಡೋದ್ರಲ್ಲೇ ಟೈಮ್ ಪಾಸ್ ಮಾಡುತ್ತಾರೆ. ಆದ್ರೆ, ಕೆಲವೊಂದಷ್ಟು ಜನ ಮಾತ್ರ ಈ ರೀಲ್ಸ್ ಗಾಗಿ ತನ್ನ ಜೀವವನ್ನೇ ಪಣಕ್ಕಿಡುತ್ತಾರೆ. ಅದೇ ರೀತಿ ಈ ಹಿಂದೆ ಒಂದು ಹುಡುಗಿ ದನದ ಮುಂದೆಯೇ ನೃತ್ಯ ಮಾಡಿ ಅಟ್ಟಾಡಿಸಿ ಬಂದಿರುವ ವಿಡಿಯೋ ವೈರಲ್ ಆಗಿದ್ದು, ಎಲ್ಲರನ್ನೂ ಬಿದ್ದು-ಬಿದ್ದು ನಗುವಂತೆ ಮಾಡಿತ್ತು.
ಅದರಂತೆ ಇಲ್ಲೊಬ್ಬ ರೀಲ್ಸ್ ಗಾಗಿ ರೈಲನ್ನೇ ಬ್ಯಾಗ್ರೌಂಡ್ ಮಾಡಿಕೊಂಡು ಮತ್ತೆ ಅವನಿಗಾದ ಪರಿಸ್ಥಿತಿ ಎಂತದ್ದು ಗೊತ್ತಾ?..ತೆಲಂಗಾಣದ ವಾರಂಗಲ್ ಮೂಲದ 11ನೇ ತರಗತಿ ವಿದ್ಯಾರ್ಥಿ ಅಜಯ್ ರೈಲು ಹಳಿಯ ಮೇಲೆ ನಿಂತು ಇನ್ಸ್ಟಾಗ್ರಾಂ ರೀಲ್ಸ್ ಮಾಡುವಾಗ, ಹಿಂಬದಿಯಿಂದ ರೈಲು ಡಿಕ್ಕಿ ಹೊಡೆದು ಗಂಭೀರವಾಗಿ ಗಾಯಗೊಂಡಿದ್ದ. ಇದೀಗ ಚಿಕಿತ್ಸೆ ಫಲಿಸದೇ ಸಾವನ್ನಪ್ಪಿದ್ದಾನೆ.
ಅಜಯ್ಗೆ ಚಲಿಸುವ ರೈಲಿನ ಬ್ಯಾಕ್ಗ್ರೌಂಡ್ ಇರುವ ವಿಡಿಯೋ ಬೇಕಾಗಿತ್ತು. ಅದಕ್ಕಾಗಿ ಆತ ವಾರಂಗಲ್ನ ಕಾಜೀಪೇಟ್ ಬಳಿಯಿರುವ ವದ್ದೆಪಲ್ಲಿಯ ರೈಲು ಹಳಿಗಳ ಮೇಲೆ ನಿಂತು, ರೈಲು ಬರುವ ಸಮಯದಲ್ಲಿ ವಿಡಿಯೋ ಮಾಡುವಾಗ, ರೈಲು ಹಿಂದಿನಿಂದ ಬಂದು ಡಿಕ್ಕಿ ಹೊಡೆದಿದೆ.
ಡಿಕ್ಕಿಯ ರಭಸೆಕ್ಕೆ ಅಜಯ್ ಹಾರಿ ಹೋಗಿಬಿದ್ದಿದ್ದಾನೆ. ಗಂಭೀರ ಗಾಯಗೊಂಡಿದ್ದ ಅಜಯ್ನನ್ನು ಆತನ ಪಕ್ಕದಲ್ಲೇ ವಿಡಿಯೋ ಮಾಡುತ್ತಿದ್ದ ಸ್ನೇಹಿತರು ತಕ್ಷಣ ಆಸ್ಪತ್ರೆಗೆ ದಾಖಲಿಸಿದ್ದರು. ಒಟ್ಟಾರೆ, ಈ ರೀಲ್ಸ್ ಹುಚ್ಚು ಯುವಕನ ಪ್ರಾಣವನ್ನೇ ತೆಗೆದಿದೆ.
