ಬೆಳ್ಳಾರೆ: ಉಸಿರಾಟದ ಸಮಸ್ಯೆಯಿಂದ 2 ತಿಂಗಳ ಮಗು ಸಾವು

ಬೆಳ್ಳಾರೆ: ಕಫ ಹಾಗೂ ಉಸಿರಾಟದ ಸಮಸ್ಯೆಯಿಂದ ಬಳಲುತ್ತಿದ್ದ ಎರಡು ತಿಂಗಳ ಹೆಣ್ಣು ಮಗು ಮೃತಪಟ್ಟಿರುವ ಘಟನೆ ಬೆಳ್ಳಾರೆ ಪೊಲೀಸ್‌ ಠಾಣೆಯ ವ್ಯಾಪ್ತಿಯಲ್ಲಿ ಸಂಭವಿಸಿದೆ.

ಕಲ್ಮಡ್ಕ ಗ್ರಾಮದ ಬೊಳಿಯೂರು ಪುರುಷೋತ್ತಮ ಮತ್ತು ಸುಮಿತ್ರಾ ದಂಪತಿಯ 2 ತಿಂಗಳ ಪುತ್ರಿ ಧೃತಿ ಮೃತಪಟ್ಟ ಶಿಶು.

ಮಗುವಿಗೆ ಹುಟ್ಟಿನಿಂದ ಕಫ ಮತ್ತು ಉಸಿರಾಟದ ಸಮಸ್ಯೆಯಿದ್ದು, ಫೆ.13 ರಂದು ಈ ಸಮಸ್ಯೆ ಉಲ್ಭಣಗೊಂಡಿತು. ಕೂಡಲೇ ಸುಳ್ಯದ ಖಾಸಗಿ ಆಸ್ಪತ್ರೆಗೆ ಕರೆದುಕೊಂಡು ಬಂದ ಸಂದರ್ಭದಲ್ಲಿ ವೈದ್ಯರು ಪರೀಕ್ಷೆ ಮಾಡಿದಾಗ ಮಗು ಮೃತಪಟ್ಟಿರುವುದಾಗಿ ತಿಳಿಸಿರುವುದಾಗಿ ವರದಿಯಾಗಿದೆ.

ಬೆಳ್ಳಾರೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.