Cooking Pan :ಆರೋಗ್ಯಕರ ಜೀವನ ಎಂದರೆ ಉತ್ತಮ ಆರೋಗ್ಯ ಮತ್ತು ವಿವೇಕಯುತ ಮನಸ್ಸು. ದೈಹಿಕವಾಗಿ ಮತ್ತು ಮಾನಸಿಕವಾಗಿ ಸದೃಢರಾಗಿರಲು ಬಯಸಿದರೆ, ಪ್ರತಿದಿನ ಉತ್ತಮ ಅಭ್ಯಾಸಗಳನ್ನು ರೂಡಿಸಿಕೊಳ್ಳಬೇಕು. ಪ್ರತಿಯೊಬ್ಬರೂ ಆರೋಗ್ಯಕರ ಜೀವನ ನಡೆಸುವುದು ಮುಖ್ಯ. ಆರೋಗ್ಯವಾಗಿರಲು ಸಾಕಷ್ಟು ಮಾರ್ಗಗಳಿವೆ. ಆರೋಗ್ಯಕರ ಜೀವನಶೈಲಿ ರೋಗಗಳನ್ನು ತಡೆಯುತ್ತದೆ ಮತ್ತು ದೀರ್ಘಕಾಲದ ಕಾಯಿಲೆಗಳಿಂದ ನಿಮ್ಮನ್ನು ದೂರವಿರಿಸುತ್ತದೆ.
ವ್ಯಕ್ತಿಯ ಒಟ್ಟಾರೆ ಆರೋಗ್ಯ ಮತ್ತು ಯೋಗಕ್ಷೇಮವು ಅವನು ಹೇಗೆ ತನ್ನ ಜೀವನವನ್ನು ಆರಿಸಿಕೊಳ್ಳುತ್ತಾನೆ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ಆರೋಗ್ಯವಾಗಿರಲು ಸಾಕಷ್ಟು ವ್ಯಾಯಾಮ, ನಿದ್ರೆ ಮತ್ತು ಸಮತೋಲಿತ ಆಹಾರ ಸೇವನೆ ಬಹಳ ಮುಖ್ಯ. ಹೌದು. ಕೆಲವೊಂದು ಬಾರಿ ನಾವು ಮಾಡುವ ತಪ್ಪು ಕೆಲಸದಿಂದಾಗಿ ಅನೇಕ ಕಾಯಿಲೆಗಳು ಒಕ್ಕರಿಸಿ ಬಿಡುತ್ತದೆ.
ಕೆಲವೊಂದು ಬಾರಿ ನಾವು ಯಾವ ರೀತಿ ಆಹಾರ ಸೇವಿಸುತ್ತೇವೆ ಎಂಬುದು ಕೂಡ ಗಮನಿಸಬೇಕಾಗುತ್ತದೆ. ಕೆಲವೊಂದು ಸಂಪ್ರದಾಯಗಳ ಪ್ರಕಾರ ಆಹಾರವನ್ನು ಈ ರೀತಿ ಸೇವಿಸಬಾರದು ಎಂಬುದು ನಂಬಿಕೆ. ಅಂತದರಲ್ಲಿ ಬಾಣಲೆಯಲ್ಲಿ (Cooking Pan) ತಿನ್ನಬೇಡಿ ಎನ್ನುವುದು ಕೂಡ ಒಂದು. ಹಿಂದಿನ ಕಾಲದಲ್ಲಿ ಯಾರೂ ಬಾಣಲೆಯಲ್ಲಿ ಊಟ ಮಾಡಬಾರದು. ಅವಿವಾಹಿತರು ಬಾಣಲೆಯಲ್ಲಿ ತಿಂದರೆ ಮುಂದೆ ದಾಂಪತ್ಯದಲ್ಲಿ ಬಿರುಕು ಮೂಡುತ್ತದೆ ಮತ್ತು ಮದುವೆಯಾದವರು ಬಡತನ ಎದುರಿಸಬೇಕಾಗುತ್ತದೆ ಎಂದು ಹೇಳಲಾಗುತ್ತಿತ್ತು.
ಇದು ಶುದ್ಧ ಮೂಢನಂಬಿಕೆ ಎಂದು ನಾವು ಭಾವಿಸಬಹುದು. ಆದರೆ ಇದರ ಹಿಂದೆ ವೈಜ್ಞಾನಿಕ ಕಾರಣವೂ ಇದೆ. ಆದರೆ ಇದರ ಹಿಂದಿರುವ ವೈಜ್ಞಾನಿಕ ಕಾರಣವೆಂದರೆ, ಜನರು ಬಾಣಲೆಯಲ್ಲಿ ಆಹಾರ ಸೇವಿಸುವ ತಪ್ಪು ಮಾಡಬಾರದು. ಇದರಿಂದ ಹೊಟ್ಟೆಗೆ ಸಂಬಂಧಿಸಿದ ಕಾಯಿಲೆ ಉಂಟಾಗುತ್ತದೆ.
ಏಕೆಂದರೆ ಬಾಣಲೆಯನ್ನು ತುಂಬಾ ಸ್ವಚ್ಛಗೊಳಿಸಿದ ನಂತರವೂ ಹಿಂದಿನ ದಿನದ ಆಹಾರದ ಕೆಲವು ಕಣಗಳು ಬಾಣಲೆಯಲ್ಲಿ ಉಳಿಯುವ ಸಾಧ್ಯತೆಯಿದೆ. ಆದ್ದರಿಂದ, ಅಂತಹ ಬಾಣಲೆಯಲ್ಲಿ ಆಹಾರವನ್ನು ತಿನ್ನುವುದರಿಂದ, ಅದರಲ್ಲಿ ಉಳಿದಿರುವ ಹಳೆಯ ಭಾಗವು ಹೊಟ್ಟೆಯನ್ನು ಪ್ರವೇಶಿಸಬಹುದು. ಇದರಿಂದಾಗಿ ವ್ಯಕ್ತಿಯು ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಎದುರಿಸಬಹುದು. ಆದ್ದರಿಂದ, ಆಹಾರವನ್ನು ಪ್ಯಾನ್ನಲ್ಲಿ ದೀರ್ಘಕಾಲ ಬಿಡಬಾರದು ಎಂದು ಹೇಳಲಾಗಿದೆ, ಅದನ್ನು ಸಾಧ್ಯವಾದಷ್ಟು ಬೇಗ ತಿನ್ನಬೇಕು ಅಥವಾ ತಟ್ಟೆಯಲ್ಲಿ ತೆಗೆದುಕೊಳ್ಳಬೇಕು. ಇದರಿಂದ ಆರೋಗ್ಯ ಕಾಪಾಡಿಕೊಳ್ಳಬಹುದು.
