ಮಂಗಳೂರು(ನ.10): ಸಣ್ಣಗೆ ಆಗಾಗ ಬೀಳುವ ಮಳೆ, ಮತ್ತು ಗರಿ ಬಿಚ್ಚಿಕೊಂಡ ನವೆಂಬರ್ ತಿಂಗಳಿನ ಚಳಿ ಜತೆ ಸೇರಿದರೆ ಏನಾಗಬಹುದು ಎನ್ನುವುದಕ್ಕೆ ಈ ಘಟನೆ ಉತ್ತರ ನೀಡೀತು.
ಚಳಿಯ ತೊಂದರೆ ಕಮ್ಮಿ ಮಾಡಿಕೊಳ್ಳಲು ಬುರ್ಕಾ ಧರಿಸಿದ ಮುಸ್ಲಿಂ ಯುವತಿಯ ಜತೆ ಯುವಕನೊಬ್ಬನು ಇನ್ನಿಲ್ಲದ ಪ್ರಯತ್ನ ಪಡುತ್ತಿರುವ ದೃಶ್ಯ ಇದೀಗ ಮತ್ತೆ ವೈರಲ್ ಆಗುತ್ತಿದೆ.
ಹೀಗೇ ಸುತ್ತ ಮುತ್ತ ನೋಡಿ, ಯಾರು ಇಲ್ಲ ಎಂದುಕೊಂಡ ರಸಿಕ ಜೋಡಿ, ಸಾರ್ವಜನಿಕ ಪ್ರದೇಶದಲ್ಲಿ ರೋಮ್ಯಾನ್ಸ್ಗೆ ಇಳಿದಿದೆ. ನಿನ್ನೆ ಮಂಗಳೂರಿನ ಫೋರಂ ಮಾಲಿನಲ್ಲಿನ ಅಂತಸ್ತೊಂದರಲ್ಲಿ ಬಾಹು ಬಂಧನ ಮಾಡಿತ್ತು ಆ ಜೋಡಿ. ಅವರ ಸರಸ-ಸಲ್ಲಾಪದ ವಿಡಿಯೋಗಳು ನಿನ್ನೆ ಮಧ್ಯಮಗಳಲ್ಲಿ ಜಹಜ್ಜಾಗೀರಾಗಿದ್ದವು. ಈಗ ಮತ್ತೆ ಅದೇ ಪ್ರಣಯ ಪಕ್ಷಿಗಳ ಇನ್ನೊಂದು ವಿಡಿಯೋ ಹೊರಕ್ಕೆ ಬಂದಿದೆ.
ಅದರಲ್ಲಿ ಲೊಕೇಶನ್ ಶಿಫ್ಟ್ ಆಗಿದೆ. ಮಹಡಿಯಿಂದ ಇಳಿದ ಜೋಡಿಗಳು ಪಾರ್ಕಿಂಗ್ ಜಾಗವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಆತ ಮುಂದುವರೆದಿದ್ದಾನೆ. ಆಕೆ ಸಹಕರಿಸಿದ್ದಾಳೆ. ಮೊದಲು ಸ್ಪರ್ಶ, ನಂತರ ಆಲಿಂಗನ, ಕೊನೆಗೆ ಉನ್ಮತ್ತ ಸ್ಥಿತಿಗೆ ತಲುಪಿದ್ದಾರೆ. ಆ ಅಮಲಿನಲ್ಲಿ ಆತನ ಕುತ್ತಿಗೆಗೆ ಜೋಕಾಲಿಯಾಗಿ ಜೋತು ಬಿದ್ದಿದ್ದಾಳೆ ಹುಡುಗಿ. ಮುತ್ತುಗಳ ವಿನಿಮಯ. ಅಧರದ ಮಧುರ ಧಾರಾಳ. ಮನಸೋ ಇಚ್ಛೆ ಸ್ಮೂಚ್ ಮಾಡಿದ್ದಾರೆ. ಅವರ ರಸ ಗಳಿಗೆಯ ಸಂದರ್ಭದಲ್ಲಿ, ಅವರ ಅದೃಷ್ಟವಶಾತ್ ಯಾರು ಕೂಡಾ ಅತ್ತಕಡೆ ಬಂದಿಲ್ಲ. ಆದರೆ ರಸಿಕ ಸಿಸಿಟಿವಿಯ ಕಣ್ಣುಗಳು ಎಲ್ಲವನ್ನೂ ನೆನಪಿನಲ್ಲಿಟ್ಟುಕೊಂಡು ಇದೀಗ ಊರಿಡೀ ಹಂಚಿದೆ. ಅವರಿಬ್ಬರ ಖಾಸಗಿ ಕ್ಷಣಗಳು ಸಾರ್ವಜನಿಕರ ವೀಕ್ಷಣೆಗೆ, ಅವಹೇಳನಕ್ಕೆ ಗುರಿಯಾಗಿದೆ .
ಎಚ್ಚರ ಮತ್ತು ಸಂಯಮ ತಪ್ಪಿದರೆ ಏನಾಗಬಹುದು ಎನ್ನುವುದಕ್ಕೆ ಇದೆರಡು ವಿಡಿಯೋಗಳೇ ಸಾಕ್ಷಿ. ಕತ್ತಲಲ್ಲಿ ಕೂಡ ಕಣ್ಬಿಟ್ಟು ನೋಡುವ, ರಾತ್ರಿಯಲ್ಲೂ ನಿದ್ರಿಸದ ಎಚ್ಚರದ ಕಣ್ಣುಗಳು ಅವರಿಬ್ಬರ ಮಾನ ಮರ್ಯಾದೆ ಹರಾಜು ಹಾಕಿ ಈಗ ಕಣ್ಣು ಬಿಟ್ಟುಕೊಂಡು ಕೂತಿದೆ.
