Maharastra : ಮಹಿಳೆಯರು ಸ್ನಾನ ಮಾಡುವುದನ್ನು ಕೆಲವು ಕಿಡಿಗೇಡಿಗಳು ವಿಡಿಯೋ ರೆಕಾರ್ಡ್ ಮಾಡಿ, ಅದನ್ನು ಸೋಶಿಯಲ್ ಮೀಡಿಯಾಗಳಲ್ಲಿ ಹರಿಬಿಟ್ಟು ಹಣಕ್ಕೆ ಡಿಮ್ಯಾಂಡ್ ಮಾಡುತ್ತಾರೆ. ಇದೀಗ ಅಂತದ್ದೇ ಒಂದು ವಿಚಿತ್ರ ಪ್ರಕರಣ ಬೆಳಕಿಗೆ ಬಂದಿದೆ. ಆದರೆ ಇಲ್ಲಿ ಕಿಡಿಗೇಡಿ ಕೆಲಸ ಮಾಡಿರುವುದು ಸ್ವಂತ ಗಂಡನೇ ಎಂಬುದು ಆಶ್ಚರ್ಯದ ವಿಚಾರ.
ಯಸ್, ಗಂಡನೊಬ್ಬ ತನ್ನ ಪತ್ನಿ ಸರ್ಕಾರಿ ಉದ್ಯೋಗದಲ್ಲಿ ಇದ್ದಾಳೆ ಎಂದು ಆಕೆಯ ಬಳಿ ಹಣವನ್ನು ಪೀಕಲು ಬಾತ್ರೂಂನಲ್ಲಿ ಮೊಬೈಲ್ ಇಟ್ಟು ಪತ್ನಿಯ ಸ್ನಾನದ ವಿಡಿಯೋಗಳನ್ನು ಸೆರೆ ಹಿಡಿದಿದ್ದಾನೆ. ಬಳಿಕ ಸರ್ಕಾರಿ ಉದ್ಯೋಗದಲ್ಲಿರುವ ಪತ್ನಿಗೆ 1.5 ಲಕ್ಷ ರೂಪಾಯಿಗೆ ಬೇಡಿಕೆ ಇಟ್ಟಿದ್ದಾನೆ. ಬೇಡಿಕೆ ಈಡೇರಿಸದಿದ್ದರೆ ವಿಡಿಯೋ ಲೀಕ್ ಮಾಡುವುದಾಗಿ ಬೆದರಿಸಿದ್ದಾನೆ. ಇದರಿಂದ ಕೆರಳಿದ ಪತ್ನಿ ದೂರು ನೀಡಿದ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ.
ಗಂಡ ಈತ ನೀಚ ಕೃತ್ಯದಲ್ಲಿ ತೊಡಗಿದ್ದರೂ ಕೂಡ ಗಂಡ ಹಾಗೂ ಆತನ ಪೋಷಕರ ಜೊತೆ ಮಾತನಾಡಿ ಸಮಸ್ಯೆ ಪರಿಹರಿಸಲು ಪತ್ನಿ ಮುಂದಾಗಿದ್ದಾಳೆ. ಆದರೆ ಪ್ರಯೋಜನವಾಗಿಲ್ಲ. ಹಣ ಕೊಡದಿದ್ದರೆ ವಿಡಿಯೋ ಸೋಶಿಯಲ್ ಮೀಡಿಯಾ ಮೂಲಕ ಲೀಕ್ ಮಾಡುವುದಾಗಿ ಹೇಳಿದ್ದಾನೆ. ಜೇಮಲ್ ಸೇರಿದಂತೆ ಕೆಲವೆಡೆ ಈ ವಿಡಿಯೋಗಳನ್ನು ಸ್ಟೋರಿ ಮಾಡಿರುವುದಾಗಿ ಎಚ್ಚರಿಸಿದ್ದಾನೆ. ಗಂಡನ ಪರಿಪರಿಯಾಗಿ ಬೇಡಿಕೊಂಡರು 1.5 ಲಕ್ಷ ರೂಪಾಯಿ ಹಣದಲ್ಲಿ ಒಂದು ರೂಪಾಯಿ ಕಡಿಮೆ ಇಲ್ಲ ಎಂದು ಎಚ್ಚರಿಸಿದ್ದಾನೆ. ಬೇಸರದ ಸಂಗತಿ ಏನೆಂದರೆ ಇಲ್ಲಿ ಗಂಡನು ಕೂಡ ಸರ್ಕಾರಿ ಉದ್ಯೋಗಿ. ಇಷ್ಟಾದರೂ ಕೂಡ ಗಂಡ ಪಟ್ಟು ಹಿಡಿದುವುದನ್ನು ನೋಡಿ ಪತ್ನಿ ಬೇರೆ ದಾರಿ ಕಾಣದೆ ಪೊಲೀಸರಿಗೆ ದೂರು ನೀಡಿದ್ದಾಳೆ.
ಗಂಡ ಸರ್ಕಾರಿ ನೌಕರಿಯಲ್ಲಿದ್ದರೂ ಊರು ತುಂಬ ಸಾಲ ಮಾಡಿದ್ದಾನೆ. ಬೆಟ್ಟಿಂಗ್ ಸೇರಿದಂತೆ ಇತರ ಚಟಗಳಿಂದ ಮಾಡಿದ ಸಾಲದಲ್ಲಿ ಮುಳುಗಿದ್ದಾನೆ. ಇತ್ತ ಪತ್ನಿ ವೇತನದಲ್ಲೂ ಮನೆ ನಡೆಯುತ್ತಿದೆ. ಇದರ ನಡುವೆ ಕಾರು ಸಾಲ ಪಾವತಿಸಲು ತವರು ಮನೆಯಿಂದ ಹಣ ತರುವಂತೆ ಪೀಡಿಸಿದ್ದಾನೆ. ವರದಕ್ಷಿಣೆ ರೂಪದಲ್ಲಿ ನಿನ್ನ ಮನೆಯವರು ಏನೂ ನೀಡಿಲ್ಲ. ಮದುವೆಗೂ ಮೊದಲು ಹಲವು ಭರವಸೆ ನೀಡಿದ್ದರು. ಆದರೆ ಇದೀಗ ಕೈತೊಳದೆಕೊಂಡಿದ್ದಾರೆ. ಸದ್ಯ 1.5 ಲಕ್ಷ ರೂಪಾಯಿ ಹಣವನ್ನು ತವರು ಮನೆಯಿಂದ ತರುವಂತೆ ಪೀಡಿಸಿದ್ದಾನೆ. ಮಹಿಳಾ ಉದ್ಯೋಗಿಯ ಪತಿ ವಿರುದ್ಧ ಸೆಕ್ಷನ್ 85 ಹಾಗೂ ಸೆಕ್ಷನ್ 115(2) ರ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.
