3
Gilli Nata: : ಬಿಗ್ ಬಾಸ್ ಕನ್ನಡದ ಪ್ರತಿಯೊಂದು ಸೀಸನ್ ನಲ್ಲೂ ಒಂದೊಂದು ಜೋಡಿ ಫೇಮಸ್ ಆಗುತ್ತಲೇ ಇರುತ್ತದೆ. ಅಂತೆಯೇ ಬಿಗ್ ಬಾಸ್ ಕನ್ನಡ ಸೀಸನ್ 12 ರಲ್ಲಿ ತುಂಬಾ ಹೆಸರು ಮಾಡಿ ಸದ್ದು ಮಾಡಿದ ಜೋಡಿ ಎಂದರೆ ಅದು ಗಿಲ್ಲಿ ಮತ್ತು ಕಾವ್ಯ ಅವರದ್ದು. ಬಿಗ್ ಬಾಸ್ ಮನೆಯಲ್ಲಿರುವಾಗ ಮಾತ್ರವಲ್ಲ ಮನೆಯಿಂದ ಹೊರಬಂದ ಬಳಿಕವೂ ಕೂಡ ಈ ಜೋಡಿ ಸಕ್ಕತ್ ಸದ್ದು ಮಾಡುತ್ತಿದೆ. ಇದೀಗ ಕಾವ್ಯಳನ್ನು ಮದುವೆಯಾಗುವ ಬಗ್ಗೆ ಗಿಲ್ಲಿ ನಟ ಓಪನ್ ಆಗಿ ಹೇಳಿಕೆ ನೀಡಿದ್ದಾರೆ.
ಖಾಸಗಿ ಮಳಿಗೆ ಉದ್ಘಾಟನೆಗಾಗಿ ಗಿಲ್ಲಿ ನಟ (Gilli Nata) ಅವರು ಯಾದಗಿರಿಗೆ ಬಂದಿದ್ದಾರೆ. ಈ ವೇಳೆ ಮದುವೆ ಬಗ್ಗೆ ಪ್ರಶ್ನೆ ಎದುರಾಯಿತು. ಆ ಪ್ರಶ್ನೆಗೆ ಅವರು ನೇರವಾಗಿ ಉತ್ತರ ನೀಡಿದರು. ‘ಕಾವ್ಯಾ ಮತ್ತು ಗಿಲ್ಲಿ ನಟ ಮದುವೆ ಆಗಬಹುದು ಅಂತ ಚರ್ಚೆ ಆಗುತ್ತಿದೆಯಲ್ಲ’ ಅಂತ ಕೇಳಿದ್ದಕ್ಕೆ, ‘ಹಂಗೇನೂ ಇಲ್ಲ, ಆತರ ಎಲ್ಲ ಆಗುವುದಿಲ್ಲ’ ಎಂದು ಗಿಲ್ಲಿ ಅವರು ಉತ್ತರಿಸಿದ್ದಾರೆ.