Belthangady : ಭಾರತ್ ಕೋ- ಆಪರೇಟಿವ್ ಬ್ಯಾಂಕ್ ಮುಂಬೈನ ಬೆಳ್ತಂಗಡಿ ಕಚೇರಿಯನ್ನು ಇದೇ ಮಾರ್ಚ್ 2ನೇ ತಾರೀಖಿನಂದು ಕೇಂದ್ರ ಬ್ಯಾಂಕಿನ ಅಧ್ಯಕ್ಷರು, ಉಪಾಧ್ಯಕ್ಷರು ಉದ್ಘಾಟನೆ ಮಾಡಲಿದ್ದಾರೆ.
ಇದುವರೆಗೆ ಉಜಿರೆ ಬೆಳಾಲು ತಿರುವು ರಸ್ತೆಯ ಬಳಿ ಇದ್ದ ಕಚೇರಿ ಇದೀಗ ಬೆಳ್ತಂಗಡಿ ನಗರದ ಮುಖ್ಯಭಾಗದಲ್ಲಿರುವ ಶ್ರೀ ಗುರುಸಾನಿಧ್ಯ ವಾಣಿಜ್ಯ ಮಳಿಗೆಯ ನೆಲ ಅಂತಸ್ತಿನಲ್ಲಿ ತನ್ನ ಕಾರ್ಯವನ್ನು ಆರಂಭಿಸಲಿದೆ. ಮಾರ್ಚ್ 2ನೇ ತಾರೀಕಿನಂದು ಕಚೇರಿಯು ಅತ್ಯಾಧುನಿಕ ಸೌಲಭ್ಯಗಳೊಂದಿಗೆ ಗ್ರಾಹಕರ ಸೇವೆಗಾಗಿ ತೆರೆದುಕೊಳ್ಳಲಿದೆ.
ಈ ಜನಪ್ರಿಯ ಬ್ಯಾಂಕ್ ವಿದೇಶಿ ವಿನಿಮಯ ವ್ಯವಹಾರಕ್ಕಾಗಿ ಮೌಲ್ಯಯುತ ಗ್ರಾಹಕರಿಗೆ ಅಂತರರಾಷ್ಟ್ರೀಯ ಬ್ಯಾಂಕಿಂಗ್ ಸೇವೆಗಳ ಸಮಗ್ರ ಶ್ರೇಣಿಯನ್ನೂ ಒಳಗೊಂಡಿದೆ. ತನ್ನ ಕಾರ್ಯವೈಕರಿಯಿಂದಾಗಿ ಈಗಾಗಲೇ ಇಲ್ಲೆಡೆ ಪ್ರಸಿದ್ಧಿ ಪಡೆದಿರುವ ಈ ಬ್ಯಾಂಕ್ ಇದುವರೆಗೂ ರಾಜ್ಯ ಮತ್ತು ರಾಷ್ಟ್ರೀಯ ಮಟ್ಟದ ಸಂಸ್ಥೆಗಳಿಗಿದ ೮೦ಕ್ಕೂ ಹೆಚ್ಚು ಪ್ರಶಸ್ತಿಗಳನ್ನು ಪಡೆದುಕೊಂಡಿದೆ.
18000 ಕೋಟಿಗಿಂತ ಹೆಚ್ಚಿನ ವ್ಯವಹಾರ:
ಭಾರತ್ ಕೋ ಆಪರೇಟಿವ್ ಬ್ಯಾಂಕ್ ಲಿಮಿಟೆಡ್ ಸಂಸ್ಥೆಯು ಮಹಾರಾಷ್ಟ್ರ, ಗುಜರಾತ್ ಮತ್ತು ಕರ್ನಾಟಕದಲ್ಲಿ ಬಲವಾದ ಅಸ್ತಿತ್ವವನ್ನು ಹೊಂದಿರುವ ಪ್ರಮುಖ ಬಹು ರಾಜ್ಯ ಸಹಕಾರಿ ಬ್ಯಾಂಕ್ಗಳಲ್ಲಿ ಅಗ್ರಸ್ಥಾನದಲ್ಲಿದೆ. ಹಲವು ದಶಕಗಳಿಂದ ಗ್ರಾಹಕರ ಆರ್ಥಿಕ ಅಗತ್ಯಗಳನ್ನು ಪೂರೈಸಲು ಮತ್ತು ಭಾರತೀಯ ಆರ್ಥಿಕತೆಯ ಬೆಳವಣಿಗೆಗೆ ಕೊಡುಗೆ ನೀಡುತ್ತಿದೆ. ಒಟ್ಟು ೧೮,೦೦೦ ಕೋಟಿಗಿಂತ ಹೆಚ್ಚಿನ ವ್ಯವಹಾರದೊಂದಿಗೆ ಭಾರತ್ ಬ್ಯಾಂಕ್ ಬಲವಾದ ಆರ್ಥಿಕ ಅಡಿಪಾಯವನ್ನು ಪ್ರದರ್ಶಿಸುತ್ತದೆ. ಸರಳೀಕೃತ ಸಾಲ ಪ್ರಕ್ರಿಯೆ ಮತ್ತು ಕಡಿಮೆ ಶುಲ್ಕಗಳು ಗ್ರಾಹಕರ ಮನಗೆದ್ದಿದೆ. ಬ್ಯಾಂಕಿನಲ್ಲಿ ವ್ಯಾಪಾರ ಸಾಲ, ವಸತಿ ಸಾಲ, ಚಿನ್ನದ ಸಾಲ, ಶಿಕ್ಷಣ ಸಾಲ, ವಾಹನ ಸಾಲ ಮತ್ತು ಗ್ರಾಹಕರ ಅಗತ್ಯಗಳಿಗೆ ಸರಿಹೊಂದುವ ಇತರ ಹಣಕಾಸು ವ್ಯವಹಾರಗಳು ಲಭ್ಯವಿದೆ.
ಬ್ಯಾಂಕಿನ ಸೌಲಭ್ಯಗಳು:
ಭಾರತ್ ಬ್ಯಾಂಕ್ನಲ್ಲಿ ರಾಷ್ಟ್ರೀಕೃತ ಬ್ಯಾಂಕ್ಗಳ ಮಾದರಿಯಲ್ಲಿ ಡಿಜಿಟಲ್ ಬ್ಯಾಂಕಿಂಗ್ ಪ್ರಯೋಜನಗಳು, ಕೋರ್ಬ್ಯಾಂಕಿAಗ್ ಸೌಲಭ್ಯ, ರುಪೇ ಡೆಬಿಟ್ ಕಾರ್ಡ್, ಮೊಬೈಲ್ ಬ್ಯಾಂಕಿಂಗ್, ನೆಟ್ಬ್ಯಾಂಕಿಂಗ್ ಸೇವೆಗಳು ಮತ್ತು ಇ-ಸ್ಟೇಟ್ಮೆಂಟ್ಗಳು ಲಭ್ಯವಿದೆ. ಗ್ರಾಹಕರು ಬಯಸಿದಾಗಲೆಲ್ಲಾ ಐಎಮ್ಪಿಎಸ್, ಗೂಗಲ್ ಪೇ- ಪೋನ್ ಪೇ ಇತ್ಯಾದಿಗಳ ಮೂಲಕ ತಕ್ಷಣ ಹಣವನ್ನು ಕಳುಹಿಸಬಹುದು. ಪಿಒಎಸ್ ಟರ್ಮಿನಲ್ಗಳು, ಕ್ಯೂಆರ್ ಕೋಡ್ ಪಾವತಿಗಳೂ ಒಳಗೊಂಡಿದ್ದು ನಗದುರಹಿತ ಪಾವತಿಯನ್ನು ಸುಲಭಗೊಳಿಸುತ್ತವೆ.