Delhi: ಇಂದು ಪ್ರೀತಿ- ಪ್ರೇಮಗಳಿಗೆ ಪೋಷಕರು ವಿರೋಧಿಸುವುದು ಹೆಚ್ಚು. ಕೆಲವೊಮ್ಮೆ ಗೌರವದಿಂದ ಮಕ್ಕಳು ಪೋಷಕರಲ್ಲಿ ತಮ್ಮ ಪ್ರೇಮದ ವಿಚಾರವನ್ನು ಹೇಳಿಕೊಂಡರೂ ಕೂಡ ಅದನ್ನು ನಾನ ಕಾರಣಗಳಿಂದ ಹೆತ್ತವರು ತಳ್ಳಿ ಹಾಕುತ್ತಾರೆ. ಆದರೆ ಎಲ್ಲೂ ಕೆಲವೊಬ್ಬರು ತಮ್ಮ ಮಕ್ಕಳ ಆಸೆಗೆ ಅನುಗುಣವಾಗಿ ನಡೆದುಕೊಳ್ಳುತ್ತಾರೆ. ಇದೀಗ ಅಂತದ್ದೇ ಒಂದು ಬಲು ವಿಚಿತ್ರದ ಘಟನೆ ನಡೆದಿದ್ದು ತಾಯಿ ಒಬ್ಬಳು ಮೆಟ್ರೋ ನಿಲ್ದಾಣದಲ್ಲಿ ತನ್ನ ಮಗನನ್ನು ಗರ್ಲ್ ಫ್ರೆಂಡ್ ಜೊತೆ ನೋಡಿದ್ದಾಳೆ. ನೋಡಿದ ಕ್ಷಣದಲ್ಲೇ ಸ್ಥಳದಲ್ಲೇ ನಿಂತು ಅವರಿಬ್ಬರಿಗೂ ನಿಶ್ಚಿತಾರ್ಥವನ್ನು ಕೂಡ ಮಾಡಿಸಿಬಿಟ್ಟಿದ್ದಾಳೆ.
ಹೌದು, ಮಗನನ್ನು ದೆಹಲಿಯ ಮೆಟ್ರೋ ಸ್ಟೇಷನ್ ನಲ್ಲಿ ನೋಡಿದ ತಾಯಿ ಅಲ್ಲೇ ಯುವ ಜೋಡಿಗೆ ನಿಶ್ಚಿತಾರ್ಥ ಮಾಡಿದ ವಿಡಿಯೋವೊಂದು ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ವೈರಲ್ ಆದ ವಿಡಿಯೋದಲ್ಲಿ ವಯಸ್ಸಿಗೆ ಬಂದ ಮಗ ಮೆಟ್ರೋ ಸ್ಟೇಷನ್ ನಲ್ಲಿ ತನ್ನ ಗರ್ಲ್ ಫ್ರೆಂಡ್ ಜೊತೆಗೆ ಕುಳಿತು ಹರಟೆ ಹೊಡೆಯುತ್ತಿದ್ದ. ಇದನ್ನು ಆತನ ತಾಯಿ ನೋಡಿದ್ದಾರೆ. ತಕ್ಷಣವೇ ಯುವತಿಯ ದುಪಟ್ಟಾವನ್ನೇ ಸೆರಗಿನಂತೆ ತಲೆಗೆ ಹೊದೆಸಿ ಇಬ್ಬರನ್ನೂ ಅಕ್ಕ ಪಕ್ಕ ಕೂರಿಸಿ ಎಂಗೇಜ್ ಮೆಂಟ್ ಶಾಸ್ತ್ರ ಮಾಡಿದ್ದಾರೆ.
ಇನ್ನೂ ತಾಯಿ ಶಾಸ್ತ್ರ ಮಾಡುವಾಗ ಮಗನು, ಅಮ್ಮ ನಿಲ್ಲಿ ಬೇಡ ಇದೆಲ್ಲ ಇಂದು ಬೇಡಿಕೊಳ್ಳುವುದನ್ನು ಕಾಣಬಹುದು. ಇಬ್ಬರಿಗೂ ಸಿಹಿ ತಿನಿಸಿ ತಿಲಕವಿಟ್ಟು ಔಪಚಾರಿಕವಾಗಿ ಎಂಗೇಜ್ ಮೆಂಟ್ ಶಾಸ್ತ್ರ ಮಾಡಿದ್ದಾರೆ. ಅಷ್ಟೇ ಅಲ್ಲದೆ, ಕೊನೆಗೆ ಇಬ್ಬರೂ ಕಾಲಿಗೆ ಬಿದ್ದು ಆಶೀರ್ವಾದ ಪಡೆದಾಗ ಖುಷಿಯಾಗಿರಿ ಎಂದು ಮನಸಾರೆ ಆಶೀರ್ವಾದಿಸಿದ್ದಾರೆ. ಈ ವಿಡಿಯೋ ವೈರಲ್ ಆಗಿದೆ.
