ಚೀನದ 9-9-6 ಕೆಲಸ ನಿಯಮ ನಮಗೆ ಬೇಕು: ವಾರಕ್ಕೆ 70 ಗಂಟೆಯಿಂದ 72 ಕ್ಕೆ ಜಂಪ್ ಆದ ಇನ್ಫೋಸಿಸ್ ಮೂರ್ತಿ

ಹೊಸದಿಲ್ಲಿ: ಭಾರತೀಯರು ವಾರಕ್ಕೆ 70 ಗಂಟೆ ದುಡಿಯಬೇಕು ಎಂದು ಈ ಹಿಂದೆ ಹೇಳಿಕೆ ನೀಡಿ ವ್ಯಾಪಕ ಚರ್ಚೆಗೆ ಮತ್ತು ಟೀಕೆಗೆ ಗುರಿಯಾಗಿದ್ದ ಇನ್ಫೋಸಿಸ್ ಮುಖ್ಯಸ್ಥ ನಾರಾಯಣ್ ಮೂರ್ತಿ, ಮತ್ತೊಮ್ಮೆ ತಮ್ಮ ಹೇಳಿಕೆಗೆ ಬೆಂಬಲವಾಗಿ ಮಾತಾಡಿದ್ದಾರೆ. ಇದೀಗ ಹೇಳಿಕೆ ನೀಡಿರುವ ಅವರು, ಚೀನದ 9-9-6 ಕೆಲಸದ ಸಂಸ್ಕೃತಿಯನ್ನು ಉಲ್ಲೇಖಿಸಿ ದ್ದಾರೆ.

ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ನಾರಾಯಣ ಮೂರ್ತಿ, ಬೆಳಗ್ಗೆ 9ರಿಂದ ರಾತ್ರಿ 9ರವರೆಗೆ ವಾರದ 6 ಗಂಟೆ ದುಡಿವ 9-9-6 ವ್ಯವಸ್ಥೆ ಚೀನದಲ್ಲಿದೆ. ಅಲ್ಲಿನ ಈ ವ್ಯವಸ್ಥೆಯು ವಾರಕ್ಕೆ 72 ಗಂಟೆಯ ದುಡಿಮೆಗೆ ಸಮನಾಗಿರುತ್ತದೆ. ಚೀನ ರಾಷ್ಟ್ರಕ್ಕಿಂತ ಹೆಚ್ಚಿನ ಪ್ರಗತಿ ಸಾಧಿಸಲು ಭಾರತೀಯರು ಈ ವಿಧಾನ ಅನುಸರಿಸಲಿ ಎಂದಿದ್ದಾರೆ. ಅಂದಹಾಗೆ, ಚೀನಾ ಅಳವಡಿಸಿಕೊಂಡಿದ್ದ 9-9-6 ಕೆಲಸದ ನಿಯಮವನ್ನು 2021ರಲ್ಲಿ ಚೀನ ಹಿಂಪಡೆದಿದೆ.