Electric WagonR: ಇಂದು ಇಡೀ ಜಗತ್ತು ಎಲೆಕ್ಟ್ರಿಕ್ ಮಯವಾಗುತ್ತಿದೆ. ಕಾರು, ಬಸ್ಸು, ಬೈಕು, ಸ್ಕೂಟಿಗಳಿಂದ ಹಿಡಿದು ನಾವು ಉಪಯೋಗಿಸುವಂತಹ ಅನೇಕ ಉಪಕರಣಗಳು ಇಂದು ಎಲೆಕ್ಟ್ರಿಕ್ ರೂಪ ಪಡೆದಿದೆ. ಅದರಲ್ಲೂ ಇಂದು ಎಲೆಕ್ಟ್ರಿಕ್ ಕಾರುಗಳಿಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್. ಅಂತೀಯ ಇದೀಗ ಅನೇಕರ ನೆಚ್ಚಿನ ವ್ಯಾಗನಾರ್ ಕಾರು ಎಲೆಕ್ಟ್ರಿಕ್ ರೂಪ ತಾಳಿ ಮಾರುಕಟ್ಟೆಗೆ ಲಗ್ಗೆ ಇಡಲು ಸಜ್ಜಾಗಿದೆ.
ಹೌದು, ಸುಜುಕಿ ತನ್ನ ಎಲೆಕ್ಟ್ರಿಕ್ ವ್ಯಾಗನ್-ಆರ್ ಅನ್ನು ಪರಿಚಯಿಸಲು ಸಜ್ಜಾಗುತ್ತಿದೆ. ಇದನ್ನು ವಿಷನ್ ಇ-ಸ್ಕೈ ಕಾನ್ಸೆಪ್ಟ್ ಆಗಿ ಜಾಗತಿಕ ಮಾರುಕಟ್ಟೆಗಳಿಗೆ ಮುಂದಿನ ಪೀಳಿಗೆಯ ಎಲೆಕ್ಟ್ರಿಕ್ ವ್ಯಾಗನ್ಆರ್ ಆಗಿ ಪರಿಚಯಿಸುವುದಾಗಿ ಹೇಳಲಾಗುತ್ತಿದೆ. ಈ ಕಾರ್ಯ ಏನಾದರೂ ಮಾರುಕಟ್ಟೆಗೆ ಬಂದರೆ ಯಾವ ಖರ್ಚಿಲ್ಲದೆ ನೀವು ಬರೋಬ್ಬರಿ 270 ಕಿಲೋ ಮೀಟರ್ ಕಾರನ್ನು ಓಡಿಸಬಹುದಾಗಿದೆ.
ಅಂದಹಾಗೆ ವಿಷನ್ ಇ-ಸ್ಕೈ ಅನ್ನು 2025 ಜಪಾನ್ ಮೊಬಿಲಿಟಿ ಶೋನಲ್ಲಿ ಅನಾವರಣಗೊಳಿಸಬೇಕಿತ್ತು, ಆದರೆ ಅದಕ್ಕಿಂತ ಮೊದಲೇ ಬಹಿರಂಗಪಡಿಸಲಾಯಿತು. ಇದು ನಗರ ಎಲೆಕ್ಟ್ರಿಕ್ ವಾಹನಗಳಿಗಾಗಿ ಸುಜುಕಿಯ ಹೊಸ ವಿನ್ಯಾಸ ನಿರ್ದೇಶನವನ್ನು ಪ್ರತಿನಿಧಿಸುತ್ತದೆ.
ಇದರ ನಿಖರವಾದ ಎಲೆಕ್ಟ್ರಿಕ್ ಮೋಟಾರ್ ವಿಶೇಷತೆಗಳು ಬಹಿರಂಗವಾಗಿಲ್ಲವಾದರೂ, ವಿಷನ್ ಇ-ಸ್ಕೈ ಪ್ರಮಾಣಿತ ಮತ್ತು ವೇಗದ ಚಾರ್ಜಿಂಗ್ ಸಪೋರ್ಟ್ನೊಂದಿಗೆ ಪ್ರತಿ ಚಾರ್ಜ್ಗೆ 270 ಕಿಮೀ ರೇಂಜ್ ನೀಡುತ್ತದೆ. ಇದು ಟಾಟಾ ಟಿಯಾಗೊ ಇವಿ ಮತ್ತು ಎಂಜಿ ಕಾಮೆಟ್ ಇವಿಯಂತಹ ಪ್ರತಿಸ್ಪರ್ಧಿಗಳ ವಿರುದ್ಧ ದೈನಂದಿನ ನಗರ ಓಟಗಳು, ಶಾಪಿಂಗ್ ಮತ್ತು ಸಣ್ಣ ಪ್ರಯಾಣಗಳಿಗಾಗಿ ಸ್ಪರ್ಧಾತ್ಮಕವಾಗಿ ಇರಿಸುತ್ತದೆ.
ಇನ್ನೂ ಸುಜುಕಿ 2026 ರ ಆರ್ಥಿಕ ವರ್ಷದ ವೇಳೆಗೆ ಉತ್ಪಾದನಾ ಆವೃತ್ತಿಯ ಜಾಗತಿಕ ಬಿಡುಗಡೆಯನ್ನು ನಿರೀಕ್ಷಿಸಲಾಗಿದೆ. ಭಾರತದಲ್ಲಿ, ಕೆ-ಇವಿ ಪ್ಲಾಟ್ಫಾರ್ಮ್ ಅನ್ನು ಆಧರಿಸಿದ ಸ್ಥಳೀಯವಾಗಿ ಅಳವಡಿಸಲಾದ ಮಾರುತಿ ಸುಜುಕಿ (Maruti Suzuki) ಎಲೆಕ್ಟ್ರಿಕ್ ಹ್ಯಾಚ್ಬ್ಯಾಕ್ 2026ರ ಕೊನೆಯಲ್ಲಿ ಅಥವಾ 2027ರ ಆರಂಭದಲ್ಲಿ ಭಾರತದಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.
