Love Jihad: ಮದುವೆ ಮುನ್ನಾದಿನ ಅನ್ಯಧರ್ಮೀಯನೊಂದಿಗೆ ಪರಾರಿಯಾದ ವಧು- ಲವ್‌ ಜಿಹಾದ್‌ ಆರೋಪ

Love Jihad: ಮಧ್ಯಪ್ರದೇಶದ(MP) ಸಾಗರ್ ಜಿಲ್ಲೆಯ ಸನೋಧಾ ಗ್ರಾಮದಲ್ಲಿ ಮುಸ್ಲಿಂ ಯುವಕನೊಬ್ಬ(Muslim) ಹಿಂದೂ(Hindu) ಹುಡುಗಿಯನ್ನು ಆಕೆಯ ಮದುವೆಯ ಮುನ್ನಾದಿನ ಅಪಹರಿಸಿದ್ದರಿಂದ ಎರಡು ಸಮುದಾಯಗಳ ನಡುವೆ ಉದ್ವಿಗ್ನತೆ ಉಂಟಾಗಿದೆ. ಪ್ರತಿಭಟನಾಕಾರರು ಹಲವಾರು ಅಂಗಡಿಗಳನ್ನು ಧ್ವಂಸಗೊಳಿಸಿದ್ದು, “ಇದು ಲವ್ ಜಿಹಾದ್(Love Jihad) ವಿಷಯ” ಎಂದು ಬಿಜೆಪಿ ಶಾಸಕ ಪ್ರದೀಪ್ ಲೌರಿಯಾ ಹೇಳಿದ್ದಾರೆ. ಆ ದಂಪತಿಯನ್ನು ಗ್ವಾಲಿಯರ್‌ನಲ್ಲಿ ಪೊಲೀಸರು ಬಂಧಿಸಿದ್ದು, ಅವರು ಮದುವೆಯಾಗಲು ಓಡಿಹೋಗಿದ್ದರು ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಸಾಗರ್ ಜಿಲ್ಲಾಧಿಕಾರಿ ಸಂದೀಪ್ ಜಿಆರ್ ಪರಿಸ್ಥಿತಿ ಈಗ ನಿಯಂತ್ರಣದಲ್ಲಿದೆ ಎಂದು ಹೇಳಿದರು. ಹೆಚ್ಚಿನ ಅಶಾಂತಿ ಉಂಟಾಗದಂತೆ ತಡೆಯಲು ಆಡಳಿತವು ಹೆಚ್ಚುವರಿ ಪಡೆಗಳನ್ನು ನಿಯೋಜಿಸಿದೆ ಎಂದು ಅವರು ಹೇಳಿದರು.

“ಇಲ್ಲಿ ಕೆಲವು ಜನರು ಜಮಾಯಿಸಿದ್ದ ಘಟನೆಯ ಬಗ್ಗೆ ನಮಗೆ ಕೆಲವು ಮಾಹಿತಿ ಸಿಕ್ಕಿತು. ಸಮಸ್ಯೆಗಳನ್ನು ಪರಿಹರಿಸಲು ಡಿಎಸ್ಪಿ ಮತ್ತು ಎಸ್ಪಿ ಸೇರಿದಂತೆ ನಮ್ಮ ಎಲ್ಲಾ ಪೊಲೀಸ್ ತಂಡಗಳನ್ನು ನಿಯೋಜಿಸಲಾಗಿತ್ತು. ಈಗ, ಕಾನೂನು ಮತ್ತು ಸುವ್ಯವಸ್ಥೆ ನಮ್ಮ ನಿಯಂತ್ರಣದಲ್ಲಿದೆ ಮತ್ತು ಅದಕ್ಕಾಗಿ, ಪೊಲೀಸರು ಮತ್ತು ಭದ್ರತಾ ಪಡೆಗಳನ್ನು ನಿಯೋಜಿಸಲಾಗಿದೆ. ಎಲ್ಲರೂ ಶಾಂತಿಯ ಸಂದೇಶವನ್ನು ಕಳುಹಿಸಬೇಕೆಂದು ನಾನು ವಿನಂತಿಸುತ್ತೇನೆ, ”ಎಂದು ಅವರು ಹೇಳಿದರು.