Sandalwood Benefits: ಶ್ರೀ ಗಂಧದಿಂದ ನಿಮ್ಮ ಮುಖದ ಕಾಂತಿ ಅದ್ಭುತವಾಗಿ ಮಿಂಚುತ್ತೆ!!! ಈ ರೀತಿ ಪೇಸ್ಟ್ ಮಾಡಿ, ಮುಖದ ಅಂದ ಹೆಚ್ಚಿಸಿ!!!

Sandalwood Benefits: ಶ್ರೀಗಂಧದ ನಾಡು ಎಂದರೆ ನಮ್ಮ ಕರ್ನಾಟಕ. ಹೌದು, ಶ್ರೀಗಂಧದ ಉತ್ಪನ್ನಗಳಿಗೆ ನೂರಾರು ವರ್ಷಗಳಿಂದ ಪ್ರಸಿದ್ಧಿ ಯನ್ನು ಕೂಡ ಕರ್ನಾಟಕ ಪಡೆದಿದೆ. ಈ ಮರದ ಸುಗಂಧದ ಕಾರಣದಿಂದಲೇ ಕೆತ್ತನೆಯ ವಸ್ತುಗಳು, ಸೋಪು, ಅಗರಬತ್ತಿ ಮೊದಲಾದ ಉತ್ಪನ್ನಗಳಲ್ಲಿ ಬಳಕೆಯಾಗುತ್ತಿದೆ. ಅದಲ್ಲದೆ ಶ್ರೀಗಂಧವು ಅನೇಕ ಆರೋಗ್ಯ ಗುಣಗಳನ್ನು ಹೊಂದಿದೆ. ಶ್ರೀಗಂಧವನ್ನು ಪುಡಿಯಾಗಿ, ಪೇಸ್ಟ್ ಅಥವಾ ಎಣ್ಣೆ ರೂಪದಲ್ಲಿ ಬಳಸಬಹುದು.

ಅದರಲ್ಲೂ ಶ್ರೀಗಂಧವನ್ನು ಆಯುರ್ವೇದದಲ್ಲಿ ಹೆಚ್ಚಾಗಿ ಬಳಸಲಾಗುತ್ತದೆ. ಮುಖದ ಮೇಲಿನ ಮೊಡವೆಗಳನ್ನು ತಡೆಗಟ್ಟಲು ಮತ್ತು ಹೊಳೆಯುವಂತೆ ಮಾಡಲು ಶ್ರೀಗಂಧವನ್ನು ಬಳಸಲಾಗುತ್ತದೆ. ಇದರ ಜೊತೆಗೆ, ತ್ವಚೆಯ ಸಮಸ್ಯೆಗಳನ್ನು ಹೋಗಲಾಡಿಸಲು ಸಹ ಶ್ರೀಗಂಧವು ಅತ್ಯುತ್ತಮವಾಗಿದೆ (Sandalwood paste). ಈಗ ಶ್ರೀಗಂಧವನ್ನು ಬಳಸುವುದರಿಂದ ಯಾವ ಚರ್ಮದ ಸಮಸ್ಯೆಗಳನ್ನು ನಿವಾರಿಸಬಹುದು ಎಂಬುದನ್ನು ಇಲ್ಲಿ ವಿವರಿಸಲಾಗಿದೆ (Sandalwood Health Benefits).

ಶ್ರೀಗಂಧವು ಚರ್ಮವನ್ನು ಅಲರ್ಜಿಯಿಂದ ರಕ್ಷಿಸುತ್ತದೆ. ಒಂದು ಚಮಚ ಶ್ರೀಗಂಧದ ಎಣ್ಣೆ, ಚಿಟಿಕೆ ಅರಿಶಿನ ಮತ್ತು ಕರ್ಪೂರವನ್ನು ಬೆರೆಸಿ ಫೇಸ್ ಪ್ಯಾಕ್ ಆಗಿ ಹಚ್ಚಿಕೊಳ್ಳಿ. ಇದನ್ನು ರಾತ್ರಿಯಿಡೀ ಬಿಟ್ಟು ಬೆಳಗ್ಗೆ ಬೆಚ್ಚಗಿನ ನೀರಿನಿಂದ ತೊಳೆದರೆ ಮೊಡವೆಗಳು ಮತ್ತು ಕಪ್ಪು ಕಲೆಗಳು ನಿವಾರಣೆಯಾಗುತ್ತವೆ.

ಶ್ರೀಗಂಧವನ್ನು ಜೇನುತುಪ್ಪದ ಜೊತೆ ಬೆರೆಸಿ ಹಚ್ಚಿರಿ. ಇದು ಚರ್ಮದ ಮೇಲಿನ ಕಲೆಗಳು ನಿವಾರಣೆಯಾಗಲು ಸಹಾಯ ಮಾಡುತ್ತದೆ. ಕೈ ಮತ್ತು ಪಾದಗಳ ಮೇಲೂ ಹಚ್ಚಬಹುದು.

ಶ್ರೀಗಂಧವು ತನ್ನ ಎಕ್ಸ್‌ಫೋಲಿಯೇಟಿಂಗ್ ಗುಣಲಕ್ಷಣಗಳಿಂದಾಗಿ ಚರ್ಮವನ್ನು ಹೊಳೆಯುವಂತೆ ಮಾಡುತ್ತದೆ. ಇದು ನಿಮ್ಮ ಚರ್ಮದ ಮೇಲಿನ ಕಪ್ಪು ಕಲೆಗಳನ್ನು ಹೋಗಲಾಡಿಸಲು ಸಹಾಯ ಮಾಡುತ್ತದೆ. ಇದು ಟ್ಯಾನ್ ಅನ್ನು ತೆಗೆದುಹಾಕುವಲ್ಲಿ ಪರಿಣಾಮಕಾರಿಯಾಗಿದೆ. ಒಂದು ಬಟ್ಟಲಿನಲ್ಲಿ ಒಂದು ಚಮಚ ಶ್ರೀಗಂಧದ ಪುಡಿ ಮತ್ತು ತೆಂಗಿನ ಎಣ್ಣೆಯನ್ನು ಮಿಶ್ರಣ ಮಾಡಿ. ಇದನ್ನು ನಿಮ್ಮ ಮುಖಕ್ಕೆ ಹಚ್ಚಿ, ಮಸಾಜ್ ಮಾಡಿ ಮತ್ತು ರಾತ್ರಿಯಿಡೀ ಹಾಗೆಯೇ ಬಿಡಿ. ಕಪ್ಪು ಕಲೆಗಳನ್ನು ಹೋಗಲಾಡಿಸಲು, ಸಾಮಾನ್ಯ ಟ್ಯಾನ್ ಪಡೆಯಲು ಇದನ್ನು ನಿಯಮಿತವಾಗಿ ಬಳಸಿದರೆ ಕಲೆಗಳು ಮಾಯವಾಗುತ್ತವೆ ಮತ್ತು ಮುಖವು ಹೊಳೆಯುತ್ತದೆ.

ಶ್ರೀಗಂಧದಲ್ಲಿ ಆ್ಯಂಟಿಆಕ್ಸಿಡೆಂಟ್ ಹೇರಳವಾಗಿದೆ. ಆದ್ದರಿಂದ 2 ಚಮಚ ಮುಲ್ತಾನಿ ಮಣ್ಣು ಮತ್ತು 2 ಚಮಚ ಶ್ರೀಗಂಧವನ್ನು ಮಿಶ್ರಣ ಮಾಡಿ ಪೇಸ್ಟ್​ ಮಾಡಿಕೊಳ್ಳಿ. ಇದನ್ನು 15-20 ನಿಮಿಷಗಳ ಕಾಲ ಬಿಡಿ ಮತ್ತು ನೀರಿನಿಂದ ತೊಳೆಯಿರಿ. ಇದು ಮುಖದ ಮೇಲೆ ಉಂಟಾಗಿರುವ ಸೂಕ್ಷ್ಮ ರೇಖೆಗಳು, ನೆರಿಗೆಗಳು, ಸುಕ್ಕುಗಳು ಮತ್ತು ಕಣ್ಣುಗಳ ಕೆಳಗೆ ಮೂಡಿರುವ ಕಪ್ಪು ವರ್ತುಲಗಳನ್ನು ಕಡಿಮೆ ಮಾಡಲೂ ಇದು ಉಪಯುಕ್ತವಾಗಿದೆ. ಇದು ಚರ್ಮವನ್ನು ಕಾಂತಿಯುತವಾಗಿ ಮತ್ತು ಯೌವನದಿಂದ ಕೂಡುವಂತೆ ಮಾಡುತ್ತದೆ.

ಇನ್ನು ಶುಷ್ಕ, ಮಂದ ಚರ್ಮದಿಂದ ಕೂಡಿರುವ ಜನರು ಶ್ರೀಗಂಧದ ಫೇಸ್ ಪ್ಯಾಕ್ ಅನ್ನು ಹಚ್ಚುವ ಮೂಲಕ ಶುಷ್ಕ ಮತ್ತು ನಿರ್ಜೀವ ಚರ್ಮವನ್ನು ನಿವಾರಿಸಬಹುದು. ಇದಕ್ಕಾಗಿ ಒಂದು ಬೌಲ್‌ನಲ್ಲಿ ಒಂದು ಚಮಚ ಹಾಲಿನ ಪುಡಿ, ಕೆಲವು ಹನಿ ಶ್ರೀಗಂಧದ ಎಣ್ಣೆ ಮತ್ತು ರೋಸ್ ವಾಟರ್ ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿಕೊಳ್ಳಿ. ಇದನ್ನು 15 ನಿಮಿಷಗಳ ಕಾಲ ಇರಿಸಿ ಮತ್ತು ನೀರಿನಿಂದ ತೊಳೆಯಿರಿ.

ಇನ್ನು ತೇವಯುಕ್ತ ಚರ್ಮವು ಹೊಂದಿದ ಅಂತಹವರಿಗೆ ಶ್ರೀಗಂಧವು ಉತ್ತಮ ಔಷದಿ. ಒಂದು ಬಟ್ಟಲಿನಲ್ಲಿ ಅರ್ಧ ಚಮಚ ಶ್ರೀಗಂಧದ ಪುಡಿ, ಸ್ವಲ್ಪ ಟೊಮೆಟೊ ರಸ, ಅರ್ಧ ಚಮಚ ಮುಲ್ತಾನಿ ಮಣ್ಣು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಈ ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಿ 15 ನಿಮಿಷಗಳ ನಂತರ ಸ್ವಚ್ಛಗೊಳಿಸಿ. ಹೀಗೆ ಮಾಡುವುದರಿಂದ ತ್ವಚೆಯು ಹೊಳೆಯುತ್ತದೆ.

ಇದರ ಹೊರತು ಶ್ರೀಗಂಧದ ಎಣ್ಣೆಯಲ್ಲಿ ಉರಿಯೂತದ ನಿವಾರಣೆ ಗುಣಗಳಿವೆ, ಇದು ಚರ್ಮವನ್ನು ಸೋಂಕಿನಿಂದ ರಕ್ಷಿಸುತ್ತದೆ. ಶ್ರೀಗಂಧದ ಎಣ್ಣೆಯಲ್ಲಿರುವ ಹಿತವಾದ ಗುಣಗಳು ಚರ್ಮದ ಉರಿಯೂತವನ್ನು ನಿವಾರಿಸಲು ಸಹಾಯ ಮಾಡುತ್ತದೆ.

ಅದಲ್ಲದೆ ಶ್ರೀಗಂಧದ ಪರಿಮಳವು ನಿಮ್ಮ ಮನಸ್ಸನ್ನು ಶಾಂತಗೊಳಿಸಲು ಸಹಾಯ ಮಾಡುತ್ತದೆ. ಇದು ನಿಮ್ಮ ಭಾವನೆಗಳನ್ನು ಕೂಡಾ ನಿಯಂತ್ರಣದಲ್ಲಿಡುತ್ತದೆ. ಇದು ಆತಂಕ ಮತ್ತು ಖಿನ್ನತೆಯ ಲಕ್ಷಣಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದರ ಸುವಾಸನೆಯಿಂದ ಉತ್ತಮ ನಿದ್ರೆ ಕೂಡಾ ಬರುತ್ತದೆ.

ಶ್ರೀಗಂಧದ ಎಣ್ಣೆಯು ನಿಮ್ಮ ಬಾಯಿಯಲ್ಲಿ ಕುಳಿಯನ್ನು ಉಂಟುಮಾಡುವ ಬ್ಯಾಕ್ಟೀರಿಯಾ ಬೆಳವಣಿಗೆಯನ್ನು ತಡೆಯಲು ಸಹಾಯ ಮಾಡುತ್ತದೆ. ಇದು ನಿಮ್ಮ ಒಸಡುಗಳನ್ನು ಸಹ ಬಲಪಡಿಸುತ್ತದೆ. ಬಾಯಿಯನ್ನು ಸ್ವಚ್ಛಗೊಳಿಸಲು ಸಹಾಯ ಮಾಡುತ್ತದೆ. ರಕ್ತಸ್ರಾವ ಒಸಡುಗಳು ಮತ್ತು ಬಾಯಿಯಲ್ಲಿ ಸಣ್ಣ ಗಾಯಗಳನ್ನು ಗುಣಪಡಿಸುತ್ತದೆ.

ಶ್ರೀಗಂಧದ ಎಣ್ಣೆಯು ಕೂದಲು ಉದುರುವಿಕೆ ಮತ್ತು ತಲೆಹೊಟ್ಟು ಮುಂತಾದ ಕೂದಲಿನ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡುತ್ತದೆ. ಶ್ರೀಗಂಧದ ಎಣ್ಣೆ ಬಳಸುವುದರಿಂದ ಕೂದಲು ಮೃದು ಮತ್ತು ಆರೋಗ್ಯಕರವಾಗಿರುತ್ತದೆ.

ಆದರೆ ಕೆಲವರಿಗೆ ಶ್ರೀಗಂಧದಿಂದ ತೊಂದರೆ ಉಂಟಾಗಬಹುದು. ಅಲರ್ಜಿಯ ಲಕ್ಷಣಗಳು ಕೆಂಪು, ತುರಿಕೆ ಮತ್ತು ಉರಿಯೂತದ ಪ್ರತಿಕ್ರಿಯೆ ಉಂಟಾಗಬಹುದು . ಶ್ರೀಗಂಧವನ್ನು ಬಳಸಿದ ನಂತರ ನೀವು ಈ ರೋಗಲಕ್ಷಣಗಳನ್ನು ಅನುಭವಿಸಿದರೆ, ಬಳಕೆಯನ್ನು ನಿಲ್ಲಿಸಿ.

ಇದನ್ನೂ ಓದಿ: ಬೆಳಗ್ಗೆ ಎದ್ದ ತಕ್ಷಣ ಈ ಕೆಲಸ ಮಾಡಿದರೆ, ಲಕ್ಷ್ಮಿ ನಿಮಗೊಲಿಯುತ್ತಾಳೆ ಖಂಡಿತ!!