Extra Marital Affair: ಮದುವೆ ನಂತರವೂ ಜಾಸ್ತಿ ಅಫೇರ್ ಇಟ್ಟುಕೊಳ್ಳೋದ್ರಲ್ಲಿ ಮಹಿಳೆಯರೇ ಎತ್ತಿದ ಕೈ! ಸಮೀಕ್ಷೆಯೊಂದರ ಶಾಕಿಂಗ್ ನ್ಯೂಸ್!
Extra Marital Affair: ಸಾಮಾನ್ಯವಾಗಿ ಎಲ್ಲರ ತಲೆಯಲ್ಲೂ ಬೇರೂರಿ ಕೂತಿರುವ ವಿಷಯವೇನಂದ್ರೆ ಸಂಭಂಧಗಳಲ್ಲಿ ಹುಡುಗಿಯರಿಗೆ ಮೋಸಮಾಡೋದ್ರಲ್ಲಿ ಪುರುಷರು ಎತ್ತಿದ ಕೈ. ಅವರ ಮನಸ್ಸು, ದೇಹ ಎಲ್ಲವೂ ಬದಲಾವಣೆಗಳನ್ನ ಬಯಸುತ್ತದೆ. ಹಾಗಾಗಿ ಅವರಿಗೆ ಒಂದಲ್ಲ ಎರಡಲ್ಲ ಅನೇಕ ಸಂಬಂಧ (Extra Marital Affair)ಗಳಿರುತ್ತವೆ. ಅವರು ವಿವಾಹೇತರ ಸಂಬಂಧಗಳಲ್ಲಿ ಹೆಚ್ಚಿನ ಆಸಕ್ತಿ ಹೊಂದಿರುತ್ತಾರೆ. ಅನೇಕ ಸ್ತ್ರೀಯರೊಂದಿಗೆ ಸಂಪರ್ಕ ಹೊಂದಲು ಬಯಸುತ್ತಾರೆ ಅಂತೆಲ್ಲಾ ಹೇಳಲಾಗುತ್ತದೆ. ಆದ್ರೆ ಇದು ಬರೀ ಕಲ್ಪನೆ ಅಂತೆ. ನಿಜ ವಿಚಾರ ಏನು ಗೊತ್ತಾ? ಇದುವರೆಗೂ ನಾವೇನು ಹೇಳಿದ್ವೋ ಅದೆಲ್ಲವನ್ನೂ ಮಾಡೋದು ಮಹಿಳೆಯರೆಯಂತೆ. ಪುರುಷಪುರುಷರಿಗಿಂತಲೂ ಮಹಿಳೆಯರೇ ಹೆಚ್ಚು ಮೋಸ ಮಾಡೋದಂತೆ! ಅರೇ ಇದೇನಪ್ಪ ಹೊಸ ಸುದ್ಧಿ ಅನ್ಕೊಳ್ತಿದ್ದೀರಾ? ಹಾಗಿದ್ರೆ ಈ ಸ್ಟೋರಿ ನೋಡಿ.
ಹೌದು, ಇಲ್ಲೊಂದು ಸಂಶೋಧನೆ ಇದೂವರೆಗೂ ನಾವು ನಂಬಿದ್ದ ವಿಚಾರವನ್ನು ತಲೆಕೆಳಗೆ ಮಾಡಿದೆ. ಜೊತೆಗೆ ಅಸಲಿ ಅಂಶವನ್ನು ಬಯಲು ಮಾಡಿದೆ. ಪಾಪ, ಪುರುಷರು ನಿಜಕ್ಕೂ ಹೆಚ್ಚಾಗಿ ಏಕಪತ್ನಿ ವ್ರತಸ್ಥರಾಗಿತ್ತಾರೆ, ಅವರು ತಮ್ಮ ಸಂಗಾತಿಗೆ ಎಂದಿಗೂ ಮೋಸ ಮಾಡಲು ಬಯಸೋದಿಲ್ಲ ಅಂತ ವಿಜ್ಞಾನ ಹೇಳುತ್ತದೆ. ಮತ್ತೊಂದೆಡೆ, ಮಹಿಳೆಯರು ಲೈಂಗಿಕತೆಯಲ್ಲಿ ಹೆಚ್ಚು ವೈವಿಧ್ಯತೆಯನ್ನು ಬಯಸುತ್ತಾರೆ. ಆದರೆ ಇಂತಹ ಬಯಕೆಗಳು ಉಂಟಾದಾಗ ಅವರು ತಮ್ಮ ಈ ಇಚ್ಛೆಯನ್ನು ಯಾರಿಗೂ ಹೇಳದೆ ಮನಸ್ಸಿನಲ್ಲಿಯೇ ಇಟ್ಟುಕೊಂಡಿರುತ್ತಾರೆ. ಏಕೆಂದರೆ ಅವರು ಇತರರನ್ನು ಸುಲಭವಾಗಿ ನಂಬುವುದಿಲ್ಲ. ಅದರೊಂದಿಗೆ ಭಯ ಬೇರೆ!
ಈ ಕುರಿತಂತೆ ಮಾನವಶಾಸ್ತ್ರಜ್ಞ, ಸಮಾಜಶಾಸ್ತ್ರಜ್ಞ, ಲೈಂಗಿಕ ತಜ್ಞ ಹಾಗೂ ಅನ್ಟ್ರೂ ಎಂಬ ಪುಸ್ತಕದ ಲೇಖಕರೂ ಆದ ಮಾರ್ಟಿನ್ ಇವರು ಈ ಬಗ್ಗೆ ಹೊಸ ಸಂಶೋಧನೆ ನಡೆಸಿದ್ದು ವಿವರವಾದ ವಿವರಣೆ ನೀಡಿದ್ದಾರೆ. ವಾಸ್ತವವಾಗಿ, ವಿವಾಹೇತರ ಸಂಬಂಧಗಳನ್ನು ಹೊಂದಿರುವ ಆರೋಪವನ್ನು ಹೆಚ್ಚಾಗಿ ಪುರುಷರೆಡೆಖೆ ಬೆರಳು ಮಾಡಿ ತೋರಿಸಲಾಗುತ್ತದೆ. ಆದರೆ ಪುರುಷರಿಗಿಂತ ಮಹಿಳೆಯರೇ ಪರ ಪುರುಷರಿಗೆ ಹೆಚ್ಚು ಆಕರ್ಷಿತರಾಗುತ್ತಾರೆ ಎಂದು ಈ ಸಂಶೋಧನೆ, ಸಮೀಕ್ಷೆ ಹೇಳುತ್ತದೆ.
ಯುನೈಟೆಡ್ ಸ್ಟೇಟ್ಸ್ನ ಮಿಸೌರಿ ಸ್ಟೇಟ್ ಯೂನಿವರ್ಸಿಟಿಯ ಸಮಾಜಶಾಸ್ತ್ರದ ಪ್ರಾಧ್ಯಾಪಕರಾದ ಅಲಿಸಿಯಾ ವಾಕರ್ ನೇತೃತ್ವದಲ್ಲಿ 1000 ವಿವಾಹಿತ ಪುರುಷರು ಮತ್ತು ಮಹಿಳೆಯರ ಕುರಿತಂತೆ ಅಧ್ಯಯನ ನಡೆಸಲಾಯಿತು. ಈ ವೇಳೆ ಪುರುಷರಿಗಿಂತ ಮಹಿಳೆಯರು ವಿವಾಹೇತರ ಸಂಬಂಧಗಳನ್ನು ಹೆಚ್ಚು ಆನಂದಿಸುತ್ತಾರೆ ಎಂದು ತಿಳಿದು ಬಂದಿದೆ. ಅಲ್ಲದೆ ಈ ಮಹಿಳೆಯರ ಗುಂಪಿನಲ್ಲಿ ಹೆಚ್ಚಿನ ಸಂಖ್ಯೆಯ ಮಹಿಳೆಯರು ತಾವು ಮೋಸ ಮಾಡಲು ಆಶ್ಲೇ ಮ್ಯಾಡಿಸನ್ ವೆಬ್ಸೈಟ್ ಅನ್ನು ಬಳಸಿರುವುದಾಗಿ ಒಪ್ಪಿಕೊಂಡಿದ್ದಾರೆ!
ಆಶ್ಲೇ ಮ್ಯಾಡಿಸನ್’ ಅವರ ಈ ಸಮೀಕ್ಷೆಯ ವರದಿಯ ಪ್ರಕಾರ, ವೈವಾಹಿಕ ಜೀವನದಲ್ಲಿ ಸಂತೋಷವಾಗಿರದ ಹೆಚ್ಚಿನ ಮಹಿಳೆಯರು ವಿವಾಹೇತರ ಸಂಬಂಧಗಳಲ್ಲಿ ತೊಡಗಿಸಿಕೊಳ್ಳುವ ಸಾಧ್ಯತೆಯಿದೆ. ಈ ಸಂಬಂಧದಲ್ಲಿ ಅವರು ದೇಹವನ್ನು ಬಿಟ್ಟು ಬೇರೇನೂ ಮುಖ್ಯವಲ್ಲ, ಸುಖಿಸುವುದೇ ಒಂದು ಪರಮಾನಂದ ಎಂದು ಭಾವಿಸುತ್ತಾರೆ. ಸಂಗಾತಿಯ ಮನಸ್ಸು ಕೂಡ ಅವರಿಗೆ ಮುಖ್ಯವಾಗುವುದಿಲ್ಲವಂತೆ. ಇಂತಹ ವಿವಾಹಿತ ಮಹಿಳೆಯರಲ್ಲಿ ಪ್ರತಿಯೊಬ್ಬರು ತಮ್ಮ ವಿವಾಹೇತರನಾದ ಸಂಗಾತಿಗೆ, ತಮ್ಮ ಇಷ್ಟ ಮತ್ತು ಕಷ್ಟಗಳನ್ನು ಬಹಿರಂಗವಾಗಿ ತಿಳಿಸುತ್ತಾರಂತೆ!
ಇನ್ನು ಅಧ್ಯಯನದ ಪ್ರಕಾರ, ಹೆಚ್ಚಿನ ಮಹಿಳೆಯರು ತಮ್ಮ ವೈವಾಹಿಕ ಜೀವನದ ಅಪೂರ್ಣತೆ ಮತ್ತು ಹತಾಶೆಯಿಂದ ಈ ರೀತಿಯ ಸಂಬಂಧವನ್ನು ಹೊಂದುತ್ತಾರೆ. ದೈಹಿಕ ಅಸಾಮರ್ಥ್ಯವೂ ಒಂದು ದೊಡ್ಡ ಅಂಶವಾಗಿದೆ. ಆದರೆ ಹೆಚ್ಚಿನ ಮಹಿಳೆಯರು ಈ ಭೂಮ್ಯತೀತ ಸಂಬಂಧಗಳಲ್ಲಿ ವೈಯಕ್ತಿಕ ಸ್ವಾತಂತ್ರ್ಯಕ್ಕೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡುತ್ತಾರೆ. ಪ್ರೊಫೆಸರ್ ವಾಕರ್ ಪ್ರಕಾರ, ಹೆಚ್ಚಿನ ಮಹಿಳೆಯರು ತಮ್ಮ ವೈವಾಹಿಕ ಜೀವನದಲ್ಲಿ ತಮ್ಮ ಸುಪ್ತ ಆಸೆಗಳನ್ನು ಮತ್ತು ತೃಪ್ತಿಕರವಾದ ಆಸೆಗಳನ್ನು ಪೂರೈಸಿಕೊಳ್ಳಲು ವಿವಾಹೇತರ ಸಂಬಂಧಗಳಲ್ಲಿ ತೊಡಗುತ್ತಾರೆ.
ಈ ವಿಚಾರವಾಗಿ, ಮಹಿಳೆಯರು ಏಕೆ ಮೋಸ ಮಾಡುತ್ತಾರೆ, ಯಾಕೆ ಅವರು ಹೆಚ್ಚು ಲೈಂಗಿಕ ಆಸಕ್ತಿ ಪಡೆಯುತ್ತಾರೆ ಎಂಬುದರ ಕುರಿತು ಮಾತನಾಡಿದ ಮಾರ್ಟಿನ್ ‘ಮಹಿಳೆಯರು ಹೆಚ್ಚು ಭಾವನೆಗಳನ್ನು ಹೊಂದಿದ್ದು, ಈ ಭಾವನಾತ್ಮಕ ಕಾರಣಗಳಿಗಾಗಿ ಮೋಸ ಮಾಡುತ್ತಾರೆ. ಮತ್ತು ಮುಖ್ಯ ಕಾರಣವೆಂದರೆ ಅವರ ಸಂಗಾತಿ ಲೈಂಗಿಕತೆಯಲ್ಲಿ ಆಸಕ್ತಿ ಕಳೆದುಕೊಂಡಿರುತ್ತಾರೆ ಅಥವಾ ಕಳೆದುಕೊಳ್ಳುತ್ತಿರುತ್ತಾರೆ. ಆದ್ದರಿಂದ ಹೊಸ ಲೈಂಗಿಕ ಸಂಗಾತಿಗಾಗಿ ಹುಡುಕಾಡುತ್ತಾ ಹೊಸ ಸಂಬಂಧಗಳತ್ತ ಆಕರ್ಷಿತರಾಗುತ್ತಾರೆ ಎಂದು ಅವರು ಹೇಳುತ್ತಾರೆ.
