ಅರೇ, ನಿಮ್ಮ ಅಂಗೈ ಬಣ್ಣ ಕೂಡ ತಿಳಿಸುತ್ತೆಯಂತೆ ಭವಿಷ್ಯ | ಹಾಗಿದ್ರೆ ಇನ್ಯಾಕೆ ತಡ ನಿಮ್ಮ ಕೈ ನೋಡ್ಕೊಂಡು ಓದ್ಕೊಳ್ಳಿ ಈ ವರದಿ!

ಜೀವನ ಎಂಬುದು ಎಷ್ಟು ವಿಚಿತ್ರ ಅಂದ್ರೆ ನಡೆಯುವ ಆಗು-ಹೋಗುಗಳು ಯಾರಿಗೂ ತಿಳಿಯದೆ ನಡೆದು ಹೋಗುತ್ತದೆ. ಆದ್ರೆ, ಕೆಲವೊಂದು ವಿಚಾರಗಳು ಭವಿಷ್ಯವಾಣಿಯ ಮೂಲಕ ಹೊರ ಬರುತ್ತೆಯಾದರೂ ಅದನ್ನು ನಂಬುವವರಿಗೆ ಮಾತ್ರ ಸೀಮಿತವಾಗಿರುತ್ತದೆ. ಯಾಕಂದ್ರೆ, ಕೆಲವೊಂದಷ್ಟು ವಿಷಯಗಳು ಸತ್ಯ ಅನಿಸಿದರೆ, ಇನ್ನೂ ಕೆಲವೊಂದಷ್ಟು ಸಂಗತಿಗಳು ನಂಬಲು ಸ್ವಲ್ಪ ಯೋಚಿಸಬೇಕಾದ ಪರಿಸ್ಥಿತಿಯಾಗಿರುತ್ತದೆ.

ಇವಾಗ ನಾವು ಹೇಳಲು ಹೊರಟಿರುವ ವಿಷಯ ಕೂಡ ಅದೇ ಸಾಲಿಗೆ ಸಂಬಂಧಿಸಿದೆ. ಅದುವೇ ಅಂಗೈ ಭವಿಷ್ಯ. ಹೌದು. ನಿಮ್ಮ ಅಂಗೈ ಬಣ್ಣವನ್ನು ನೋಡಿಯೇ ತಿಳಿದುಕೊಳ್ಳಬಹುದಂತೆ ನಿಮ್ಮ ಜೀವನದ ರಹಸ್ಯ ಸ್ವಭಾವ. ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ, ಅಂಗೈಯು ಬಿಳಿ, ಗುಲಾಬಿ, ಕೆಂಪು, ಹಳದಿ, ನೀಲಿ ಬಣ್ಣಗಳನ್ನು ಹೊಂದಿರುತ್ತದೆ. ಈ ಬಣ್ಣಗಳು ವಿಭಿನ್ನ ಅರ್ಥಗಳನ್ನು ಹೊಂದಿದೆ. ಹಾಗಿದ್ರೆ ಬನ್ನಿ ನಿಮ್ಮ ಅಂಗೈ ಯಾವ ಬಣ್ಣ ಹಾಗೂ ನಿಮ್ಮ ಸ್ವಭಾವ ಎಂತಹದ್ದು ಎಂಬುದನ್ನು ನೋಡಿಕೊಂಡು ಬರೋಣ..

ಗುಲಾಬಿ ಅಂಗೈ ಬಣ್ಣ:
ಶಾಸ್ತ್ರದ ಪ್ರಕಾರ, ಅಂಗೈ ಗುಲಾಬಿ ಬಣ್ಣದಲ್ಲಿದ್ದರೆ ವ್ಯಕ್ತಿಯ ಜೀವನವು ತುಂಬಾ ಸಂತೋಷದಿಂದ ಕೂಡಿರುತ್ತದೆ. ಅಂತಹ ಜನರು ಯಾವಾಗಲೂ ತಮ್ಮ ಜೀವನದಲ್ಲಿ ಯಶಸ್ಸನ್ನು ಪಡೆಯುತ್ತಾರೆ. ಸಮಾಜದಲ್ಲಿ ಮೆಚ್ಚುಗೆಗೆ ಪಾತ್ರರಾಗುತ್ತಾರೆ. ವೃತ್ತಿ ಜೀವನದಲ್ಲಿ ಯಶಸ್ಸು ಕಾಣುವಿರಿ. ಅಂತಹ ಜನರು ತಮ್ಮ ಕ್ಷೇತ್ರಗಳಲ್ಲಿ ಉನ್ನತ ಸ್ಥಾನಮಾನವನ್ನು ಪಡೆಯುವಲ್ಲಿ ಯಶಸ್ವಿಯಾಗುತ್ತಾರೆ. ಸಮಾಜದಲ್ಲಿ ಗೌರವ. ಗುಲಾಬಿ ಅಂಗೈ ಹೊಂದಿರುವ ಜನರು ಚಿಕ್ಕ ವಯಸ್ಸಿನಲ್ಲಿಯೇ ಜನಪ್ರಿಯರಾಗುತ್ತಾರೆ. ತುಂಬಾ ಅದೃಷ್ಟವಂತರು.

ಬಿಳಿ ಅಂಗೈ:
ಹೆಚ್ಚಿನ ಜನರು ಬಿಳಿ ಅಂಗೈಗಳನ್ನು ಹೊಂದಿರುತ್ತಾರೆ. ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ.. ಬಿಳಿ ಅಂಗೈ ಬಣ್ಣ ಹೊಂದಿರುವವರು ಮಾನಸಿಕವಾಗಿ ಮತ್ತು ದೈಹಿಕವಾಗಿ ದುರ್ಬಲರಾಗಿರುತ್ತಾರೆ. ಅಂತಹ ಜನರು ಸ್ವಭಾವತಃ ಬಹಳ ಭಾವನಾತ್ಮಕರು. ಈ ಜನರು ಸ್ನೇಹಪರರಲ್ಲ. ಮೇಲಾಗಿ.. ಯಾವುದಾದರೂ ವಿಷಯ ಅವರ ಮನಸ್ಸಿಗೆ ಬಂದರೆ ಅದನ್ನೇ ಹಲವು ದಿನಗಳಿಂದ ಯೋಚಿಸುತ್ತಲೇ ಇರುತ್ತಾರೆ.

ಅಂಗೈ ಕೆಂಪಾಗಿದ್ದರೆ:
ಹಸ್ತಸಾಮುದ್ರಿಕ ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ.. ಕೆಂಪು ಅಂಗೈ ಹೊಂದಿರುವವರು ತುಂಬಾ ಆತ್ಮವಿಶ್ವಾಸ ಹೊಂದಿರುತ್ತಾರೆ. ಇದಲ್ಲದೆ, ಅವರು ಬಹಳ ದೂರದೃಷ್ಟಿಯುಳ್ಳವರು. ಅವರಿಗೆ ಪ್ರಕೃತಿ ಎಂದರೆ ತುಂಬಾ ಇಷ್ಟ. ಅಂತಹ ಜನರು ಉನ್ನತ ಜೀವನಶೈಲಿಯನ್ನು ನಡೆಸುತ್ತಾರೆ. ಅವರ ಸ್ವಭಾವ ತುಂಬಾ ಧೈರ್ಯಶಾಲಿ, ನಿರ್ಭಯ. ಯಾವುದೇ ಕೆಲಸ ಮಾಡಲು ಹೆದರುವುದಿಲ್ಲ.

ಅಂಗೈ ಹಳದಿಯಾಗಿದ್ದರೆ:
ಹೆಚ್ಚಿನ ಜನರ ಅಂಗೈಗಳು ಹಳದಿ ಅಥವಾ ತಿಳಿ ಕಂದು ಬಣ್ಣದಲ್ಲಿರುತ್ತವೆ. ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ, ಅಂತಹ ಜನರು ಅನಾರೋಗ್ಯಕ್ಕೆ ಒಳಗಾಗುತ್ತಾರೆ. ಇದಲ್ಲದೆ, ಅವರ ಸ್ವಭಾವವು ತುಂಬಾ ಕೆರಳಿಸುತ್ತದೆ. ಕಷ್ಟಪಟ್ಟು ದುಡಿದ ನಂತರವೇ ಹಣ ಗಳಿಸಲು ಸಾಧ್ಯ. ಅದೃಷ್ಟ ವಿರಳವಾಗಿ ಬರುತ್ತದೆ. ಅವರಿಗೆ ಆರ್ಥಿಕ ಸಂಕಷ್ಟ ಎದುರಾಗಲಿದೆ.