‘ವೈದ್ಯೋ ನಾರಾಯಣ ಹರಿ’ ಎಂದು ನಮ್ಮ ಜನರು ವೈದ್ಯರಿಗೆ ದೇವರ ಸ್ಥಾನಮಾನವನ್ನು ನೀಡಿದ್ದಾರೆ. ನಮಗೆ ಎಂತಹ ಗಂಭೀರವಾದ ಕಾಯಿಲೆ ಬಂದರೂ ಟ್ರೀಟ್ ಮೆಂಟ್ ನೀಡುವ ಮೂಲಕ ಮರುಜೀವ ನೀಡುವ ಕಣ್ಣೆದುರಿನ ದೇವರುಗಳು ನಿಜವಾಗಿಯೂ ಈ ವೈದ್ಯರೆ. ಯಾವುದೇ ಸಣ್ಣ ಅಥವಾ ದೊಡ್ಡ ಕಾಯಿಲೆಗೆ ವೈದ್ಯರನ್ನು ಭೇಟಿ ಮಾಡಿದರೆ ಅದಕ್ಕೆ ತಕ್ಷಣ ಪರಿಹಾರ ಸಿಗುತ್ತದೆ.
ಆದರೆ ಕೆಲವು ಬಾರಿ ವೈದ್ಯರು ಕೂಡ ತಪ್ಪುಗಳನ್ನು ಮಾಡುತ್ತಾರೆ, ಇದು ಕೆಲವೊಮ್ಮೆ ಅತ್ಯಂತ ಭಯಾನಕ ಪರಿಣಾಮಗಳನ್ನು ಉಂಟುಮಾಡುತ್ತದೆ. ಇಂತಹ ಪ್ರಕರಣವೊಂದು ಇತ್ತೀಚಿನ ದಿನಗಳಲ್ಲಿ ಚರ್ಚೆಗೆ ಗ್ರಾಸವಾಗಿದ್ದು, ವೈದ್ಯರ ತಪ್ಪು ವ್ಯಕ್ತಿಯೊಬ್ಬನಿಗೆ ಶಾಪವಾಗಿ ಪರಿಣಮಿಸಿದೆ. ವೈದ್ಯರ ತಪ್ಪಿನಿಂದ ಈ ವ್ಯಕ್ತಿ ತನ್ನ ಖಾಸಗಿ ಅಂಗವನ್ನೇ ಕಳೆದುಕೊಳ್ಳುವಂತಾಗಿದೆ. ಹೌದು, ಇದು ನಿಮಗೆ ವಿಚಿತ್ರವೆನಿಸಿದರೂ, ಇದು ತುಂಬಾ ಸತ್ಯ. ಆದರೆ, ವೈದ್ಯರ ತಪ್ಪು ಬೆಳಕಿಗೆ ಬಂದ ನಂತರ ವಿಚಾರಣೆಗೆ ಒಳಪಡಿಸಲಾಗಿದೆ.
ಫ್ರಾನ್ಸ್ ದೇಶದ 30 ವರುಷದ ವ್ಯಕ್ತಿ ಈ ರೀತಿಯ ಸಮಸ್ಯೆಗೆ ಗುರಿಯಾದವರು. ತನಿಖೆಯ ಸಮಯದಲ್ಲಿ ವರದಿಗಳಿಂದ ತಿಳಿದು ಬಂದ ವಿಚಾರವೆಂದರೆ ಅವರು ಕ್ಯಾನ್ಸರ್ ರೀತಿಯ ಕಾರ್ಸಿನೋಮ ಎಂಬ ಕಾಯಿಲೆಯಿಂದ ಬಳಲುತ್ತಿದ್ದಾರೆ ಎಂದು ಕಂಡುಬಂದಿದೆ. ಅವರು 2014 ರಲ್ಲಿ ನಾಂಟೆಸ್ ಯೂನಿವರ್ಸಿಟಿ ಆಸ್ಪತ್ರೆಯಲ್ಲಿ ಕಾಯಿಲೆಗೆ ಚಿಕಿತ್ಸೆ ಪಡೆದರು, ಆದರೆ ವೈದ್ಯರು ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಕೆಲವು ತಪ್ಪುಗಳನ್ನು ಮಾಡಿದ್ದಾರೆ. ಆದ್ದರಿಂದ, ಕ್ಯಾನ್ಸರ್ ವ್ಯಕ್ತಿಯ ಖಾಸಗಿ ಭಾಗಕ್ಕೆ ಹರಡುತ್ತದೆ. ನಂತರ ಅವರು ತುಂಬಾ ನೋವಿನಿಂದ ಬಳಲುತ್ತಿದ್ದರು, ಇದರಿಂದ ತುಂಬಾ ಹಿಂಸೆಯಾಗಿ ಖಾಸಗಿ ಭಾಗವನ್ನು ತೆಗೆದುಹಾಕಲು ಪ್ರಯತ್ನಿಸಿದರು. ಆದರೆ ಆತನ ಪತ್ನಿ ತಡೆದಿದ್ದಾಳೆ
ವೈದ್ಯರ ಪ್ರಕಾರ, ಕೆಲವೇ ತಿಂಗಳುಗಳಲ್ಲಿ ವ್ಯಕ್ತಿಯ ಗಡ್ಡೆಯು ತುಂಬಾ ಬೆಳೆದಿದೆ, ಅವರ ಖಾಸಗಿ ಅಂಗಗಳನ್ನು ತೆಗೆದುಹಾಕುವುದನ್ನು ಬಿಟ್ಟು ಬೇರೆ ದಾರಿಯಿಲ್ಲ. ವೈದ್ಯರು ಆಪರೇಷನ್ ಮಾಡದಿದ್ದರೆ ರೋಗಿ ಸಾಯುತ್ತಿದ್ದನು. ವೈದ್ಯರು ಈ ವ್ಯಕ್ತಿಯ ಅನಾರೋಗ್ಯವನ್ನು ಅರ್ಥಮಾಡಿಕೊಳ್ಳುವಲ್ಲಿ ತಪ್ಪು ಮಾಡಿದ್ದಾರೆ ಎಂದು ಅರಿವಾಗಿದೆ. ಆದರೆ, ಅಷ್ಟರೊಳಗೆ ವ್ಯಕ್ತಿಯ ಖಾಸಗಿ ಅಂಗ ದೇಹದಿಂದ ಬೇರ್ಪಟ್ಟಿತ್ತು.
ಪ್ರಕರಣ ನ್ಯಾಯಾಲಯದ ಮೆಟ್ಟಿಲೇರಿದ್ದು, ಇದೀಗ ನ್ಯಾಯಾಲಯ ಸಂತ್ರಸ್ತರಿಗೆ 54 ಲಕ್ಷ ರೂಪಾಯಿ ಪರಿಹಾರ ನೀಡುವಂತೆ ಆಸ್ಪತ್ರೆಗೆ ಆದೇಶಿಸಿದೆ. ಸ್ಥಳೀಯ ರಾಗ್ ವೆಬ್‌ಸೈಟ್ ಫ್ರೆಂಚ್ ಬ್ಲೂ ಜೊತೆ ಮಾತನಾಡಿದ ಸಂತ್ರಸ್ತರು, ಇನ್ನುಮುಂದೆ ನಾನು ಚಿಕಿತ್ಸೆಯ ಹೆಸರಿನಲ್ಲಿ ಅಪಾಯಕಾರಿ ವಿಧಾನಗಳನ್ನು ಅನುಸರಿಸುವ ವೈದ್ಯರನ್ನು ದ್ವೇಷಿಸುತ್ತೇನೆ. ನಾನು ಹೇಳಿದ ಒಂದು ಮಾತನ್ನೂ ಕೇಳಲು ಅವರು ಸಿದ್ಧರಿರಲಿಲ್ಲ. ನೀವೂ ಕೂಡ ಆಸ್ಪತ್ರೆಗೆ ಹೋದ ಸಮಯದಲ್ಲಿ ಜಾಗರೂಕರಾಗಿರಿ’ ಎಂದು ಹೇಳಿದ್ದಾರೆ.
ನೀವು ಕೂಡ ಕಾರಣಾಂತರಗಳಿಂದ, ಯಾವುದಾದರೂ ಆರೋಗ್ಯ ಸಮಸ್ಯೆಗಳಿಗೆ ಆಸ್ಪತ್ರೆಗೆ ಹೋದಾಗ ಆದಷ್ಟೂ ಜಾಗರೂಕರಾಗಿರಬೇಕು. ವೈದ್ಯರು ಹೇಳುವ ಚಿಕಿತ್ಸೆಯ ಕುರಿತು ನಾವೂ ಗಮನಹರಿಸಿ ನಂತರ ಅದನ್ನು ಪಡೆಯೋಣ.
