Agra: ಮಗು ಬೆಳ್ಳಗಿದೆ, ಅಮ್ಮ ಕಪ್ಪಾಗಿದ್ದಾಳೆ ಎಂದು ಮಹಿಳೆ ಮೇಲೆ ಕಿಡ್ನಾಪ್ ಆರೋಪ – ಪ್ರೂಫ್ ತೋರಿಸಿ ಬಚಾವ್ ಆದ ಲೇಡಿ

Agra: ದೆಹಲಿಯ ಆಗ್ರಾದ ಸರಾಫಾ ಮಾರುಕಟ್ಟೆಯಲ್ಲಿ ಮಹಿಳೆಯೊಬ್ಬಳು ಭಿಕ್ಷೆ ಬೇಡುತ್ತಿದ್ದಳು. ಅವಳ ಜೊತೆ ಮಗು ಕೂಡ ಇತ್ತು. ಆದರೆ ಮಗು ಬೆಳ್ಳಗಿದ್ದು, ತಾಯಿ ಕಪ್ಪಾಗಿದ್ದಳು. ಇದನ್ನು ಗಮನಿಸಿದ ಸಾರ್ವಜನಿಕರು ಮಹಿಳೆಯು ಆ ಮಗುವನ್ನು ಕಿಡ್ನಾಪ್ ಮಾಡಿದ್ದಾಳೆ ಎಂದು ಆರೋಪಹರಿಸಿದ್ದಾರೆ. ಪುಣ್ಯಕ್ಕೆ ಆ ತಾಯಿಯ ಬಳಿ ಇಲ್ಲದ ದಾಖಲೆಗಳು ಇದ್ದು ಅವುಗಳನ್ನು ತೋರಿಸಿ ತಾನೇ ಆ ಮಗುವಿನ ನಿಜವಾದ ತಾಯಿ ಎಂದು ಆಕೆ ಪ್ರೂವ್ ಮಾಡಿದ್ದಾಳೆ. ಈ ಕುರಿತಾದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಹೌದು, ಗುರುವಾರ ಸಂಜೆ ಸುಮಾರು 6 ಗಂಟೆಯ ಸುಮಾರಿಗೆ ಮಹಿಳೆಯೊಬ್ಬರು ಮಗುವನ್ನು ಎತ್ತಿಕೊಂಡು ಮಾರುಕಟ್ಟೆಯಲ್ಲಿ ತಿನ್ನಲು ಆಹಾರ ನೀಡುವಂತೆ ಕೇಳುತ್ತಿದ್ದರು. ಆದರೆ, ಆ ಮಹಿಳೆಯ ಮೈಬಣ್ಣಕ್ಕೂ ಆಕೆ ಎತ್ತಿಕೊಂಡಿದ್ದ ಮಗುವಿನ ಅತ್ಯಂತ ಬಿಳಿ ಬಣ್ಣಕ್ಕೂ ಅಜಗಜಾಂತರ ವ್ಯತ್ಯಾಸವಿತ್ತು.  ಇದನ್ನು ಗಮನಿಸಿದ ಸ್ಥಳೀಯರು ಇದು ಅಪಹರಣದ ಕೇಸ್ ಎಂದು ಬಿಂಬಿಸಿ ವಿಡಿಯೋ ಮಾಡಿ ಪೊಲೀಸರಿಗೆ ತಲುಪುವಂತೆ ಹರಿಬಿಟ್ಟರು. ಮಾರುಕಟ್ಟೆಯ ನಮಕ್ ಕಿ ಮಂಡಿ ಪ್ರದೇಶದಲ್ಲಿ ನಡೆದ ಈ ಹೈಡ್ರಾಮಾದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದ್ದು, ಜನರಲ್ಲಿ ತೀವ್ರ ಆತಂಕ ಮೂಡಿಸಿತ್ತು. 

ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ಎಚ್ಚೆತ್ತ ಪೊಲೀಸರು ಮಹಿಳೆಯನ್ನು ಪತ್ತೆಹಚ್ಚಿ ವಿಚಾರಣೆ ನಡೆಸಿದರು. ಈ ವೇಳೆ ಅಸಲಿ ವಿಷಯ ಬೆಳಕಿಗೆ ಬಂದಿದೆ. ಮಹಿಳೆಯು ಎಸ್‌ಎನ್ ವೈದ್ಯಕೀಯ ಕಾಲೇಜಿನ ಬಳಿಯ ಗುಡಿಸಲಿನಲ್ಲಿ ವಾಸವಿದ್ದು, ಆಕೆಯ ಪತಿ ದಿನಗೂಲಿ ಕಾರ್ಮಿಕನಾಗಿದ್ದಾನೆ. ಈ ದಂಪತಿಗೆ ಒಟ್ಟು ನಾಲ್ವರು ಮಕ್ಕಳಿದ್ದು, ಈ ಮಗು ಕೂಡ ಆಕೆಯದ್ದೇ ಎಂದು ಮಹಿಳೆ ತಿಳಿಸಿದ್ದಾಳೆ. ನಂತರ ಪೊಲೀಸರು ಮಗುವಿನ ಬರ್ತ್ ಸರ್ಟಿಫಿಕೇಟ್ ಎಲ್ಲವನ್ನು ಪರಿಶೀಲಿಸಿದ ಬಳಿಕ ಮಗು ಆಕೆಯದ್ದೆ ಎಂಬುದನ್ನು ಮನಗಂಡಿದ್ದಾರೆ. ಬಳಿಕ ಮಹಿಳೆಯನ್ನು ಕಳುಹಿಸಿಕೊಟ್ಟಿದ್ದಾರೆ.