Car Suspension: ಡ್ರೈವಿಂಗ್ ಮಾಡುವಾಗ ಈ ವಿಚಾರಗಳು ಸದಾ ನೆನಪಲ್ಲಿರಲಿ – ಕಾರಿನ ಸಸ್ಪೆನ್ಷನ್ ಹಾಳಾಗಲು ಇದುವೇ ಕಾರಣ !!

Car Suspension: ಯಾವುದೇ ಕಾರಿನಲ್ಲಾದರೂ ಸಸ್ಪೆನ್ಷನ್ (Car Suspension) ತುಂಬಾ ಇಂಪಾರ್ಟೆಂಟ್. ಆರಾಮದಾಯಕ ಪ್ರಯಾಣಕ್ಕೆ ಇದು ಬಹಳ ಮುಖ್ಯ. ಇದು ಕಾರನ್ನು ಆಘಾತಗಳು ಮತ್ತು ಗುಂಡಿಗಳಿಂದ ರಕ್ಷಿಸುತ್ತದೆ. ಇದರಿಂದ ಪ್ರಯಾಣಿಕರಿಗೆ ಯಾವುದೇ ತೊಂದರೆಯಾಗದೆ ಆರಾಮದಾಯಕವೆನಿಸುತ್ತದೆ. ಹೀಗಾಗಿ ಇದು ಹಾಳಾಗದಂತೆ ನೀವು ಸದಾ ಜಾಗ್ರತೆ ವಹಿಸಬೇಕು. ಆದ್ರೂ ಒಮ್ಮೊಮ್ಮೆ ಇವು ಹಾಳಾಗಿಬಿಡುತ್ತವೆ. ಹಾಗಾದ್ರೆ ಕಾರಿನ ಸಸ್ಪೆನ್ಷನ್ ಹಾನಿಗೊಳಗಾಗಲು ಕಾರಣಗಳೇನು ಮತ್ತು ನೀವು ಅದನ್ನು ಹೇಗೆ ರಕ್ಷಿಸುವುದು ಎಂಬುದನ್ನು ತಿಳಿಯೋಣ ಬನ್ನಿ.

ಓವರ್‌ಲೋಡ್ ಮಾಡಬೇಡಿ

ಓವರ್‌ಲೋಡ್ ಮಾಡುವುದರಿಂದ ವಾಹನದ ಶಾಕ್ ಅಬ್ಸಾರ್ಬರ್‌ಗಳು ಮತ್ತು ಸ್ಪ್ರಿಂಗ್‌ಗಳ ಮೇಲೆ ಹೆಚ್ಚುವರಿ ಒತ್ತಡ ಉಂಟಾಗುತ್ತದೆ, ನಿಮ್ಮ ಕಾರಿನ ಸಾಮರ್ಥ್ಯಕ್ಕಿಂತ ಹೆಚ್ಚಿನ ತೂಕವನ್ನು ಲೋಡ್ ಮಾಡಿದರೆ, ಅದು ಸಸ್ಪೆನ್ಷನ್‌ಗೆ ಹಾನಿಕಾರಕವಾಗಿದೆಂ ಇದು ಅವು ಮುರಿಯಲು ಅಥವಾ ಅಕಾಲಿಕವಾಗಿ ಸವೆಯಲು ಕಾರಣವಾಗಬಹುದು.

ಕೆಟ್ಟ ರಸ್ತೆಗಳಲ್ಲಿ ಹೆಚ್ಚಿನ ವೇಗದಲ್ಲಿ ಚಾಲನೆ ಮಾಡುವುದು

ಗುಂಡಿ ಇರುವಂತಹ ರಸ್ತೆಗಳಲ್ಲಿ ಕಾರು ಚಾಲನೆ ಮಾಡುವಾಗ ವಿಶೇಷ ಕಾಳಜಿ ವಹಿಸಬೇಕು. ನೀವು ಈ ರಸ್ತೆಗಳಲ್ಲಿ ವೇಗವಾಗಿ ಚಾಲನೆ ಮಾಡಿದರೆ, ಸಸ್ಪೆನ್ಷನ್ ವ್ಯವಸ್ಥೆಯ ಮೇಲೆ ಹೆಚ್ಚಿನ ಒತ್ತಡ ಬೀಳುತ್ತದೆ. ಇದು ಶಾಕ್ ಅಬ್ಸಾರ್ಬರ್‌ಗಳು, ಸ್ಪ್ರಿಂಗ್‌ಗಳು ಮತ್ತು ಬುಶಿಂಗ್‌ಗಳನ್ನು ತ್ವರಿತವಾಗಿ ಹಾನಿಗೊಳಿಸುತ್ತದೆ. ಆದ್ದರಿಂದ ಯಾವಾಗಲೂ ಕೆಟ್ಟ ರಸ್ತೆಗಳಲ್ಲಿ ನಿಧಾನವಾಗಿ ಚಾಲನೆ ಮಾಡಿ ಮತ್ತು ಆದಷ್ಟು ಗುಂಡಿಗಳನ್ನು ತಪ್ಪಿಸಲು ಪ್ರಯತ್ನಿಸಿ.

ಹಳೆಯ ಮತ್ತು ಸವೆದ ಸಸ್ಪೆನ್ಷನ್ ಭಾಗಗಳು

ಕಾರಿನ ಇತರ ಭಾಗಗಳಂತೆ, ಸಸ್ಪೆನ್ಷನ್ ಭಾಗಗಳು ಸಹ ಕಾಲಾನಂತರದಲ್ಲಿ ಸವೆದುಹೋಗುತ್ತವೆ ಮತ್ತು ಅವುಗಳ ಕಾರ್ಯಕ್ಷಮತೆ ಕಡಿಮೆಯಾಗುತ್ತದೆ. ಬುಶಿಂಗ್‌ಗಳು, ಬಾಲ್ ಜಾಯಿಂಟ್‌ಗಳು ಮತ್ತು ಶಾಕ್ ಅಬ್ಸಾರ್ಬರ್‌ಗಳಂತಹ ಭಾಗಗಳು ಕ್ರಮೇಣ ಸವೆದುಹೋಗಬಹುದು. ನೀವು ಈ ಸವೆದುಹೋದ ಭಾಗಗಳನ್ನು ಸಮಯಕ್ಕೆ ಬದಲಾಯಿಸದಿದ್ದರೆ, ಅವು ಇತರ ಭಾಗಗಳಿಗೂ ಹಾನಿಯಾಗಬಹುದು, ಇದು ರಿಪೇರಿ ವೆಚ್ಚವನ್ನು ಹೆಚ್ಚಿಸಬಹುದು.

ಕೆಟ್ಟ ಟೈರ್ ಮತ್ತು ಚಕ್ರ ಜೋಡಣೆ

ಟೈರ್‌ಗಳು ಮತ್ತು ಚಕ್ರಗಳು ನೇರವಾಗಿ ಸಸ್ಪೆನ್ಷನ್‌ಗೆ ಸಂಪರ್ಕ ಹೊಂದಿವೆ. ನಿಮ್ಮ ಟೈರ್‌ಗಳು ಕಡಿಮೆ ಗಾಳಿ ತುಂಬಿದ್ದರೆ ಅಥವಾ ಸವೆದಿದ್ದರೆ, ಸಸ್ಪೆನ್ಷನ್ ಹೆಚ್ಚು ಕೆಲಸ ಮಾಡಬೇಕಾಗುತ್ತದೆ. ಅದೇ ರೀತಿ, ಚಕ್ರಗಳ ಜೋಡಣೆ ಸರಿಯಾಗಿಲ್ಲದಿದ್ದರೆ, ಒಂದು ಬದಿಯಲ್ಲಿ ಹೆಚ್ಚಿನ ಒತ್ತಡವಿರಬಹುದು, ಇದರಿಂದಾಗಿ ಸಸ್ಪೆನ್ಷನ್ ಭಾಗಗಳು ಬೇಗನೆ ಸವೆಯುತ್ತವೆ. ಟೈರ್‌ಗಳಲ್ಲಿನ ಗಾಳಿ ಮತ್ತು ಚಕ್ರಗಳ ಜೋಡಣೆಯನ್ನು ನಿಯಮಿತವಾಗಿ ಪರಿಶೀಲಿಸುವುದನ್ನು ಖಚಿತಪಡಿಸಿಕೊಳ್ಳಿ.