Period Leave: ಮುಟ್ಟಿನ ರಜೆ ಬೇಕೆಂದ ವಿದ್ಯಾರ್ಥಿನಿಗೆ ಪ್ಯಾಂಟ್ ಜಾರಿಸಿ ತೋರಿಸಲು ಹೇಳಿದ ಕಾಲೇಜು!

Period Leave: ರಜೆ ಕೇಳುವಾಗ ಸಾಮಾನ್ಯವಾಗಿ ಕಾರಣ ಹೇಳೋದು, ಅಥವಾ ಕಾರಣ ಕೇಳೋದು ಸಹಜ. ಅಲ್ಲೊಂದು ಕಡೆ ಹುಡುಗಿಯೊಬ್ಬಳು ರಜೆ ಕೇಳಿದ್ದಾಳೆ. ಯಾಕಮ್ಮ ರಜೆ ಅಂದ್ರೆ, ‘ಪೀರಿಯಡ್ ಸರ್. ಪೀರಿಯಡ್ ಲೀವ್ ಕೊಡಿ’ ಅಂದಿದ್ದಾಳೆ. ಅಷ್ಟಕ್ಕೇ ಅಲ್ಲಿನ ವಿಶ್ವ ವಿದ್ಯಾಲಯದವರು ಪ್ರೂಫ್ ತೋರ್ಸಿ ಅಂದಿದ್ದಾರೆ. ಅಷ್ಟೇ ಅಲ್ಲ, ಪ್ರೂಫ್ ಆಗಿ ಪ್ಯಾಂಟ್ ಜಾರಿಸಿ ತೋರಿಸು ಅಂದಿದ್ದು, ರಜ ಕೇಳಿದ ಹುಡುಗಿ ಬೆಚ್ಚಿ ಹೋಗಿದ್ದಾಳೆ
ಚೀನಾದ ಬೀಜಿಂಗ್ ತಂತ್ರಜ್ಞಾನ ವಿಶ್ವವಿದ್ಯಾಲಯದ ಗೆಂಗ್ಲಾನ್ ಇನ್ಸಿಟ್ಯೂಟ್ ನಲ್ಲಿ ನಡೆದ ಈ ಘಟನೆಯು ಇದೀಗ ತೀಕ್ಷ್ಣ ಆಕ್ರೋಶಕ್ಕೆ ಕಾರಣವಾಗಿದೆ.

ಪುತ್ತೂರು: ಯುವಕನ ಮೇಲೆ ಬಿಯರ್‌ ಬಾಟಲಿಯಿಂದ ಹಲ್ಲೆ

ಗೆಂಗ್ಲಾನ್ ಇನ್ಸಿಟ್ಯೂಟ್ಟ ಮಹಿಳಾ ವಿದ್ಯಾರ್ಥಿನಿಯೊಬ್ಬಳು ಮೇ. 15 ರಂದು ಈಗ ವೈರಲ್ ಆಗಿರುವ ವೀಡಿಯೊವನ್ನು ಪೋಸ್ಟ್ ಮಾಡಿದ್ದಾಳೆ, ಮುಟ್ಟಿನ ನೋವಿನಿಂದಾಗಿ ಅನಾರೋಗ್ಯ ರಜೆಗೆ ಅರ್ಜಿ ಸಲ್ಲಿಸಿದ ನಂತರ ವಿಶ್ವವಿದ್ಯಾಲಯದ ಚಿಕಿತ್ಸಾಲಯದಲ್ಲಿ ಬಟ್ಟೆ ಬಿಚ್ಚುವಂತೆ ಕೇಳಲಾಗಿದೆ. “ಹಾಗಾದರೆ ನೀವು ಹೇಳುತ್ತಿರುವುದು, ಮುಟ್ಟಿನ ಸಮಯದಲ್ಲಿ ಪ್ರತಿಯೊಬ್ಬ ಮಹಿಳೆಯೂ ತನ್ನ ಪ್ಯಾಂಟ್ ತೆಗೆದು ನಿಮಗೆ ತೋರಿಸಬೇಕು?” ಎಂದು ವಿದ್ಯಾರ್ಥಿನಿ ಕೇಳುತ್ತಿರುವುದು ವೀಡಿಯೊದಲ್ಲಿ ಕೇಳಿಬರುತ್ತಿದೆ. ಆಗ ಆಲ್ಲಿನ ಸಿಬ್ಬಂದಿಯೊಬ್ಬರು “ಹೌದು. ಇದು ನನ್ನ ನಿಯಮವಲ್ಲ, ಇದು ಒಂದು ಸಂಸ್ಥೆಯ ನಿಯಮ” ಎಂದು ಉತ್ತರಿಸಿದ್ದಾರೆ ಎಂದು ಆರೋಪಿಸಲಾಗಿದೆ. ನಂತರ ವಿದ್ಯಾರ್ಥಿನಿ ನಿಯಮದ ಲಿಖಿತ ಪುರಾವೆಯನ್ನು ಕೇಳಿದಾಗ, ಅದನ್ನು ಕೊಡಲು ನಿರಾಕರಿಸಲಾಯಿತು ಎಂದು ವರದಿಯಾಗಿದೆ.

ಮರು ದಿನ, ಮೇ 16 ರಂದು, ಗೆಂಗ್ಟನ್ ಸಂಸ್ಥೆಯು ಕ್ಲಿನಿಕ್ ಕಾರ್ಮಿಕರ ಪರವಾಗಿ ಪತ್ರಿಕಾ ಪ್ರಕಟಣೆ ಬಿಡುಗಡೆ ಮಾಡಿ ” ಸಂಸ್ಥೆಯ ಸಿಬ್ಬಂದಿ ಪ್ರಮಾಣಿತ ಕಾರ್ಯವಿಧಾನಗಳನ್ನು ಅನುಸರಿಸಿದ್ದಾರೆ” ಎಂದು ಹೇಳಿತು. “ಕ್ಲಿನಿಕ್ ಸಿಬ್ಬಂದಿ ಶಿಷ್ಟಾಚಾರಗಳನ್ನು ಪಾಲಿಸಿದ್ದಾರೆ” ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ ” ಸಿಬ್ಬಂದಿಗಳು ವಿದ್ಯಾರ್ಥಿನಿಯ ದೈಹಿಕ ಸ್ಥಿತಿಯ ಬಗ್ಗೆ ವಿಚಾರಿಸುವಲ್ಲಿ ಯಶಸ್ವಿಯಾದರು ಮತ್ತು ಆಕೆಯ ಒಪ್ಪಿಗೆಯೊಂದಿಗೆ ಹೆಚ್ಚಿನ ರೋಗನಿರ್ಣಯ ಮಾಡಲು ಮುಂದಾದರು. ಯಾವುದೇ ಪರೀಕ್ಷಾ ಉಪಕರಣಗಳು ಅಥವಾ ದೈಹಿಕ ಪರೀಕ್ಷೆಗಳನ್ನು ಬಳಸಲಾಗಿಲ್ಲ ಎಂದು ಸಂಸ್ಧೆ ಹೇಳಿದೆ.

ಸಿಎನ್‌ಆರ್ ನ್ಯೂಸ್ ವಿವರಿಸಿದಂತೆ, ಅಲ್ಲಿನ ಸಿಬ್ಬಂದಿ ಒಬ್ಬರು ಹೇಳಿಕೆ ನೀಡಿ, ಅನಾರೋಗ್ಯ ರಜೆಯ ದುರುಪಯೋಗವಾಗದಂತೆ ನೋಡಿಕೊಳ್ಳಲು ಈ ನೀತಿಯನ್ನು ಜಾರಿಗೆ ತರಲಾಗಿದೆ. “ಒಬ್ಬ ಹುಡುಗಿ ಒಂದು ತಿಂಗಳಲ್ಲಿ ನಾಲ್ಕು ಅಥವಾ ಐದು ಬಾರಿ ರಜೆ ಕೇಳಿದಳು” ಎಂದು ತನ್ನ ನಡೆಯನ್ನು ಸಮರ್ಥಿಸಿಕೊಂಡಿದೆ.

Bantwala: ಅಬ್ದುಲ್‌ ರಹಿಮಾನ್‌ ಬರ್ಬರ ಹತ್ಯೆ ಪ್ರಕರಣ:15 ಮಂದಿ ವಿರುದ್ಧ ಪ್ರಕರಣ ದಾಖಲು