SPACE: ಅಂತರಿಕ್ಷಕ್ಕೆ ಹಾರಿದ ಮೊದಲ ಮಹಿಳಾ ತಂಡ!

SPACE: ಖ್ಯಾತ ಪಾಪ್ ಗಾಯಕಿ ಕ್ಯಾಟಿ ಪೆರ್ರಿ ಒಳಗೊಂಡ 6 ಮಹಿಳೆಯರು ಜೆಫ್ ಬೆಜೋಸ್ ಒಡೆತನದ ಬ್ಲ್ಯೂಒರಿಜಿನ್ ನೌಕೆಯಲ್ಲಿ ಬಾಹ್ಯಾಕಾಶ ಯಾನವನ್ನು ಯಶಸ್ವಿಯಾಗಿ ಕೈಗೊಂಡಿದ್ದು, ಈ ಮೂಲಕ ಮಹಿಳೆಯರೇ ಇದ್ದ ತಂಡವೊಂದು ಯಾನ ಮಾಡಿದ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಮಹಿಳಾ ಗಗನಯಾತ್ರಿಗಳಿದ್ದ ಈ ರಾಕೆಟ್‌ನ್ನು ಅಮೆರಿಕದ ಟೆಕ್ಸಾಸ್‌ನಿಂದ ಭಾರತೀಯ ಕಾಲಮಾನ ಸಂಜೆ ಬ್ಲ್ಯೂ ಒರಿಜಿನ್‌ನ ನ್ಯೂ ಶೆಪರ್ಡ್ ಗಗನನೌಕೆ ಪಶ್ಚಿಮ ಟೆಕ್ಸಾಸ್‌ನ ಉಡ್ಡಯನ ಕೇಂದ್ರದಿಂದ 107 ಕಿ.ಮೀ ಮೇಲಿನ ಪ್ರವೇಶಕ್ಕೆ ಯಾನ ಕೈಗೊಂಡು ಅಲ್ಲಿ 10 ನಿಮಿಷ ಕಳೆದು ಬಳಿಕ ಯಶಸ್ವಿಯಾಗಿ ಭೂಮಿಗೆ ಬಂದು ಇಳಿದಿದೆ.

ಈ ಗಗನಯಾನದಲ್ಲಿ ಪಾಪ್ ಗಾಯಕಿ ಕೇಟಿ ಪೆರಿ, ಜೆಪ್ ಬೆಜೋಸ್ ಪ್ರೇಯಸಿ ಲಾರೆನ್ ಸ್ಯಾಂಚೆಜ್, ಹೋರಾಟಗಾರ್ತಿ ಅಮಂಡಾ ನ್ಗುಯೆನ್, ಪತ್ರಕರ್ತೆ ಗೇಲ್ ಕಿಂಗ್, ನಾಸಾದ ಮಾಜಿ ವಿಜ್ಞಾನಿ ಐಶಾ ಬೋವ್ ಮತ್ತು ಸಿನಿಮಾ ನಿರ್ಮಾಪಕಿ ಕೆರಿಯಾನ್ನೆ ಪ್ಲಿನ್ ಅವರು ಈ ದಾಖಲೆಯನ್ನು ಬರೆದಿದ್ದಾರೆ.