of your HTML document.

Motor accident compensation: ವೈದ್ಯಕೀಯ ವಿಮೆಯ ಅಡಿಯಲ್ಲಿ ನೀಡುವ ಹಣವನ್ನು ಅಪಘಾತ ಪರಿಹಾರ ಕಡಿತಗೊಳಿಸುವಂತಿಲ್ಲ: ಹೈಕೋರ್ಟ್

Motor accident compensation: ವೈದ್ಯಕೀಯ ವಿಮೆಗಳ(Medical Policy) ಅಡಿಯಲ್ಲಿ ನೀಡಲಾಗುವ ಹಣವನ್ನು ಮೋಟಾರು ವಾಹನ ಕಾಯ್ದೆಯಡಿ ಅಪಘಾತ ಸಂತ್ರಸ್ತರು ಪಡೆಯುವ ಪರಿಹಾರದಿಂದ(medical expenses) ಕಡಿತಗೊಳಿಸಲಾಗುವುದಿಲ್ಲ ಎಂದು ಬಾಂಬೆ ಹೈಕೋರ್ಟ್(Bombay High court) ಹೇಳಿದೆ. ನ್ಯೂ ಇಂಡಿಯಾ ಇನ್ನೂರೆನ್ಸ್(India Insurance) ತನ್ನ ಅರ್ಜಿಯಲ್ಲಿ ಸಂತ್ರಸ್ತರಿಗೆ ಮೆಡಿಕಲ್ ವಿಮೆ ಮತ್ತು ಪರಿಹಾರ ನೀಡುವುದು “ದ್ವಿಗುಣ ಪರಿಹಾರ” ಎಂದು ಹೇಳಿಕೊಂಡಿತ್ತು. “ಮೃತ ಸಂತ್ರಸ್ತ ದೂರದೃಷ್ಟಿ ಮತ್ತು ಬುದ್ಧಿವಂತಿಕೆಯಿಂದ ಮಾಡಿದ ಹಣಕಾಸಿನ ಹೂಡಿಕೆಯ ಲಾಭವನ್ನು ಅಪರಾಧಿ ಪಡೆಯಲು ಸಾಧ್ಯವಿಲ್ಲ” ಎಂದು ಹೈಕೋರ್ಟ್ ಹೇಳಿದೆ.

ಮೆಡಿಕ್ಲೇಮ್ ಪಾವತಿಗಳು ಪಾಲಿಸಿದಾರ ಮತ್ತು ವಿಮಾ ಕಂಪನಿಯ ನಡುವಿನ ಒಪ್ಪಂದದಿಂದ ಉಂಟಾಗುತ್ತವೆ ಎಂದು ನ್ಯಾಯಾಲಯ ಒತ್ತಿಹೇಳಿತು. ಇದು ಮೋಟಾರು ವಾಹನ ಅಪಘಾತದಿಂದ ಉಂಟಾದ ನಷ್ಟಗಳಿಗೆ ನೀಡಲಾಗುವ ಪರಿಹಾರಕ್ಕಿಂತ ಭಿನ್ನವಾಗಿದೆ. “ನಮ್ಮ ಅಭಿಪ್ರಾಯದಲ್ಲಿ, ಮೆಡಿಕ್ಲೇಮ್ ಪಾಲಿಸಿಯ ಅಡಿಯಲ್ಲಿ ಹಕ್ಕುದಾರರು ಸ್ವೀಕರಿಸಿದ ಯಾವುದೇ ಮೊತ್ತದ ಕಡಿತವನ್ನು ಅನುಮತಿಸಲಾಗುವುದಿಲ್ಲ” ಎಂದು ಪೀಠ ಹೇಳಿದೆ.

ಸುಪ್ರೀಂ ಕೋರ್ಟ್ ತೀರ್ಪುಗಳನ್ನು ಉಲ್ಲೇಖಿಸಿದ ಹೈಕೋರ್ಟ್, ಮೋಟಾರು ಅಪಘಾತ ಕ್ಲೇಮ್ ನ್ಯಾಯಮಂಡಳಿಯು ಬಲಿಪಶುಗಳಿಗೆ “ನ್ಯಾಯಯುತ ಪರಿಹಾರ”ವನ್ನು ಒದಗಿಸಲು ಬದ್ಧವಾಗಿದೆ ಎಂದು ಪ್ರತಿಪಾದಿಸಿತು. ವಿಮಾ ಪಾವತಿಗಳು ವಿಮೆದಾರರ ದೂರದೃಷ್ಟಿ ಮತ್ತು ಹಣಕಾಸು ಯೋಜನೆಯ ಪರಿಣಾಮವಾಗಿದೆ, ಪ್ರೀಮಿಯಂಗಳನ್ನು ಪಾವತಿಸಲಾಗಿದೆ ಎಂದು ನ್ಯಾಯಾಲಯವು ಎತ್ತಿ ತೋರಿಸಿದೆ. “ಹಿಂಸೆ ನೀಡುವವನು (ಅಪರಾಧಿ) ಮೃತ ವ್ಯಕ್ತಿಯು ಮಾಡಿದ ದೂರದೃಷ್ಟಿ ಮತ್ತು ಬುದ್ಧಿವಂತ ಹಣಕಾಸಿನ ಹೂಡಿಕೆಗಳ ಲಾಭವನ್ನು ಪಡೆಯಲು ಸಾಧ್ಯವಿಲ್ಲ. ಇದು ಕಾನೂನಿನ ಸ್ಥಿರ ನಿಲುವು” ಎಂದು ಪೀಠ ಸ್ಪಷ್ಟಪಡಿಸಿತು.

Comments are closed.