Mobile: ಮೊಬೈಲನ್ನು ನಿಮ್ಮ ದಿಂಬಿನ ಪಕ್ಕದಲ್ಲಿ ಇಟ್ಟುಕೊಂಡು ಮಲಗತ್ತೀರಾ..? ಈ ಸಮಸ್ಯೆಗಳು ಕಾಡೋದು ಪಕ್ಕಾ!

Mobile: ಇಂದು ಮೊಬೈಲ್ ಫೋನ್ ಪ್ರತಿಯೊಬ್ಬರ ಜೀವನದ ಅವಿಭಾಜ್ಯ ಅಂಗವಾಗಿದೆ. ಫೋನ್ ಅನ್ನು ದಿನವಿಡೀ ಬಳಸಲಾಗುತ್ತದೆ; ಆದರೆ ರಾತ್ರಿ ಮಲಗುವಾಗಲೂ ಅನೇಕರು ಸಾಮಾಜಿಕ ಜಾಲತಾಣಗಳಲ್ಲಿ ಸರ್ಫಿಂಗ್ ಮಾಡುತ್ತಿದ್ದಾರೆ, ಸಿನಿಮಾ ಅಥವಾ ಧಾರಾವಾಹಿ ನೋಡುತ್ತಿದ್ದಾರೆ. ಅಲ್ಲದೆ, ಅನೇಕ ಜನರು ಮಲಗುವಾಗ ತಮ್ಮ ಫೋನ್ ಅನ್ನು ತಮ್ಮ ತಲೆದಿಂಬಿನ ಪಕ್ಕದಲ್ಲಿ ಇಟ್ಟುಕೊಂಡು ಮಲಗುತ್ತಾರೆ. ನಿಮ್ಮ ತಲೆದಿಂಬಿನ ಪಕ್ಕದಲ್ಲಿ ಫೋನ್ ಇಟ್ಟು ಮಲಗುವುದು ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಇದರಿಂದ ದೇಹದ ಮೇಲೆ ಆಗುವ ಒಳ್ಳೆಯ ಮತ್ತು ಕೆಟ್ಟ ಪರಿಣಾಮಗಳನ್ನು ತಿಳಿಯೋಣ.

ನಿಮ್ಮ ಫೋನ್ ಅನ್ನು ನಿಮ್ಮ ಹತ್ತಿರ ಇಟ್ಟುಕೊಂಡು ಮಲಗಿದಾಗ ಮತ್ತು ನಡುವೆ ನಿಮ್ಮ ಕಣ್ಣುಗಳನ್ನು ತೆರೆದಾಗ, ಫೋನ್ ನಿದ್ರಾ ಭಂಗದ ಮೂಲವಾಗುತ್ತದೆ. ಅನೇಕ ಜನರು ರಾತ್ರಿಯಲ್ಲಿ ಹಲವಾರು ಬಾರಿ ಎಚ್ಚರಗೊಳ್ಳುತ್ತಾರೆ. ಅಂತಹ ಸಂದರ್ಭಗಳಲ್ಲಿ, ಅವರು ಮತ್ತೆ ಮಲಗಲು ಪ್ರಯತ್ನಿಸಿದಾಗ, ಅವರು ಫೋನ್ ಬಳಸಲು ಬಯಸುತ್ತಾರೆ. ನಂತರ ಸಾಮಾಜಿಕ ಮಾಧ್ಯಮಗಳ ಮೂಲಕ ಸ್ಕ್ರೋಲಿಂಗ್ ಮಾಡಲು ಸಾಕಷ್ಟು ಸಮಯ ವ್ಯರ್ಥವಾಗುತ್ತದೆ. ಫೋನ್ ಬೆಳಕು ಮೆದುಳು ಮತ್ತು ದೇಹಕ್ಕೆ ನಿದ್ರೆಯ ಸಮಯ ಮುಗಿಯಿತೆಂದು ಸಂಕೇತಿಸುತ್ತದೆ. ಇದು ನಿದ್ರಾಹೀನತೆಗೆ ಕಾರಣವಾಗುತ್ತದೆ.

ಫೋನ್ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆಯೇ…?

ಮೊಬೈಲ್ ಪ್ರೀಯರು ಇದನ್ನು ಅಲ್ಲಗಳೆಯಲು ಪ್ರಯತ್ನಿಸುತ್ತಾರೆ. ಆದರೆ, ಈ ಬಗ್ಗೆ ಅನುಮಾನವೇ ಬೇಡ. ದಿಂಬಿನ ಪಕ್ಕದಲ್ಲಿ ಫೋನ್ ಇಟ್ಟು ಮಲಗುವುದರಿಂದ ಹೊರಸೂಸುವ ವಿಕಿರಣದ ಬಗ್ಗೆ ಅನೇಕ ಜನರು ಚಿಂತಿಸುತ್ತಾರೆ; ಅದರಲ್ಲಿ ನಿಜವಾಗಿಯೂ ಏನಾದರೂ ಸತ್ಯವಿದೆಯೇ? ಆಂಟೆನಾಗಳ ಜಾಲದ ಮೂಲಕ ರೇಡಿಯೋ ತರಂಗಗಳನ್ನು ರವಾನಿಸುವ ಮೂಲಕ ಸ್ಮಾರ್ಟ್‌ಫೋನ್‌ಗಳು ಸಂವಹನವನ್ನು ಸುಲಭಗೊಳಿಸುತ್ತವೆ. ಈ ಅಲೆಗಳು ವಾಸ್ತವವಾಗಿ ವಿದ್ಯುತ್ಕಾಂತೀಯ ಕ್ಷೇತ್ರವಾಗಿದೆ. ರೇಡಿಯೋ ಅಲೆಗಳ ತರಂಗಾಂತರ ಕ್ಷ ಕಿರಣಗಳ (ಎಕ್ಸರೇಗಳ) ತರಂಗಾಂತರಕ್ಕಿಂತ ಹೆಚ್ಚಾಗಿರುತ್ತದೆ. ಆದ್ದರಿಂದ, ಕ್ಷ ಕಿರಣಗಳಷ್ಟು ಅಲ್ಲದಿದ್ದರೂ ಹಾನಿಯಾಗುವುದಂತೂ ನಿಶ್ಚಿತ. ಏಕೆಂದರೆ ಎಲ್ಲ ವಿದ್ಯುತ್ ಕಾಂತೀಯ ತರಂಗಗಳು ಅವುಗಳ ತರಂಗಾಂತರಕ್ಕನುಸಾರವಾಗಿ ಹೆಚ್ಚು ಅಥವಾ ಕಡಿಮೆ ದುಷ್ಪರಿಣಾಮಗಳು ಬೀರುತ್ತವೆ.

ಮೊಬೈಲ್ ಫೋನ್ ಬಳಕೆಯಿಂದ ನಿಮ್ಮ ಕ್ರಿಯಾಶೀಲತೆ ಕುಗ್ಗುತ್ತದೆ. ಸುಸ್ತು, ನಿರುತ್ಸಾಹ ಕೂಡ ತಲೆದೋರಬಹುದು. ಅಲ್ಲದೆ, ದೀರ್ಘಕಾಲ ಬಳಕೆಯಿಂದ ಕಣ್ಣಿನ ಮೇಲೆ ಖಂಡಿತ ದುಷ್ಪರಿಣಾಮಗಳನ್ನು ಬೀರುತ್ತದೆ. ಜೊತೆಗೆ, ಕತ್ತು ನೋವು ಹಾಗೂ ತಲೆನೋವು ಉಂಟಾಗುವ ಸಾಧ್ಯತೆ ಇರುತ್ತದೆ. ಮೊಬೈಲ್ ವಿಕಿರಣಗಳು ಮೆದುಳಿನ ಮೇಲೆ ತೀವ್ರ ಪರಿಣಾಮ ಬೀರುತ್ತವೆ ಎಂದು ಕಂಡು ಬಂದಿದೆ. ಇದರಿಂದ, ಮಾನಸಿಕ ಕಾಯಿಲೆಗಳು ಬರುತ್ತವೆ. ಅಲ್ಲದೆ, ಕ್ಯಾನ್ಸರ್ ಕೂಡ ಉಂಟಾಗುವ ಸಾಧ್ಯತೆಗಳು ಕಂಡುಬಂದಿವೆ. ಸೆಲ್ಫಿಯ ಗೀಳು ಹಾಗೂ ಮೊಬೈಲ್ ಆಟಗಳ ಗಿಳಿನಿಂದ ಅನೇಕರು ಪ್ರಾಣ ಕಳೆದುಕೊಂಡಿದ್ದನ್ನು ನಾವು ಆಗಾಗ ಸುದ್ದಿಗಳಲ್ಲಿ ಕೇಳುತ್ತ/ನೋಡುತ್ತಾ ಇರುತ್ತೇವೆ.

ಸಂರಕ್ಷಣೆ ಹಾಗೂ ಉಪಾಯಗಳು:

• ಮೊಬೈಲ್ ಬಳಕೆಯನ್ನು ಸೀಮಿತಗೊಳಿಸಿ, ಕಾಲಹರಣಕ್ಕಾಗಿ ಮೊಬೈಲ್ ಅನ್ನು ಬಳಸಬೇಡಿ. ಕೇವಲ ಅಗತ್ಯದ ಕೆಲಸಗಳಿಗೆ ಮಾತ್ರ ಬಳಸಿ.
• ಮೊಬೈಲ್ ಪರದೆಯನ್ನು ನೇರವಾಗಿ ನೋಡಬೇಡಿ, ಅದನ್ನು ಓರೆಯಾಗಿಟ್ಟುಕೊಂಡು ಸಾಧ್ಯವಿದ್ದಷ್ಟು ದೂರದಿಂದ ನೋಡಿ.
• ಮೊಬೈಲ್ ಪರದೆಯನ್ನು ಕಪ್ಪು ಸ್ಥಿತಿಯಲ್ಲಿ (ಡಾರ್ಕ್ ಮೋಡ್ ನಲ್ಲಿ) ಇರಿಸಿಕೊಳ್ಳಿ.
• ನಿಮ್ಮ ಮೊಬೈಲ್ ನಲ್ಲಿ ಕಣ್ಣಿನ ರಕ್ಷಣೆಗಾಗಿ ಸೆಟ್ಟಿಂಗ್ ಇರುತ್ತದೆ, ಅದನ್ನು ಚಾಲನೆಗೊಳಿಸಿ.
• ಮೊಬೈಲ್ ಫೋನ್ ಗಳನ್ನು ಜೇಬಿನಲ್ಲಿ ಇಟ್ಟುಕೊಳ್ಳಬೇಡಿ; ದೇಹದಿಂದ ದೂರ ಯಾವುದಾದರೂ ಚೀಲಗಳಲ್ಲಿ ಇಟ್ಟುಕೊಳ್ಳಿ.
• ವಾಹನ ಚಾಲನೆ ಮಾಡುವಾಗ ಮೊಬೈಲ್ ಗಳನ್ನು ಬಳಸಬೇಡಿ.

ಗರ್ಭಿಣಿಯರು ಹಾಗೂ ಮಕ್ಕಳು ಮೊಬೈಲನ್ನು ಬಳಸಲೇಬಾರದು. ಮಕ್ಕಳು ಬೆಳೆಯುವ ಹಂತದಲ್ಲಿ ಮೊಬೈಲ್ ಬಳಕೆಯಿಂದ ಅವರ ಬೆಳವಣಿಗೆ ಹಾಗೂ ಆರೋಗ್ಯದ ಮೇಲೆ ತೀವ್ರ ಪ್ರತಿಕೂಲ ಪರಿಣಾಮಗಳು ಉಂಟಾಗುತ್ತವೆ.

ದೇಸಿ ಹಸುವಿನ ಸಗಣಿಯು ಅತ್ಯಂತ ಪರಿಣಾಮಕಾರಿ ವಿಕಿರಣ ರೋಧಕ ಗುಣಗಳನ್ನು ಹೊಂದಿದೆ. ಆದ್ದರಿಂದ, ಇದರ ಬಳಕೆಯನ್ನು ವಿಸ್ತರಿಸುವುದು ಪ್ರಯೋಜನಕಾರಿಯಾಗಿದೆ. ಆಗಾಗ ಗೋಮಯದ ಫೇಸ್ ಪ್ಯಾಕ್ ಮಾಡಿಕೊಳ್ಳುವುದು ಮೊಬೈಲ್ ಕಿರಣಗಳ ದುಷ್ಪರಿಣಾಮವನ್ನು ನಿವಾರಿಸಿಕೊಳ್ಳಲು ಅತ್ಯಂತ ಲಾಭಕಾರಿಯಾಗಿದೆ.