Train: ಸಾಮಾನ್ಯವಾಗಿ ರೈಲು ಸಾಗುವ ಹಳಿಯ ಕೆಳಭಾಗದಲ್ಲಿ ಕಲ್ಲುಗಳು ಇರುವುದನ್ನು ನೀವು ನೋಡಿರಬಹುದು. ಆದರೆ ಟ್ರ್ಯಾಕ್ ಬ್ಯಾಲಸ್ಟ್ ಎಂದು ಕರೆಯುವ ಈ ಕಲ್ಲುಗಳು ಅಲ್ಲಿ ಏಕೆ ಇವೆ ಎಂಬ ಪ್ರಶ್ನೆ ನಿಮ್ಮಲ್ಲಿದ್ದರೆ ಇಲ್ಲಿದೆ ನೋಡಿ ಉತ್ತರ.
ರೈಲ್ವೆ (Train) ಹಳಿಗಳ ಮೇಲಿನ ಸಣ್ಣ ಪುಟ್ಟ ಕಲ್ಲುಗಳನ್ನು ಟ್ರ್ಯಾಕ್ ಬ್ಯಾಲಸ್ಟ್ ಎಂದು ಕರೆಯಲಾಗುತ್ತದೆ ಮತ್ತು ಅವು ರೈಲ್ವೆ ಹಳಿಗಳನ್ನು ಸ್ಟ್ರಾಂಗ್ ಆಗಿ ಇಡಲು ಸಹಾಯ ಮಾಡುತ್ತವೆ. ಹಳಿಯ ಮೇಲಿನ ಈ ಕಲ್ಲುಗಳು ಸಿಮೆಂಟ್ ಕಂಬ ಅಗಲವಾಗುವುದನ್ನು ತಡೆಯುತ್ತವೆ. ಟ್ರ್ಯಾಕ್‌ನಲ್ಲಿ ಈ ಜಲ್ಲಿ ಕಲ್ಲುಗಳನ್ನು ಸುರಿಯದಿದ್ದರೆ, ರೈಲು ಹಳಿತಪ್ಪಿ ಅಪಘಾತ ಸಂಭವಿಸಬಹುದು.
ಇನ್ನು ರೈಲ್ವೆ ಹಳಿಗಳಲ್ಲಿ ಚೂಪಾದ ಕಲ್ಲುಗಳನ್ನು ಮಾತ್ರ ಬಳಸಲಾಗುತ್ತದೆ. ನದಿಪಾತ್ರಗಳಲ್ಲಿ ಅಥವಾ ಅಲಂಕಾರಕ್ಕಾಗಿ ಬಳಸುವ ನಯವಾದ, ದುಂಡಗಿನ ಕಲ್ಲುಗಳನ್ನು ರೈಲ್ವೆ ಹಳಿಗಳಲ್ಲಿ ಬಳಸಿದರೆ, ರೈಲು ಹಳಿಗಳ ಮೇಲೆ ಹಾದುಹೋಗುವಾಗ ಅವು ಉರುಳಬಹುದು ಅಥವಾ ಜಾರಬಹುದು. ಆದ್ದರಿಂದ, ಕಲ್ಲುಗಳು ಸರಿ ಇಲ್ಲದೇ ಹೋದರೆ ಟ್ರ್ಯಾಕ್ ಬ್ಯಾಲಸ್ಟ್‌ಗೆ ತನ್ನ ಕೆಲಸ ಮಾಡಲು ಸಾಧ್ಯವಾಗುವುದಿಲ್ಲ, ಹೆಚ್ಚು ಜರುಗದ ಕಲ್ಲುಗಳು ಮಾತ್ರ ಹಳಿಯಲ್ಲಿ ಬಳಸಲು ಸೂಕ್ತವಾಗಿವೆ. ಅದಕ್ಕಾಗಿಯೇ ಹಳಿಯನ್ನು ಸ್ಥಿರಗೊಳಿಸಲು ರೈಲ್ವೆ ಹಳಿಗಳಲ್ಲಿ ಚೂಪಾದ ಅಂಚುಗಳನ್ನು ಹೊಂದಿರುವ ಕಲ್ಲುಗಳನ್ನು ಬಳಸಲಾಗುತ್ತದೆ.
ಇನ್ನು ರೈಲ್ವೆ ಹಳಿಗಳ ಮೇಲೆ ಈ ಕಲ್ಲುಗಳ ಇರುವಿಕೆಯು ಸಸ್ಯಗಳು ಅವುಗಳ ಮೇಲೆ ಬೆಳೆಯುವುದನ್ನು ತಡೆಯುತ್ತದೆ. ಏಕೆಂದರೆ ಅದು ರೈಲ್ವೆ ಹಳಿಗಳು ಚಲಿಸುವ ನೆಲವನ್ನು ದುರ್ಬಲಗೊಳಿಸುತ್ತದೆ. ಟ್ರ್ಯಾಕ್ ಬ್ಯಾಲಸ್ಟ್ ನೀರು ನಿರಂತರವಾಗಿ ಹಳಿಯನ್ನು ತಲುಪುವುದನ್ನು ಮತ್ತು ನೆಲವನ್ನು ಮೃದುಗೊಳಿಸುವುದನ್ನು ತಡೆಯುತ್ತದೆ. ಇದು ರೈಲ್ವೆ ಹಳಿಗಳಿಂದ ನೀರನ್ನು ಸಂಪೂರ್ಣವಾಗಿ ನಿರ್ಬಂಧಿಸುವುದಿಲ್ಲ, ಆದರೆ ಹಳಿಯ ಕೆಳಗೆ ಅಥವಾ ಸುತ್ತಲೂ ಸರಿಯಾದ ಒಳಚರಂಡಿ ಇದೆ ಎಂಬುದನ್ನು ಖಚಿತಪಡಿಸುತ್ತದೆ ಇದರಿಂದ ನೀರು ಅದರಲ್ಲಿ ನಿಲ್ಲುವುದಿಲ್ಲ.
ಇನ್ನು ರೈಲಿನ ಅಪಾರ ಕಂಪನವು ಹತ್ತಿರದ ಕಟ್ಟಡಗಳಿಗೂ ಹಾನಿ ಮಾಡುತ್ತದೆ, ಇದು ಸಹ ಒಂದು ಸಮಸ್ಯೆಯಾಗಿದೆ. ರೈಲ್ವೆ EPDM ಅಥವಾ ಎಥಿಲೀನ್ ಪ್ರೊಪಿಲೀನ್ ಡೈನ್ ಮಾನೋಮರ್ ರಬ್ಬರ್‌ನೊಂದಿಗೆ ಕಂಪನಗಳನ್ನು ಕಡಿಮೆ ಮಾಡಲು ಕ್ಲ್ಯಾಂಪಿಂಗ್ ತಂತ್ರವನ್ನು ಬಳಸುತ್ತದೆ, ಇದು ಶಾಖ, ನೀರು ಮತ್ತು ಇತರ ಯಾಂತ್ರಿಕ ತಂತ್ರಗಳಿಗಿಂತ ಹೆಚ್ಚಿನ ಪ್ರತಿರೋಧವನ್ನು ಹೊಂದಿದೆ. ಇದು ಶಬ್ದ ಮತ್ತು ಕಂಪನಗಳನ್ನು ಹೆಚ್ಚು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎನ್ನಲಾಗುತ್ತೆ.
