M K Stalin Statement on Population: ‘ಸಮಯ ಬಂದಿದೆ, ಈಗ 16-16 ಮಕ್ಕಳನ್ನು ಹುಟ್ಟುಹಾಕಿ’ – ಎಂಕೆ ಸ್ಟಾಲಿನ್

M K Stalin Statement on Population: ಆಂಧ್ರಪ್ರದೇಶ ಸಿಎಂ ಚಂದ್ರಬಾಬು ನಾಯ್ಡು ನಂತರ ಇದೀಗ ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ.ಸ್ಟಾಲಿನ್ ಜನಸಂಖ್ಯೆಗೆ ಸಂಬಂಧಿಸಿದಂತೆ ಹೇಳಿಕೆ ನೀಡಿದ್ದಾರೆ. ನವದಂಪತಿಗಳಿಗೆ 16 ಮಕ್ಕಳನ್ನು ಹೊಂದುವ ಸಮಯ ಬಂದಿದೆ ಎಂದು ಎಂಕೆ ಸ್ಟಾಲಿನ್ ಕಾರ್ಯಕ್ರಮವೊಂದರಲ್ಲಿ ಹೇಳಿದ್ದಾರೆ. ಇಂಡಿಯಾ ಟುಡೇ ವರದಿ ಪ್ರಕಾರ, ಚೆನ್ನೈನಲ್ಲಿ ಹಿಂದೂ ಧಾರ್ಮಿಕ ಮತ್ತು ದತ್ತಿ ಮಂಡಳಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಸಿಎಂ ಸ್ಟಾಲಿನ್ ಈ ಹೇಳಿಕೆ ನೀಡಿದ್ದಾರೆ. ಸಿಎಂ ಎಂಕೆ ಸ್ಟಾಲಿನ್ 31 ಜೋಡಿಗಳು ವಿವಾಹವಾದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ, ಬಹುಶಃ ದಂಪತಿಗಳು 16 ರೀತಿಯ ಆಸ್ತಿಯ ಬದಲು 16 ಮಕ್ಕಳನ್ನು ಹೊಂದುವ ಸಮಯ ಬಂದಿದೆ ಎಂದು ಹೇಳಿದರು.

ಎಂಕೆ ಸ್ಟಾಲಿನ್ ತಮ್ಮ ಭಾಷಣದಲ್ಲಿ, ಹಿಂದಿನ ಹಿರಿಯರು ಹೊಸದಾಗಿ ಮದುವೆಯಾದ ದಂಪತಿಗಳಿಗೆ 16 ರೀತಿಯ ಆಸ್ತಿಯನ್ನು ಪಡೆಯಲು ಆಶೀರ್ವದಿಸುತ್ತಿದ್ದರು. ಬಹುಶಃ ಈಗ 16 ರೀತಿಯ ಆಸ್ತಿಯ ಬದಲು 16 ಮಕ್ಕಳನ್ನು ಹೊಂದುವ ಸಮಯ ಬಂದಿದೆ. ಹಿಂದಿನ ಕಾಲದಲ್ಲಿ ಹಿರಿಯರು 16 ಮಕ್ಕಳನ್ನು ಪಡೆದು ಸಮೃದ್ಧ ಜೀವನ ನಡೆಸಬೇಕು ಎಂದು ಹೇಳುತ್ತಿದ್ದರು. ಲೇಖಕ ವಿಶ್ವನಾಥನ್‌ ಅವರು ಬರೆದಿರುವ ಹಾಗೆ 16 ಬಗೆಯ ಆಸ್ತಿ ಹಸು, ಮನೆ, ಹೆಂಡತಿ. ಮಕ್ಕಳು , ಶಿಕ್ಷಣ, ಕುತೂಹಲ, ಜ್ಞಾನ, ಶಿಸ್ತು, ನೆಲ, ನೀರು, ವಯಸ್ಸು, ವಾಹನ, ಚಿನ್ನ, ಆಸ್ತಿ, ಬೆಳೆ ಮತ್ತು ಹೊಗಳಿಕೆ ಎಂದು ಹೇಳಲಾಗಿದೆ. ಆದರೆ ಈಗ ಯಾರೂ ನಿಮಗೆ 16 ವಿಧದ ಆಸ್ತಿಯನ್ನು ಪಡೆಯಲು ಹೇಳುವುದಿಲ್ಲ, ಬದಲಾಗಿ ಸಾಕಷ್ಟು ಮಕ್ಕಳನ್ನು ಪಡೆಯಿರಿ ಮತ್ತು ಸಮೃದ್ಧವಾಗಿ ಬದುಕಿ” ಎಂದು ಹೇಳಿದ್ದಾರೆ.