Aluminum vessels: ಮನೆಯಲ್ಲಿ ಅಲ್ಯೂಮಿನಿಯಂ ಪಾತ್ರೆಗಳನ್ನು ಬಳಸುತ್ತೀರಾ? ನೀವು ನಿಮ್ಮ ಆರೋಗ್ಯದೊಂದಿಗೆ ಆಟವಾಡುತ್ತಿದ್ದೀರಿ ಎಂದರ್ಥ!

Aluminum vessels: ಅಲ್ಯೂಮಿನಿಯಂ ಪಾತ್ರೆಗಳಲ್ಲಿ ಅಡುಗೆ(cooking) ಮಾಡುವ ಪರಿಪಾಠ ಭಾರತದಲ್ಲಿ(India) ಇರಲಿಲ್ಲ! ಮಣ್ಣಿನ ಪಾತ್ರೆ(Mud Vessels) ಅಥವಾ ಹಿತ್ತಾಳೆ ಪಾತ್ರೆಗಳಲ್ಲಿ(Bronze vessels) ಅಡುಗೆ ಮಾಡುವ ಸಂಪ್ರದಾಯ ನಮ್ಮಲ್ಲಿತ್ತು. ಆದರೆ ಬ್ರಿಟಿಷರ(British) ಕಾಲದಲ್ಲಿ ಬ್ರಿಟಿಷರು ಭಾರತೀಯ ಕೈದಿಗಳು ಬೇಗ ಸಾಯುವಂತೆ ಮಾಡಲು ಜೈಲುಗಳಲ್ಲಿ ಅಲ್ಯೂಮಿನಿಯಂ ಪಾತ್ರೆಗಳನ್ನು ಬಳಸಲಾರಂಭಿಸಿದರು. ಇತರ ಲೋಹಗಳಿಗೆ ಹೋಲಿಸಿದರೆ ಅಲ್ಯೂಮಿನಿಯಂ ಪಾತ್ರೆಗಳು ಅಗ್ಗವಾಗಿರುವುದರಿಂದ ಅವು ಎಲ್ಲರ ಮನೆಯಲ್ಲೂ ಇರುತ್ತವೆ.

ಬ್ರಿಟಿಷರು ಭಾರತವನ್ನು ತೊರೆದರೂ ಅವರನ್ನು ಅನುಸರಿಸುವ ಗುಲಾಮಗಿರಿ ಮಾನಸಿಕತೆಯನ್ನು ಭಾರತೀಯರು ತೊರೆಯಲಿಲ್ಲ. ಇಂದಿಗೂ ನಾವು ಆರೋಗ್ಯಕ್ಕೆ ಹಾನಿಕಾರಕವಾದ ಈ ಲೋಹವನ್ನು ಬಳಸುತ್ತಿದ್ದೇವೆ. ಆದರೆ ಅಲ್ಯೂಮಿನಿಯಂ(Aluminum) ಅಥವಾ ಹಿಂಡಾಲಿಯಂನಿಂದ(Hindolium) ಮಾಡಿದ ಪಾತ್ರೆಗಳು ಆರೋಗ್ಯಕ್ಕೆ ತುಂಬಾ ಹಾನಿಕಾರಕ ಎಂದು ಭೋಪ್ಕರ್ ಹೇಳುತ್ತಾರೆ. ಅದು ಹೇಗೆ ಎಂದು ತಿಳಿದುಕೊಳ್ಳೋಣ.

*ವಿವಿಧ ರೋಗಗಳು ಬಲಗೊಳ್ಳುತ್ತವೆ: ಅಲ್ಯೂಮಿನಿಯಂ ಹರಿವಾಣಗಳ ಮೇಲೆ ಸರಳವಾದ ಸ್ಟೀಲ್ ಚಮಚವನ್ನು ಗಟ್ಟಿಯಾಗಿ ಎಳೆದರೂ, ಈ ಲೋಹದ ಕಣಗಳು ಹೊರಬರುತ್ತವೆ. ಈ ಪಾತ್ರೆಗಳಲ್ಲಿ ತಯಾರಿಸಿದ ಆಹಾರವನ್ನು ಸೇವಿಸಿದರೆ, ಈ ಲೋಹದ ಅಂಶಗಳು ಆಹಾರದ ಮೂಲಕ ದೇಹವನ್ನು ಸೇರುತ್ತವೆ. ಈ ರೀತಿ ದಿನಕ್ಕೆ ಸುಮಾರು 5 ಮಿಲಿಗ್ರಾಂ ಅಲ್ಯೂಮಿನಿಯಂ ಅನ್ನು ಆಹಾರದ ಮೂಲಕ ಸೇವಿಸಲಾಗುತ್ತದೆ. ಪಾತ್ರೆಯ ಅಲ್ಲ್ಯೂಮಿನಿಯಂ ಅಂಶ ಆಹಾರದಲ್ಲಿ ಕರಗುತ್ತದೆ. ಈ ಪಾತ್ರೆಯಲ್ಲಿ ನಿಂಬೆಹಣ್ಣು, ಟೊಮೆಟೊಗಳಂತಹ ಆಮ್ಲೀಯ ಆಹಾರಗಳನ್ನು ಬೇಯಿಸಿದರೆ, ಪಾತ್ರೆಯಲ್ಲಿರುವ ಅಯಾನುಗಳು (ಎಲೆಕ್ಟ್ರೋಲೈಸ್ಡ್ ಕಣಗಳು) ಆಹಾರದಲ್ಲಿ ಬೇಗನೆ ಕರಗುತ್ತವೆ. ಅಂತಹ ಆಹಾರವು ದೇಹಕ್ಕೆ ಅಪಾಯಕಾರಿಯಾಗಿರುತ್ತದೆ.

ದೇಹದಲ್ಲಿ ಅಲ್ಯೂಮಿನಿಯಂ ಸಂಗ್ರಹ:
ಅಂತಹ ಲೋಹಗಳನ್ನು ಹೊರಹಾಕಲು ಮಾನವ ದೇಹವು ಸೀಮಿತ ಸಾಮರ್ಥ್ಯವನ್ನು ಹೊಂದಿದೆ. ಈ ಲೋಹಗಳು ಈ ಸಾಮರ್ಥ್ಯವನ್ನು ಮೀರಿ ದೇಹವನ್ನು ಪ್ರವೇಶಿಸಿದರೆ, ಅವು ಕ್ರಮೇಣ ಸ್ನಾಯುಗಳು, ಮೂತ್ರಪಿಂಡಗಳು, ಯಕೃತ್ತು, ಮೂಳೆಗಳು ಇತ್ಯಾದಿಗಳಲ್ಲಿ ಸಂಗ್ರಹಗೊಳ್ಳುತ್ತವೆ. ಅಲ್ಯೂಮಿನಿಯಂ ಲೋಹವು ಮೆದುಳಿನ ಕೋಶಗಳ ಮೇಲೆ ಹಾನಿಕಾರಕ ಪರಿಣಾಮಗಳನ್ನು ಹೊಂದಿದೆ. ಈ ರೀತಿಯಲ್ಲಿ ದೇಹದಲ್ಲಿ ಸಂಗ್ರಹವಾದ ಅಲ್ಯೂಮಿನಿಯಂ ನಿಧಾನ ವಿಷವಾಗುತ್ತದೆ.

ಯಾವ ರೋಗಗಳು ಬರಬಹುದು:
ಖಿನ್ನತೆ, ಆತಂಕ, ಚಿಂತೆ, ವಿಸ್ಮೃತಿ, ಮೂಳೆ ಸಂಬಂಧಿತ ಕಾಯಿಲೆಗಳು, ಕಣ್ಣಿನ ಅಸ್ವಸ್ಥತೆಗಳು, ಮೂತ್ರಪಿಂಡ ವೈಫಲ್ಯ, ಅತಿಸಾರ, ಭೇದಿ, ಮಲಬದ್ಧತೆ, ಅಜೀರ್ಣ, ಹೊಟ್ಟೆ ನೋವು, ಕರುಳಿನ ಉರಿಯೂತ (ಕೊಲೈಟಿಸ್), ಆಗಾಗ್ಗೆ ಬಾಯಿ ಹುಣ್ಣು, ಎಕ್ಷಿಮಾದಂತಹ ಚರ್ಮ ರೋಗಗಳು. ಅಲ್ಯೂಮಿನಿಯಂ ಮೆದುಳಿನ ಕೋಶಗಳ ಮೇಲೆ ಹಾನಿಕಾರಕ ಪರಿಣಾಮವನ್ನು ಬೀರುತ್ತದೆ.

ಮಣ್ಣಿನ ಮತ್ತು ಉಕ್ಕಿನ ಪಾತ್ರೆಗಳು ಉತ್ತಮ: ಮಣ್ಣಿನ ಪಾತ್ರೆಗಳು ಅತ್ಯುತ್ತಮ ಆಯ್ಕೆಯಾಗಿದೆ. ಮಾರುಕಟ್ಟೆಯಲ್ಲಿ ಈ ಮಡಿಕೆಗಳು ಲಭ್ಯವಿಲ್ಲದಿದ್ದರೆ, ಅದನ್ನು ಸ್ಥಳೀಯ ಕುಂಬಾರರಿಂದ ತಯಾರಿಸಿಕೊಳ್ಳಿ. ಮಣ್ಣಿನ ಪಾತ್ರೆಗಳನ್ನು ಅಡುಗೆಗೆ ಬಳಸಿದರೆ, ದೇಹಕ್ಕೆ ಅಗತ್ಯವಾದ ಖನಿಜಗಳು ಆಹಾರದಿಂದ ಸಿಗುತ್ತವೆ. ಮಣ್ಣಿನ ಪಾತ್ರೆಗಳಲ್ಲಿ ಬೇಯಿಸಿದ ಆಹಾರದ ರುಚಿ ನೋಡಿದವನು ಮತ್ತೆ ಬೇರೆ ಪಾತ್ರೆಗಳ ಬಗ್ಗೆ ಯೋಚಿಸುವುದಿಲ್ಲ. ಮಣ್ಣಿನ ಪಾತ್ರೆಗಳನ್ನು ಬಳಸಲು ಸಾಧ್ಯವಾಗದಿದ್ದರೆ, ತಾಮ್ರ-ಹಿತ್ತಾಳೆಯ ಲೇಪವಿರುವ ಪಾತ್ರೆಗಳನ್ನು ಬಳಸಬೇಕು. ಈ ಪಾತ್ರೆಗಳನ್ನು ಹುಳಿ ಆಹಾರಕ್ಕಾಗಿ ಬಳಸಬಾರದು. ಸ್ಟೇನ್ಲೆಸ್ ಸ್ಟೀಲ್ ಪಾತ್ರೆಗಳನ್ನು ಬಳಸುವುದು ಸುಲಭವಾದ ಆಯ್ಕೆಯಾಗಿದೆ. ಇಲ್ಲಿಯವರೆಗೆ, ಸ್ಟೇನ್ಲೆಸ್ ಸ್ಟೀಲ್ನ ಅಡ್ಡಪರಿಣಾಮಗಳು ಬೆಳಕಿಗೆ ಬಂದಿಲ್ಲ.

ಅಡುಗೆ ಮಾಡಲು ಮಣ್ಣಿನ ಪಾತ್ರೆಗಳು ಸರ್ವೋತ್ತಮ ಎಂದು ಸಾಬೀತಾಗಿದೆ. ಏಕೆಂದರೆ, ಅವುಗಳಲ್ಲಿ ತಯಾರಿಸಿದ ಆಹಾರದಲ್ಲಿ ಪೋಷಕಾಂಶಗಳು ನಾಶವಾಗುವುದಿಲ್ಲ. ಅಷ್ಟೇ ಅಲ್ಲದೆ, ಅಗತ್ಯದ ಪೋಷಕಾಂಶಗಳು ಆಹಾರದಲ್ಲಿ ಸೇರಿಕೊಳ್ಳುತ್ತವೆ. ಮೇಲಾಗಿ, ಮಣ್ಣಿನ ಪಾತ್ರೆಗಳಲ್ಲಿ ತಯಾರಿಸಿದ ಅಡುಗೆಯ ರುಚಿಯ ಬಗ್ಗೆ ಬೇರೆ ಹೇಳಬೇಕಾಗಿಲ್ಲ.

ಅಡುಗೆ ಮಾಡಲು ಅನುಕ್ರಮವಾಗಿ ಮಣ್ಣು, ಕಂಚು, ಹಿತ್ತಾಳೆ, ಕಬ್ಬಿಣ/ಉಕ್ಕು ಮತ್ತು ಸ್ಟೇನ್ಲೆಸ್ ಸ್ಟೀಲ್ ಪಾತ್ರೆಗಳು ಉತ್ತಮ. ಅಲ್ಯೂಮಿನಿಯಂ, ಜರ್ಮೇನಿಯಂ ಹಾಗೂ ಹಿಂಡಾಲಿಯಂ ಪಾತ್ರೆಗಳನ್ನು ಬಳಸಲೇಬಾರದು.

• ಡಾ. ಪ್ರ. ಅ. ಕುಲಕರ್ಣಿ