Expensive Condom: ವಿಶ್ವದ ಅತೀ ದುಬಾರಿ ಕಾಂಡೋಮ್ ಇದು, ಬರೋಬ್ಬರಿ 44,000 ಬೆಲೆಯ ಈ ‘ನಿರೋದ್’ ವಿಶೇಷತೆ ಏನು ಗೊತ್ತಾ?

Expensive Condom: ಕಾಂಡೋಮ್​ಗಳನ್ನು ಸುರಕ್ಷಿತ ಲೈಂಗಿಕ ಕ್ರಿಯೆಗಾಗಿ ಮತ್ತು ಗರ್ಭನಿರೋಧಕಕ್ಕಾಗಿ ಬಳಸಲಾಗುತ್ತದೆ. ಇದು ಬೇಕೆಂದಾಗ ಕಡಿಮೆ ಅಥವಾ ಕೈಗೆಟುವ ಬೆಲೆಯಲ್ಲಿ ಸಂಬಂಧಪಟ್ಟ ಶಾಪ್​ಗಳಲ್ಲಿ ಇದು ಲಭ್ಯವಿರುತ್ತದೆ. ಅದೂ ಕೂಡ ವಿವಿಧ ನಮೂನೆಯ ಪ್ಲೇವರ್ ಗಳಲ್ಲಿ ದೊರಕುತ್ತದೆ. ಇದು ಸಾಮಾನ್ಯ ಕಾಂಡೋಮ್ ವಿಚಾರ ಆಯ್ತು. ಆದರೆ ವಿಶ್ವದ ದುಬಾರಿ ಬೆಲೆಯ ಕಾಂಡೋಮ್(Expensive Condom) ಯಾವುದು ಗೊತ್ತಾ? ಇಲ್ಲಾಂದ್ರೆ ಈ ಸುದ್ದಿ ಓದಿ. ಯಾಕೆಂದರೆ ಅದರ ವಿಶೇಷತೆ ಬಗ್ಗೆ ಕೇಳಿದ್ರೆ ನೀವೇ ಶಾಕ್ ಆಗ್ತೀರಾ.

ಮಾಹಿತಿಯ ಪ್ರಕಾರ, ಸ್ಪೇನ್‌ನ ಸಣ್ಣ ಪಟ್ಟಣದಲ್ಲಿ ಪೆಟ್ಟಿಗೆಯೊಂದು ಪತ್ತೆಯಾಗಿದೆ. ಈ ಪೆಟ್ಟಿಗೆಯಲ್ಲಿ ಕಾಂಡೋಮ್ ಕೂಡ ಪತ್ತೆಯಾಗಿದೆ. ಈ ಕಾಂಡೋಮ್ ಅನ್ನು ಅಧ್ಯಯನ ಮಾಡಿದ ನಂತರ, ಇದು 200 ವರ್ಷಗಳಷ್ಟು ಹಳೆಯದು ಎಂದು ಕಂಡುಬಂದಿದೆ. ಆದ್ರೆ ಆ ಸಮಯದಲ್ಲಿ ಉನ್ನತ ಮಟ್ಟದ ಸಮಾಜದಲ್ಲಿದ್ದರವರು ಮಾತ್ರ ಕಾಂಡೋಮ್​​ಗಳನ್ನು ಬಳಸುತ್ತಿದ್ದರು. ಸಾಮಾನ್ಯವಾಗಿ ಕಾಂಡೋಮ್​ಗಳು 15 ಸೆಂ.ಮೀ ಉದ್ದವಿರುತ್ತವೆ ಎಂದು ಹೇಳಲಾಗುತ್ತದೆ. ಆದರೆ ಸ್ಪೇನ್​ನಲ್ಲಿ ಸಿಕ್ಕ ಕಾಂಡೋಮ್​ನ ಉದ್ದ 19 ಸೆಂ.ಮೀ ಎಂದು ಹೇಳಲಾಗಿದೆ.

ಅಷ್ಟೇ ಅಲ್ಲ 200 ವರ್ಷಗಳಷ್ಟು ಹಳೆಯದಾದ ಕಾಂಡೋಮ್ ಅನ್ನು ಇತ್ತೀಚೆಗೆ ವಿಶ್ವದ ಅತ್ಯಂತ ದುಬಾರಿ ಎಂದು ಗುರುತಿಸಲಾಗಿದೆ. ಇದು ಬರೋಬ್ಬರಿ 44,000ರೂಗೆ ಮಾರಾಟವಾಗಿದೆ. ಆಧುನಿಕ ಲ್ಯಾಟೆಕ್ಸ್ ಕಾಂಡೋಮ್‌ಗಳಿಗಿಂತ ಭಿನ್ನವಾಗಿರುವ, ಈ ಐತಿಹಾಸಿಕ ಗರ್ಭನಿರೋಧಕವನ್ನು ಕುರಿಗಳ ಕರುಳಿನಿಂದ ತಯಾರಿಸಲಾಗಿಯಂತೆ !!

ಅಂದಹಾಗೆ ಮೊದಲೇ ಹೇಳಿದಂತೆ ಇದು 18 ಅಥವಾ 19 ನೇ ಶತಮಾನದಷ್ಟು ಹಿಂದಿನದು. ಆ ಯುಗದಲ್ಲಿ, ಕಾಂಡೋಮ್‌ಗಳನ್ನು ಕುರಿ, ಹಂದಿ, ಕರುಗಳು ಮತ್ತು ಮೇಕೆಗಳಂತಹ ಪ್ರಾಣಿಗಳ ಕರುಳಿನಿಂದ ತಯಾರಿಸಲಾಗುತ್ತಿತ್ತಂತೆ. ಇದು ವಿಶ್ವದ ಅತ್ಯಂತ ದುಬಾರಿ ಮತ್ತು ಅಪರೂಪದ ಕಾಂಡೋಮ್ ಎಂದು ಹೇಳಲಾಗುತ್ತದೆ. ಈ ರೀತಿಯ ಕಾಂಡೋಮ್​ಗಳನ್ನು ವಸ್ತುಸಂಗ್ರಹಾಲಯದಲ್ಲಿ ಮಾತ್ರ ಕಾಣಬಹುದು..