Hidden Camera: ಮಹಿಳೆಯರೇ ಇನ್ಮುಂದೆ ರಹಸ್ಯ ಕ್ಯಾಮರಾಗಳನ್ನುಈ ರೀತಿ ಪತ್ತೆ ಹಚ್ಚಿ!
Hidden Camera: ಇವತ್ತಿನ ಸಮಾಜದಲ್ಲಿ ಕಾಮುಕರು, ಮೋಸಗಾರರ ಅಟ್ಟಹಾಸ ಮಿತಿಮೀರುತ್ತಿದೆ. ಅದಕ್ಕಾಗಿ ಮಹಿಳೆಯರೇ ಎಚ್ಚರವಾಗಿರಿ, ಮೈಯೆಲ್ಲಾ ಕಣ್ಣಾಗಿರಲಿ! ಎಚ್ಚರ ತಪ್ಪಿದರೆ ಮಾನ ಕಳೆದುಬಿಡುತ್ತಾರೆ. ಹೌದು, ಅದಕ್ಕಾಗಿ ಇನ್ಮುಂದೆ ರಹಸ್ಯ ಕ್ಯಾಮರಾಗಳನ್ನು (Hidden Camera) ಈ ರೀತಿ ಪತ್ತೆ ಹಚ್ಚಿ!
ನೀವು ಯಾವುದೇ ಹೋಟೆಲ್‌ಗೆ ಹೋದಾಗ, ನೀವು ಕೊಠಡಿಯಲ್ಲಿರುವ ವಸ್ತುಗಳನ್ನು ಎಚ್ಚರಿಕೆಯಿಂದ ಗಮನಿಸಬೇಕು. ಈ ರಹಸ್ಯ ಕ್ಯಾಮರಾಗಳನ್ನು ಸ್ಮೋಕ್ ಡಿಟೆಕ್ಟರ್, ಮಿರರ್, ಗೋಡೆ ಗಡಿಯಾರ, ಏರ್ ಪ್ಯೂರಿಫೈಯರ್, ಲೈಟ್ ಬಲ್ಬ್, ಪುಸ್ತಕಗಳು, ಕಬೋರ್ಡ್, ಕೋಣೆಯ ಬಾಗಿಲು, ಲಾವಾ ಲ್ಯಾಂಪ್ ಮತ್ತು ಪೆನ್ನುಗಳಲ್ಲಿ ಅಳವಡಿಸಬಹುದಾಗಿದೆ.
ಮುಖ್ಯವಾಗಿ ವಿಶ್ರಾಂತಿ ಕೊಠಡಿ ಮತ್ತು ಡ್ರೆಸ್ಸಿಂಗ್ ಕೋಣೆಗೆ ಹೋದಾಗ, ಅಲ್ಲಿರುವ ಕನ್ನಡಿಯನ್ನು ಪರೀಕ್ಷಿಸಿ. ನಿಮ್ಮ ಬೆರಳನ್ನು ಕನ್ನಡಿಯ ಮೇಲೆ ಇರಿಸಿ. ನಿಮ್ಮ ಬೆರಳು ಮತ್ತು ಕನ್ನಡಿಯಲ್ಲಿ ಬೆರಳು ಸ್ವಲ್ಪ ಒರಟಾಗಿದ್ದರೆ ಅದು ಸರಿಯಾದ ಕನ್ನಡಿ ಎಂದು ಅರ್ಥ. ನಿಮ್ಮ ಬೆರಳು ಮತ್ತು ಕನ್ನಡಿಯಲ್ಲಿರುವ ಬೆರಳು ಒಟ್ಟಿಗೆ ಅಂಟಿಕೊಂಡಂತೆ ಕಂಡುಬಂದರೆ, ಅದರಲ್ಲಿ ರಹಸ್ಯ ಕ್ಯಾಮೆರಾ ಇರುವ ಸಾಧ್ಯತೆಯಿದೆ.
ಮೊಬೈಲ್ಫೋನ್‌ನ ಬ್ಯಾಟರಿ ದೀಪದಿಂದ ಹಿಡನ್ ಕ್ಯಾಮೆರಾಗಳನ್ನು ಪತ್ತೆ ಮಾಡಬಹುದು. ಇದಕ್ಕಾಗಿ ಕೋಣೆಯಲ್ಲಿನ ಎಲ್ಲಾ ದೀಪಗಳನ್ನು ಸ್ವಿಚ್ ಆಫ್ ಮಾಡಿ ಪರದೆಗಳನ್ನು ಮುಚ್ಚಬೇಕು. ಇಡೀ ಕೋಣೆ ಕತ್ತಲೆಯಾದಾಗ, ಬ್ಯಾಟರಿ ದೀಪವನ್ನು ಆನ್ ಮಾಡಿ. ಆಗ ಆ ಕೊಠಡಿಯಲ್ಲಿ ಹಿಡನ್ ಕ್ಯಾಮೆರಾಗಳಿದ್ದರೆ ಅವು ಕೆಂಪು ಅಥವಾ ಹಸಿರು ಬಣ್ಣದ ಎಲ್ ಇಡಿ ಫ್ಲಾಷ್ ಮಾಡುತ್ತವೆ. ಇದು ಈ ಕ್ಯಾಮರಾವನ್ನು ಹಿಡಿದಿಟ್ಟುಕೊಳ್ಳಬಹುದು.
ಇನ್ನು ಗೂಗಲ್ ಪ್ಲೇ ಸ್ಟೋರ್ ನಲ್ಲಿ ಹಿಡನ್ ಕ್ಯಾಮೆರಾ ಡಿಟೆಕ್ಟರ್ ಅಪ್ಲಿಕೇಶನ್‌ಗಳು ಸಹ ಇವೆ. ಆ ಆಯಪ್‌ಗಳು ರಹಸ್ಯ ಕ್ಯಾಮೆರಾಗಳನ್ನು ಸ್ಕ್ಯಾನ್ ಮಾಡಿ ಪತ್ತೆ ಮಾಡಬಹುದು.
ಇನ್ನು ಕೆಲವೊಮ್ಮೆ ರಹಸ್ಯ ಕ್ಯಾಮೆರಾಗಳು ವೈಫೈ ನೆಟ್‌ವರ್ಕ್‌ನೊಂದಿಗೆ ಕಾರ್ಯನಿರ್ವಹಿಸುತ್ತವೆ. ಅವರು ರೆಕಾರ್ಡ್ ಮಾಡಿದ ವೀಡಿಯೊವನ್ನು ವೈಫೈ ಮೂಲಕ ರವಾನಿಸುತ್ತಾರೆ. ಅದಕ್ಕಾಗಿಯೇ ನೀವು ಕೋಣೆಗೆ ಹೋದಾಗ, ಯಾವ ವೈಫೈ ನೆಟ್‌ವರ್ಕ್‌ಗಳಿವೆ ಎಂಬುದನ್ನು ಸಹ ಪರಿಶೀಲಿಸಿ. ಅದಕ್ಕಾಗಿ WiFiman ಅಥವಾ NetSpot ನಂತಹ ನೆಟ್‌ವರ್ಕ್ ಸ್ಕ್ಯಾನರ್ ಅಪ್ಲಿಕೇಶನ್‌ಗಳನ್ನು ಸಹ ಇದಕ್ಕಾಗಿ ಬಳಸಬಹುದು.
ಇನ್ನು RF ಡಿಟೆಕ್ಟರ್ ಅಪ್ಲಿಕೇಶನ್‌ಗಳು ಈ ಸಂಕೇತಗಳನ್ನು ಪತ್ತೆಹಚ್ಚಲು ಸಹಾಯ ಮಾಡುತ್ತದೆ. RF ಸಿಗ್ನಲ್‌ಗಳನ್ನು ಪತ್ತೆಹಚ್ಚುವ ಕೆಲವು ಅಪ್ಲಿಕೇಶನ್‌ಗಳು ಪ್ಲೇಸ್ಟೋರ್‌ನಲ್ಲಿ ಲಭ್ಯವಿದೆ.
ಒಂದು ವೇಳೆ ಹೊಸ ಸ್ಥಳಗಳಲ್ಲಿ ಸೀಕ್ರೆಟ್ ಕ್ಯಾಮೆರಾ ಸಿಕ್ಕರೆ ಮುಟ್ಟಬೇಡಿ. ಏಕೆಂದರೆ ಪೊಲೀಸರು ಬೆರಳಚ್ಚುಗಳ ಮೂಲಕ ಅಪರಾಧಿಗಳನ್ನು ಹಿಡಿಯಬಹುದು. ಸಾಕ್ಷಿಗಾಗಿ ಆ ಸೀಕ್ರೆಟ್ ಕ್ಯಾಮೆರಾದ ಫೋಟೋ ತೆಗೆಯಿರಿ ಕೂಡಲೇ ಅಲ್ಲಿನ ಪೋಲೀಸರಿಗೆ ಅಥವಾ ಇತರ ಅಧಿಕಾರಿಗಳಿಗೆ ಮಾಹಿತಿ ನೀಡಿ.