Physical fitness : ಫಿಟ್ನೆಸ್ ಕಾಪಾಡಿಕೊಳ್ಳಲು ಜಿಮ್ ಉತ್ತಮವೇ ? ಇಲ್ಲ ಗರಡಿ, ಯೋಗ ಉತ್ತಮವೇ ?

Physical fitness: ಫಿಟ್ನೆಸ್ ಬಗ್ಗೆ ಜಾಗೃತರಾಗಿರುವ ಯುವಕರು ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ಅವರಲ್ಲಿ ಕೆಲವರಿಗೆ ಸಿಕ್ಸ್ ಪ್ಯಾಕ್ ಬಗ್ಗೆ ಅಪಾರವಾದ ಗೀಳು. ಹೃತಿಕ್ ರೋಷನ್, ವಿದ್ದುತ್ ಜಮ್ವಾಲ್ ಮತ್ತು ಸಲ್ಮಾನ ಖಾನ್ ಅವರಂತೆ ತಮ್ಮ ದೇಹವನ್ನು ಗಟ್ಟಿಯಾಗಿರಬೇಕೆಂದು ಬಯಸುತ್ತಾರೆ, ಜಿಮ್‌ಗೆ ಹೋಗಿ ಸಿಕ್ಸ್ ಪ್ಯಾಕ್ ಕನಸು ಕಾಣುವುದು ಇಂದಿನ ಯುವಕರ ಹೊಸ ಫ್ಯಾಶನ್ ಆಗಿದೆ. ಶರೀರ ಸುಂದರವಾಗಿರುವುದು ಆಕರ್ಷಕ ವ್ಯಕ್ತಿತ್ವದ ಒಂದು ಭಾಗವೇ ಹೊರತು ಅದು ಆರೋಗ್ಯದ ಅವಿಭಾಜ್ಯ ಅಂಗವಲ್ಲ.

ಆಧುನಿಕ ಜಿಮ್ ಮತ್ತು ಅಲ್ಲಿ ಮಾಡುವ ವ್ಯಾಯಾಮಗಳ ತುಲನಾತ್ಮಕ ಅಧ್ಯಯನವನ್ನು ಮಾಡಿದರೆ, ನಾವು ಹಲವಾರು ಅನುಕೂಲಗಳು ಮತ್ತು ಅನಾನುಕೂಲಗಳನ್ನು ಗಮನಿಸಿದ್ದೇವೆ. ಸಂಯಮಿತ ಹಾಗೂ ಯೋಗ್ಯ ವ್ಯಾಯಾಮದ ಜೊತೆ ಸಮತೋಲಿತ ಆಹಾರವು ಕೂಡ ಇದ್ದರೆ ನಾವು ಜಿಮ್‌ನಿಂದ ತಕ್ಕಮಟ್ಟಿಗೆ ಪ್ರಯೋಜನ ಪಡೆಯಬಹುದು.

ಆಯುರ್ವೇದ ವಿಧಾನ:
ಮಾನವ ದೇಹವು ರಸ, ರಕ್ತ, ಮಾಂಸ. ಕೊಬ್ಬು, ಮೂಳೆ, ಮಜ್ಜೆ ಮತ್ತು ಶುಕ್ರ ಎಂಬ ಏಳು ಧಾತುಗಳಿಂದ ಮಾಡಲ್ಪಟ್ಟಿದೆ. ರಸದಿಂದ ರಕ್ತ, ರಕ್ತದಿಂದ ಮಾಂಸ , ಮಾoಸದಿಂದ ಮೂಳೆ- ಈ ಕ್ರಮದಲ್ಲಿ ಪ್ರತಿಯೊಂದು ಧಾತುವೂ ಹಿಂದಿನ ಧಾತುವಿನಿಂದ ಪೋಷಿಸಲ್ಪಡುತ್ತದೆ …. ನೀವು ಎಚ್ಚರಿಕೆಯಿಂದ ನೋಡಿದರೆ, ಆಧುನಿಕ ವ್ಯಾಯಾಮದ ನಿಯಮಗಳು ಮಾಂಸವನ್ನು ಮಾತ್ರ ವೃದ್ಧಿಸುವಂತೆ ಕೇಂದ್ರೀಕೃತವಾಗಿರುತ್ತವೆ. ಆಗ ಸ್ಟೀರಾಯ್ಡ್ ಸೇವಿಸಿ, ವ್ಹೇ ಪ್ರೊಟೀನ್ ಸೇವಿಸಿ, ಮಾಂಸಾಹಾರ ಸೇವಿಸಿ ಸ್ನಾಯು ಗಳಿಸಿ ಎಂಬ ವಿಚಿತ್ರ ಸಂದೇಶವನ್ನು ಎಲ್ಲೆಡೆ ನೀಡಲಾಗಿದೆ.

ದೇಹದ ಆಂತರಿಕ ಅಂಗಗಳಿಗೆ ಕವರ್ ಮತ್ತು ಲೂಬ್ರಿಕಂಟ್ ಆಗಿ ದೇಹದಲ್ಲಿ ಸರಿಯಾದ ಪ್ರಮಾಣದ ಕೊ§Äâ ಬೇಕಾಗಿರುವುದು ಅವಶ್ಯಕ. ಆದ್ದರಿಂದ, ಶೂನ್ಯ ಕೊಬ್ಬಿನ ಪರಿಕಲ್ಪನೆಯು ಮೂಲಭೂತವಾಗಿ ತಪ್ಪು. ಒಂದೇ ಧಾತು ಅಂದರೆ ಕೇವಲ ಮಾಂಸವನ್ನು ಹೆಚ್ಚಿಸುವ ದೃಷ್ಟಿಕೋನದಿಂದ ವ್ಯಾಯಾಮದಲ್ಲಿ ಹೆಚ್ಚು ಶ್ರಮಿಸಿದರೆ ಅದು ಮಾಂಸವನ್ನು ದಪ್ಪವಾಗಿ ಕಾಣುವಂತೆ ಮಾಡುತ್ತದೆ, ಆಗ ಮಾಂಸದ ಮುಂಭಾಗದ ಸ್ನಾಯುಗಳು ದುರ್ಬಲವಾಗುತ್ತವೆ. ಆದ್ದರಿಂದ, ಅಂತಹ ವ್ಯಕ್ತಿಗಳಲ್ಲಿ ಮೂಳೆ ನೋವು, ಸ್ಪೆರ್ಮಟೊಜೆನೆಸಿಸ್ ಮತ್ತು ಫಲವತ್ತತೆಗೆ ಸಂಬಂಧಿಸಿದ ಕಾಯಿಲೆಗಳು ಹೆಚ್ಚು ಸ್ಪಷ್ಟವಾಗಿ ಕಂಡುಬರುತ್ತವೆ. ಆಗ ಅದು ಗಂಭೀರ ಸ್ವರೂಪ ಪಡೆಯುತ್ತದೆ.

ಗರಡಿ ಮನೆಗಳಲ್ಲಿ ಕುಸ್ತಿಪಟುಗಳು ತರಬೇತಿಯಲ್ಲಿ ಮಾಡುವ ವ್ಯಾಯಾಮ ಮತ್ತು ಅವರ ಆಹಾರಕ್ರಮವನ್ನು ಅಧ್ಯಯನ ಮಾಡಿದರೆ, ಭಾರತೀಯ ವ್ಯಾಯಾಮ ವ್ಯವಸ್ಥೆಯು ಅತ್ಯಂತ ಆದರ್ಶವಾದದ್ದು ಎಂದು ನಾವು ಗಮನಿಸುತ್ತೇವೆ. ಜಿಮ್ ನಲ್ಲಿ ವ್ಯಾಯಾಮ ಮಾಡುವ ಹಾಗೂ ಗರಡಿಯಲ್ಲಿ ವ್ಯಾಯಾಮ ಮಾಡುವ ಹುಡುಗರ ಆರೋಗ್ಯದಲ್ಲಿ ಸ್ಪಷ್ಟವಾದ ವ್ಯತ್ಯಾಸ ಕಂಡುಬರುತ್ತದೆ. ಗರಡಿಯಲ್ಲಿ ವ್ಯಾಯಾಮ ಮಾಡುವ ಅಥವಾ ಯೋಗಾಸನಗಳನ್ನು ಮಾಡುವ ಹುಡುಗರು ಹೆಚ್ಚು ಸದೃಢರು ಆರೋಗ್ಯವಂತರು ಹಾಗೂ ಉತ್ಸಾಹಿಗಳು ಆಗಿರುತ್ತಾರೆ. ಸಹಸ್ರಾರು ವರ್ಷಗಳಿಂದ ಗರಡಿ ಮನೆ ವ್ಯಾಯಾಮಗಳನ್ನು ಮತ್ತು ಯೋಗಾಸನಗಳನ್ನು ನಮ್ಮ ಪುರುಷರು ಮಾಡುತ್ತಾ ಬಂದಿದ್ದಾರೆ. ಆದರೆ, ಹೃದಯಾಘಾತ, ಮೂಳೆ ಸಮಸ್ಯೆಗಳು ಇತ್ಯಾದಿ ಮುಂಚೆ ಎಂದೂ ಕಂಡು ಬರುತ್ತಿರಲಿಲ್ಲ.

ಭಾರತೀಯ ಸಂಸ್ಕೃತಿಯಲ್ಲಿ ಸೂರ್ಯ ನಮಸ್ಕಾರ ಪರಿಪೂರ್ಣ ವ್ಯಾಯಾಮವಾಗಿದೆ. ಯಾವುದೇ ಉಪಕರಣಗಳನ್ನು ಬಳಸದೆ ಕೇವಲ ಸೂರ್ಯ ನಮಸ್ಕಾರದಿಂದ ದೈಹಿಕ ಸೌಂದರ್ಯವನ್ನು ಅಷ್ಟೇ ಅಲ್ಲದೆ ಆರೋಗ್ಯವನ್ನು ಕೂಡ ಚೆನ್ನಾಗಿ ಕಾಪಾಡಿಕೊಳ್ಳಬಹುದು. ಹಾಗಾಗಿ ನೀವು ಜಿಮ್‌ನಲ್ಲಿ ವ್ಯಾಯಾಮ ಮಾಡುತ್ತಿದ್ದರೆ, ಹೆಚ್ಚು ಒತ್ತಡದಿಂದ ಮಾಡಬೇಡಿ. ದೇಹವು ಎಷ್ಟು ಕಡಿತಗಳನ್ನು ಪಡೆಯುತ್ತದೆ ಎನ್ನುವುದಕ್ಕಿಂತ ಪ್ರಕೃತಿ ಸ್ಥಿರವಾಗಿದೆಯೇ ಎಂಬುದನ್ನು ಸಹ ಅಧ್ಯಯನ ಮಾಡಿ. ನಿಯಮಿತ ವ್ಯಾಯಾಮ ಮಾಡುವವರು ತಮ್ಮ ನಿಯಮಿತ ಆಹಾರದಲ್ಲಿ ಸರಿಯಾದ ಸಮತೋಲನವನ್ನು ಕಾಯ್ದುಕೊಂಡರೆ ಖಂಡಿತವಾಗಿಯೂ ಪ್ರಯೋಜನವನ್ನು ಪಡೆಯುತ್ತಾರೆ. ಅದಕ್ಕಾಗಿಯೇ ಭಾರತೀಯ ವ್ಯಾಯಾಮ ವ್ಯವಸ್ಥೆಯು ಅತ್ಯುತ್ತಮವಾಗಿದೆ.