Actress Samantha: ಸಮಂತ ಜೀವನದಲ್ಲಿ ಸಿನಿಮಾಗೂ ಮೀರಿದ ಟ್ವಿಸ್ಟ್ ಗಳು : ಸಮಂತಾ ಬೆಳೆದು ಬಂದ ಹಾದಿ ತುಂಬಾ ಇಂಟರೆಸ್ಟಿಂಗ್
Actress Samantha: ಸಮಂತಾ ಈ ಹೆಸರು ಕೇಳಿದ ತಕ್ಷಣ ಆಕೆಯ ಸಿನಿಮಾಗಳು, ವಿವಾದಗಳು, ಟೀಕೆಗಳು ಮತ್ತು ಟ್ರೋಲ್‌ಗಳು ನೆನಪಿಗೆ ಬರುತ್ತವೆ. ಯಾಕೆಂದರೆ ಆಕೆಯ ಜೀವನ ಸಿನಿಮಾಕ್ಕಿಂತ ಮಿಗಿಲಾದುದು. ಸಂತೋಷದ ಕ್ಷಣಗಳ ಜೊತೆಗೆ ಅನೇಕ ದುರಂತ ಕ್ಷಣಗಳಿವೆ. ಕೆಲವರಿಗೆ ಇವುಗಳ ಬಗ್ಗೆ ತಿಳಿದಿದೆ ಮತ್ತು ಇತರರಿಗೆ ತಿಳಿದಿಲ್ಲ. ಈಗ ಸಮಂತಾ ಅವರ 37 ನೇ ಹುಟ್ಟುಹಬ್ಬದ ಸಂದರ್ಭದಲ್ಲಿ ಮತ್ತೊಮ್ಮೆ ಅವರು ನಡೆದು ಬಂದ ಹಾದಿಯನ್ನು ನೋಡೋಣ.
ಸಮಂತಾ ತಮಿಳುನಾಡಿನ ಚೆನ್ನೈನಲ್ಲಿ ಹುಟ್ಟಿ ಬೆಳೆದವರು. ಪದವಿ ಓದುತ್ತಿರುವಾಗಲೇ ಮಾಡೆಲಿಂಗ್‌ಗೆ ಕಾಲಿಟ್ಟರು. ಆದರೆ ಚಲನಚಿತ್ರಗಳಿಗೆ ಪ್ರವೇಶಿಸುವ ಮೊದಲು, ಅವರು ಪಾಕೆಟ್ ಮನಿಗಾಗಿ ಪಾರ್ಟಿಗಳು ಮತ್ತು ಸಮಾರಂಭಗಳಲ್ಲಿ ಕೆಲಸ ಮಾಡಿದ್ದರು. ಅದೇ ರೀತಿ ‘ಯೇ ಮಾಯಮ್ ಚೆಸಾವೆ’ ಇದು ಆಕೆಯ ಮೊದಲ ಚಿತ್ರ ಎಂದು ಹಲವರು ಭಾವಿಸಿದ್ದಾರೆ. ಆದರೆ ಅದಕ್ಕೂ ಮುನ್ನ ತಮಿಳಿನಲ್ಲಿ ‘ಮಾಸ್ಕೋವಿನ್ ಕಾವೇರಿ’ ಸಿನಿಮಾ ಮಾಡಿದ್ದರು,
ತೆಲುಗಿನಲ್ಲಿ ರಾಮ್ ಚರಣ್, ಅಲ್ಲು ಅರ್ಜುನ್, ಮಹೇಶ್ ಬಾಬು, ಪವನ್ ಕಲ್ಯಾಣ್ ಮುಂತಾದ ಎಲ್ಲಾ ಸ್ಟಾರ್ ಹೀರೋಗಳೊಂದಿಗೆ ಸಿನಿಮಾ ಮಾಡಿದ್ದಾರೆ. ಈಕೆ ಹಿಟ್‌ ಸಿನಿಮಾಗಳನ್ನು ನೀಡುವ ಮೂಲಕ ಸ್ಟಾರ್ ನಾಯಕಿಯ ಸ್ಥಾನಮಾನವನ್ನು ಅಲಂಕರಿಸಿದ್ದಳು. 2010-19 ರವರೆಗೆ ಸುಮಾರು ಹತ್ತು ವರ್ಷಗಳ ಕಾಲ ಚಿತ್ರರಂಗದಲ್ಲಿ ಸತತ ಚಿತ್ರಗಳನ್ನು ಮಾಡಿದ್ದ ಸಮಂತಾ ನಂತರ ಸತತ ಫ್ಲಾಪ್‌ಗಳಿಂದ ಸೋತರು. ಈ ನಡುವೆ ಮಯೋಸಿಟಿಸ್ ಎಂಬ ಅಪರೂಪದ ಕಾಯಿಲೆಗೆ ತುತ್ತಾಗಿದ್ದು ಆಕೆಗೆ ಕೆಲವು ವರ್ಷಗಳ ಕಾಲ ಸಿನಿ ಜಗತ್ತಿನಿಂದ ಹೊರ ಉಳಿದಿದ್ದಾರೆ.
ಸಿನಿಮಾಗಳ ಜೊತೆಗೆ ಒಟಿಟಿಗೆ ಪ್ರವೇಶಿಸಿದ ಸಮಂತಾ, ಫ್ಯಾಮಿಲಿ ಮ್ಯಾನ್ 2 ವೆಬ್ ಸರಣಿಯಲ್ಲಿ ನೆಗೆಟಿವ್ ಶೇಡ್ ಇರುವ ನಕ್ಸಲೆಟ್ ಪಾತ್ರದಲ್ಲಿ ಅದ್ಭುತವಾಗಿ ನಡೆಸಿದ್ದಳು. ಅಲ್ಲಿಯವರೆಗೂ ಗ್ಲಾಮರಸ್ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದ ಸ್ಯಾಮ್ ಅಭಿಮಾನಿಗಳಿಗೆ ಈ ಸೀರಿಸ್ ನಲ್ಲಿ ಸಮಂತಾ ಗ್ಲಾಮರ್ ಗೆಟ್ ಅಪ್ ಹಾಗೂ ಫೈಟ್ ಗಳನ್ನು ಮಾಡಿ ಅಚ್ಚರಿ ಮೂಡಿಸಿದ್ದಾರೆ.
ಸಮಂತಾಗೆ ಯಶೋದಾ ಎಂಬ ಇನ್ನೊಂದು ಹೆಸರೂ ಇದೆ. ಇದರ ಬಗ್ಗೆ ಬಹುತೇಕ ಯಾರಿಗೂ ತಿಳಿದಿಲ್ಲ, ಸ್ನೇಹಿತರು ಮತ್ತು ಕುಟುಂಬ ಸದಸ್ಯರು ಮಾತ್ರ ಅವಳನ್ನು ಈ ಹೆಸರಿನಿಂದ ಕರೆಯುತ್ತಾರೆ. ಸಮಂತಾ ‘ಯಶೋದಾ’ ಎಂಬ ಸಿನಿಮಾವನ್ನೂ ಮಾಡಿದ್ದಾರೆ. 2012 ರಲ್ಲಿ, ಅವರು ತೆಲುಗು ಮತ್ತು ತಮಿಳಿನಲ್ಲಿ ಅತ್ಯುತ್ತಮ ನಟಿಗಾಗಿ ಫಿಲ್ಮಫೇರ್ ಪ್ರಶಸ್ತಿಯು ಲಭಿಸಿದೆ. ರೇವತಿ ನಂತರ ಈ ಸಾಧನೆ ಮಾಡಿದ ಎರಡನೇ ನಾಯಕಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
2013 ರಲ್ಲಿ ತನಗೆ ಮಧುಮೇಹವಿದೆ ಎಂದು ಸಮಂತಾ ಬಹಿರಂಗಪಡಿಸಿದರು. ಜಿಮ್ ಮತ್ತು ಆರೋಗ್ಯಕರ ಆಹಾರವನ್ನು ತೆಗೆದುಕೊಳ್ಳುವ ಮೂಲಕ ಅವರು ಕಾಯಿಲೆಯಿಂದ ಮುಕ್ತರಾದರು. ಆದರೆ ನಂತರ ಅವರು ಮಯೋಸಿಟಿಸ್ ಎಂಬ ಅಪರೂಪದ ಕಾಯಿಲೆಗೆ ತುತ್ತಾಗಿದ್ದಾರೆ. ಇದು ದೀರ್ಘಕಾಲದ ಸ್ನಾಯುವಿನ ಉರಿಯೂತವನ್ನು ಉಂಟುಮಾಡುತ್ತದೆ. ಇದರಿಂದ ಈಗ ಕೊಂಚ ಚೇತರಿಸಿಕೊಂಡಿದ್ದಾಗಿ ಸಮಂತಾ ತಿಳಿಸಿದ್ದಾರೆ.
ಸಿನಿಮಾ ಬಿಟ್ಟರೆ ಸಮಂತಾ ಅವರ ವೈಯಕ್ತಿಕ ಜೀವನ ಅದಕ್ಕಿಂತ ಮಿಗಿಲಾದುದು. ಅಕ್ಕಿನೇನಿ ನಾಯಕ ನಾಗ ಚೈತನ್ಯ ಅವರನ್ನು ಪ್ರೀತಿಸಿ 2017ರಲ್ಲಿ ಅದ್ಧೂರಿಯಾಗಿ ಮದುವೆಯಾದರು. ಆದರೆ ಇದ್ದಕ್ಕಿದ್ದಂತೆ ಏನಾಯಿತು ಏನು, ಗೊತ್ತಿಲ್ಲ 2021 ರಲ್ಲಿ ವಿಚ್ಛೇದನ ಪಡೆಯುವುದಾಗಿ ಸಮಂತ ಘೋಷಿಸಿದರು. ಇದು ಅವರ ಅಭಿಮಾನಿಗಳಿಗೆ ಮಾತ್ರವಲ್ಲದೆ ಇಡೀ ಇಂಡಸ್ಟ್ರಿಯಲ್ಲಿ ಎಲ್ಲರಿಗೂ ಶಾಕ್ ನೀಡಿತ್ತು. ಕಾರಣವೇನೆಂದು ತಿಳಿಯದೆ ಸಮಂತಾ ತುಂಬಾ ಟೀಕೆಗೊಳಗಾಗಿದ್ದರು. ನಿಜವಾಗಿ ಏನಾಯಿತು ಎಂಬುದು ಇನ್ನೂ ಸಸ್ಪೆನ್ಸ್ ಆಗಿಯೇ ಉಳಿದಿದೆ.
ಆದರೆ ಸಮಂತಾ ಎಷ್ಟೇ ವಿವಾದಗಳಿದ್ದರೂ ಒಳ್ಳೆಯ ವ್ಯಕ್ತಿತ್ವ ಹೊಂದಿದ್ದಾರೆ. ಬಡ ಮಕ್ಕಳು ಮತ್ತು ಮಹಿಳೆಯರ ಕಲ್ಯಾಣಕ್ಕಾಗಿ ಸಮಂತ ನಡೆಸುತ್ತಿರುವ ಪ್ರತ್ಯಷಾ ಬೆಂಬಲ ಎಂಬ ಎನ್‌ಜಿಒ ಅನೇಕರಿಗೆ ಸಹಾಯ ಮಾಡುತ್ತಿದೆ. ಹಾಗೆ ನೋಡಿದರೆ ಸಮಂತಾ ಬದುಕನ್ನು ಸಾಮಾನ್ಯ ಹಿನ್ನೆಲೆ ಮಟ್ಟದಿಂದ ಆರಂಭಿಸಿ, ಸ್ಟಾರ್ ಹೀರೋಯಿನ್ ಪಟ್ಟ ಅನುಭವಿಸಿ, ವೈವಾಹಿಕ ಬದುಕಿನೊಂದಿಗೆ ಟೀಕೆಗಳನ್ನು ಎದುರಿಸಿ, ತಿರುಗಿ ಗೆದ್ದು ಬಂದ ಗಟ್ಟಿಗಿತ್ತಿ ಮಹಿಳೆ ಎಂದರೆ ತಪ್ಪಾಗಲಾರದು.
ಇದನ್ನೂ ಓದಿ: DElEd Course: ಈ ಕೋರ್ಸ್ ಮಾಡಿದರೆ ಸುಲಭವಾಗಿ ಶಿಕ್ಷಕರ ಹುದ್ದೆ ಪಡೆಯಬಹುದು ; ಕೂಡಲೇ ಅರ್ಜಿ ಸಲ್ಲಿಸಿ!
